#1  
قديم 19/11/2007, 11:00 AM
زعيــم متألــق
تاريخ التسجيل: 29/08/2005
مشاركات: 1,072
تحول كلام المحللين في الا ستوديو التحليلي (180) درجة حسب نتيجة المباراة،

بالامس خسر المنتخب السعودي مباراته امام المنتخب الليبي والاخير بعشرة لاعبين ، وهذه امور عاديه تحصل في عالم كرة القدم ومع منتخبات دوليه ولها باع طويل في المنافسات والبطولات. المشكلة ليست هنا المشكلة هو انك عقب كل فوز او هزيمة لاي منتخب سعودي وفي مختلف الدرجات تخرج عقب تلك المباارة بالعديد من النقاط اهمها:
1- تحول كلام المحللين في الا ستوديو التحليلي (180) درجة حسب نتيجة المباراة، فاذا خسر المنتخب حتى وهو يقدم افضل ماعنده ويعانده الحظ مثلا تجد التبريرات تبدأ والقاء العتب واللوم واسباب الهزيمة على المدرب واللاعبين والتشكليه وعدم اختيار لاعبين اخرين في الاندية قادرين على تقديم افضل من الموجودين وهذا الكلام تسمعه يتكرر في كل مباراة من المحليين وحتى الجماهير باتصالاتها تطالب بنفس الكلام.
طبعا انا مااقول ان المنتخب امس كان في قمة مستواه او انه يستحق الفوز ،، لا لكن الاسطوانه تتكرر بحسب النتيجة،
في كاس اسياء شاهدنا المنتخب وقدم نتائج مذهله بنفس التشكليه والكل يمدح ويشيد ويطالب بتثبيت التشكليه واعداد منتخب لكاس العالم القادمه، امس اول ماصفر الحكم الا والمطيويع يشرشح المدرب وينكت ويتندر عليه ويقول السيد انجوس راح يسوي تشكليه للمنتخب في 2010او 2014 ،، ويقولها بطريقة تريقه ويقول والله اعلم الله اعلم مدري مدري، ويدخل الشيخ صالح المطلق وبنفس المنطق ويتدخل العقيد ابو اثنين ويقول وين نور وين المنتشري وين وين وين إلخ،، والله شي مضحك؟

المهم النقيض حصل مع المنتخب الاولمبي قبل يومين كان في مباراة عك كروي مع المنتخب القطري ويتقدم القطريون وتضيع الطاسه وفجأه يطرد لاعب قطري وبعدها ضربة جزائيه لخبطت اوراق المنتخب القطري وجاء التعادل ثم الفوز في مباراة كانت بعيده عن ان تخرج فيها بنقطه وجاتك ثلاث ،، المهم جاك التحليل والبربره وان المدرب الداهيه والتغييرات الادهي ونشاط اللاعبين وحماسهم واحساسهم بالمسؤوليه والدعم من الاميرين سلطان ونواف ،، ووووووووو وراشد الماجد يغرد ،، ياناس ارحمونا؟

المهم اختم باني رجعت للقناة الرياضيه في وقت متأخر بعد المباراة فوجدت الجابر ابراهيم ومعه ضيف ونازلين شيل وحط في المدرب واللاعبين والباقي على الجمهور يكمل باتصالاته ونقده البناء( والله البناء في وادي والنقد في وادي اخر) لا بعد فيه واحد يقول كيف يلعب الشلهوب وين الشهيل ووين وين وين؟ وين الملايين الشعب العربي وين؟ المهم؟

ختمها مراسل القناه في مصر اتصل والجابر يسأله عن احوال المنتخب واسباب الهزميه قال لا فض فوه؟ يقول لاعبي ليبيا مبسوطين يغنون ويتراقصون وكأنهم انتصروا بمعركه؟ طيب ياخينا وش ودك من لاعبي ليبيا ، ودك يقلبوها عزاء ومناحه وهم قاطعين مرحله متقدمه نحو اللقب؟ وانت باقي لك الامارات راح تنشب بحلقك ومصر المستضيفه؟

بعدين لاعبي ليبيا احتلفوا بعد المباراة يعني مايؤثر احتفالهم على ا لنتحية ونفسيات اللاعبين؟ اخينا محلل نفسي ماشاء الله يقول هم يتراقصون حتى باهازيج سعوديه ودهم يؤثرون على نفسيات لاعبينا ،، اللي سمعه يقول انهم يغنون بين الشوطين؟ خلاص حبيبي المباراة انتهت وطارت الطيور بارزاقها؟

والله انا خفت بس يقول المفروض الهلال يلغي عقد التايب ، ، هذا الخائن الذي منذ خروجه روع لاعبينا بمهاراته ، وروع حارسنا وفجعه بكورة طائرة عصفت بقائم المسليم وكادت تجدع انف تكر وهي راجعه من القائم.

ويقولون نبي الكورة تتطور عندنا؟ هؤلاء خبراء الكورة والمحللين والنقاد ولا يهون جماهير طاش ماطاش؟

ا لا ا لله يعينكم على تحليل الداهيه الهريفي؟ تلاقيه يجمع السيرة الذاتيه الان لكل لاعب سعودي وللجهازين الفني والادري للمنتخب؟
اضافة رد مع اقتباس
  #2  
قديم 19/11/2007, 11:07 AM
الصورة الرمزية الخاصة بـ يـ! ,,,ــر 20
زعيــم مميــز
تاريخ التسجيل: 03/09/2007
المكان: بــآريـس نجــد
مشاركات: 3,927
مافهمت شيء
اضافة رد مع اقتباس
  #3  
قديم 19/11/2007, 11:08 AM
موقوف
تاريخ التسجيل: 27/07/2007
مشاركات: 2,352
لالالاتعليق
اضافة رد مع اقتباس
  #4  
قديم 19/11/2007, 11:17 AM
الصورة الرمزية الخاصة بـ k3ak3
زعيــم نشيــط
تاريخ التسجيل: 20/09/2005
مشاركات: 665
مشكور اخوي لكن قصد الاخ راكان انك كتبت بالمكان غير الصحيح خصوصاً انه يوجد مكان
مخصص للمنتخب السعودي
اضافة رد مع اقتباس
  #5  
قديم 19/11/2007, 11:22 AM
زعيــم متألــق
تاريخ التسجيل: 29/08/2005
مشاركات: 1,072
اخواني انا اكتب هنا ولا افصل بين المنتخب والهلال؟ ومايحصل من تحليل لمباريات المنتخب هو نفسه مايحصل مع الانديه ومنها الهلال؟ وعموما اللي مو عاجبه الموضوع ليس بالضروره ان يرد؟
ثم ان من نجوم مباراة الامس كانوا هلايين، ياسر والشلهوب والغامدي والتايب؟
اضافة رد مع اقتباس
  #6  
قديم 19/11/2007, 11:29 AM
الصورة الرمزية الخاصة بـ المخلص في حبك
زعيــم نشيــط
تاريخ التسجيل: 24/03/2006
مشاركات: 720
على العموم مشكور
اضافة رد مع اقتباس
  #7  
قديم 19/11/2007, 11:32 AM
زعيــم متواصــل
تاريخ التسجيل: 20/08/2006
مشاركات: 149
الله يعطيك العافية كلامك واقعي ومنطقي والمفروض شي والي صاير شي


بس مانقول الا الله يصلحهم
اضافة رد مع اقتباس
  #8  
قديم 19/11/2007, 11:46 AM
زعيــم متألــق
تاريخ التسجيل: 29/08/2005
مشاركات: 1,072
إقتباس
الرسالة الأصلية كتبت بواسطة راكان _20_
موضوعك ماله أي هدف وماله دخل هنا

يعني أنت وش تبي بالضبط هذا منتدى لمناقشة الفريق الهلالي بس

يااخي والله مدري انت وامثالك كيف ارد عليهم؟ يعني هذا الموضوع ماله دخل بالهلال؟
لكن على الاقل الموضوع رياضي وكما قلت يمس الهلال فيه بجوانب كثيره؟

المشكله انت قبل فترة كاتب موضوع تعلن عن ضياع شريحتك؟ بالله عليك هذا الموضوع علاقته بالهلال اقوى من موضوعي؟ او انت بس تكتب اي كلام عشان زيادة مشاركاتك؟
الا وش اخبارك شريحتك يابو شريحه؟
اضافة رد مع اقتباس
  #9  
قديم 19/11/2007, 12:10 PM
زعيــم متواصــل
تاريخ التسجيل: 12/07/2007
مشاركات: 82
انــا معكـ بأن معظم المحلليــن اذا فــاز المنتخب يمدحــون والعكس

لكـــن بالنسبــة لفيصــل ابو اثنين انا شاهدتـ تحليله للمباراة الاولى واحنا فايزيـــن وهو يقــول انه في اخطـــاء كثيرهـ وقال بعد انــه لا ننتظــر الخســاره حتى نقــوم بإصــلاح الاخطــاء وفعــلا حدثت الخســارة

أتمنـــى التــوفيــق للمنتخــب

اخر تعديل كان بواسطة » MamloOo7 في يوم » 19/11/2007 عند الساعة » 12:11 PM السبب: .....
اضافة رد مع اقتباس
  #10  
قديم 19/11/2007, 12:13 PM
زعيــم مميــز
تاريخ التسجيل: 24/07/2005
مشاركات: 14,960
فيه قسم خاص يالغالي للامور ذي
اضافة رد مع اقتباس
  #11  
قديم 19/11/2007, 12:17 PM
زعيــم مميــز
تاريخ التسجيل: 04/05/2002
مشاركات: 2,054
بالتوفيق
اضافة رد مع اقتباس
  #12  
قديم 19/11/2007, 12:23 PM
الصورة الرمزية الخاصة بـ الهـ الفيصل ـلالي
مشرف سابق في منتدى الجمهور الهلالي
تاريخ التسجيل: 01/05/2006
المكان: مكة المكرمة
مشاركات: 18,950
إقتباس
الرسالة الأصلية كتبت بواسطة سور الهلال العظيم
فيه قسم خاص يالغالي للامور ذي

عوووووووووووووووووووووووافي
اضافة رد مع اقتباس
  #13  
قديم 19/11/2007, 12:34 PM
زعيــم مميــز
تاريخ التسجيل: 06/11/2004
المكان: بني تميم
مشاركات: 2,829
شكرا لك
اضافة رد مع اقتباس
  #14  
قديم 19/11/2007, 12:54 PM
زعيــم مميــز
تاريخ التسجيل: 13/07/2005
المكان: الرياض
مشاركات: 3,333
انا تابعت التحليل بس معليش وش تبيهم يقولون المنتخب قدم أداء ممتاز ؟

وبعدين انا اتفق معهم في نقطة بأن البحري لاينفع ان يكون ضهير أيمن وهو بالأصل مركزة قلب دفاع وهو لاعب مجتهد في مكان غير مكانه الأصلي ولهذا معهم حق بأن يطالبون محمد الدوخي .

النقطة الثانية افتقدنا صانعي اللعب وشفنا كيف محمد الشلهوب ليس بالمستوى الي عرفناه فهو يمر بأزمه خطيرة وأغلب تمريراته غلط وشفنا كيف ياسر يرجع في بعض الأحيان للخلف لأخذ الكورةوزاد الطين بله عندما أخرج محمد الشلهوب ولم يجد من يسد مكانه في تمويل الكور للمهاجمين فمعهم حق بأن يطالبون بمحمد نور
اضافة رد مع اقتباس
  #15  
قديم 19/11/2007, 01:01 PM
زعيــم نشيــط
تاريخ التسجيل: 10/02/2007
المكان: جدة
مشاركات: 749
كلامك عين العقل
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:31 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube