|
آخر موضة لرفع الاسعار !! ... ][ صوره ][ السلام عليكم ورحمة الله وبركاته اكيد الكل يشوف موضة رفع الاسعار الجنوني والهيجان اللي صاير عند بعض التجار واحيانا نتصور ان الموضوع عبارة عن سباق بين التجار كل واحد يقول انا اغلى من الثاني ,, عموما ما يحتاج اشعب الموضوع واجد واتركم مع هالصورة الصورة صورتها اليوم الصباح وانا داخل احد البوفيهات المنتشرة في جده في كل شارع واسمها بوفيهات الامانة سابقا والان كل واحد استقل وصار له اسم خاص ! http://www.4img.com/up/07/11/18/3f04...11d75bf493.jpg اكيد شفتو كيف زيادة الاسعار وتقريبا ريال لكل صنف !! هذي مصيبة كبيره !! يمكن البعض يقول السالفة ريال واحد ما تفرق , لكن الحقيقه انها حركة ممتازه لزيادة الايرادات : بعض الشركات تعلن زيادة الايرادات 20% او 30% او اي رقم , فما بالك لو اعلنت الشركة زيادة الايرادات 100% ؟ هذا اللي حاصل في هالبوفيهات المتواضعه ؟ السعر سابقا = 1 ريال حاليا = 2 ريال الفرق = زيادة السعر بنسبة 100% يعني لو المحل ايرداته 10 الاف شهريــا , راح تكون 20 الف شهريــا !! نعم الاسعار مرتفعه , لكن وبنظرة منطقية للارتفاع المفروض يرفعون الاسعار بزيادة هللات ولاهو تدبيل السعر !! لكن شعبنا للاسف الشديد ما يستخدم الهللات ولا تعودنا عليها فما ننتبه لمثل هالامور ويمكن يجي البعض ويقول ( يحق لهم يا اخي على الاسعار المرتفعه ) فاقول نعم يحق لهم , لكن الان كل الدنيا راح ترتفع لان هالمحلات اللي تعتبر اقل المحلات تكاليف رفعت الاسعار فما بالك بالبقية ؟ والله يستر على الارتفاعات اللي جايه في الطريق ! والامر الاول والاخير يعود لوزارة التجار .. عفوا وزارة التجارة اللي جالسه تتفرج ولا من شاف ولا من دري ما نقول الا حسبي الله ونعم الوكيل على السبب في مثل هالامور ونذكره ان فيه فقراء ومساكين وارامل والكثير الكثير تضرروا من الارتفاع , والله يكون في عونهم وفي عون البقية شكرا لكم واسف على الاطالة :) |
حسبي الله ونعم الوكيل اذا الشاورما سعرها 5 ريال:upset::upset: |
هههههههههههههههههههه أجل أنتم رخيصين يا أهل جدة .. :tongue2: هذولي نفس أسعارنا قبل رفع الاسعار الهستيري :sick: لازم يشوفون لها حل صراحة .. كل من هب و دب جى ورفع السعر :upset: شقرن ناصر |
يا اخوي نقول مقاطعه يقلون طيب وهم أول ناس يشترون بالله عليك وش نسوي .. |
يا رجال حنا لاعبين فينا من زمان .. من يوم عرفت البوفيه وهي بريالين .. لا الحين طاحو ببعض المطاعم اذا قلت حطلي جبنه مع البيض يقولك بثلاثه .. مالك الا الصبر وش وداك له |
والله جشع التجار وطمعهم بيودي الشعب بداهية :cry: ارتفعت الأسعار وصرنا رهائن لهم ويمشونا على هواهم :upset: وربعنا يقولون مرحباً بالمقاطعة وهم أول من يروح يشتري لكن ماينلامون فرااااااق الكبسة شي مو هين :d:d وبصراحه حكومتنا لازم توقف هالمهزله إذا انا وانت قدرنا نشتري ونسد جوعنا غيرنا من قليلي الدخل مايقدرون يشترون وش ذنبهم ووش حيلتهم ..!! حتى سوق الغنم ارتفع تكاتفاً مع أشقائه الدجاج :stoned: لكن ماقووول إلا وداعاً أيها الدجاااج ومرحباً بالأرانب والضبان :d:d وعافاك ربي أخووي سكرو على هالطرح الراقي .. ولاهنت يابعدهم .. |
المصيبة إنهم يقولون إعذرونا و هذا بسبب الارتفاع ،، يعني إنا لازم نكسب و مانخسر و نخلي هالآودام يطفرون بأول الشهر :( يعني المشكلة 50 % منهم و 50 من الوزراة الله يستر بس بكرة يصير الببسي بريالاين و الفصفص بعد ،، إقتباس:
و لاتهون الغـــرفــة التجارية :) شوكرن على المتابعتـ skroo |
انت السبب في ارتفاع الاسعار تدري ليش لانك رايح لمهم :yes:حتى البوفيه قاطعها يا ابن الحلال خذ لك كيس توست 3ريال . وجبن مثلث ارخص 2ريال :d + حماية للتوست وبكذا تكون قاطعتهم s60s .................................. وعلى فكره امتداداً لموضوع رفع الاسعار بيرة من نوع هيلوستون 2.5 الحين بـ3 |
اجل بيض مسلوك ,هههههههههههه ولا يهون السجوك ههههههههههههههههه والله الظاهر اني اللي طبع الورقة هندي متاثر بالمسلسلات المدبلجة:d:d:d حسبي الله على من كان السبب هذا بسبب الزيادة 15% اجل وشلون لو كانت 50% وش بيصير ؟؟ ياخي قهر والله وطالع لك وزير التجارة ويقول موب لازم تاكل رز ودجاج ياشيخ جعلي اشوفه في مجاعة الصومال ومعه قرطاسة بسكوت ريكو يشمه ولا يحلم فيه حتى وعندك ناس ماغير تكتب في الجرائد على استحياء ومسوين انتخابات المجلس البلدي ليكون حلقة بين الشعب والمسؤولين ولا ندري وش فايدتهم ؟؟ والله موضوع يقهر حتى الهندي صار ينفخ عليك "تشتري ولا روح صديق" والله دنيا هذا وحنااقوى اقتصاد في دول العالم والله شي يرفع الضغط الله يفرجها ويسهل علينا امورنا ويرزق المسلمين واخيرا اللهم ادفع عنا البلاء والغلاء والزلازل والمحن |
سكرو .. وانت تحسب ان هالزيادة بتمنع العالم ما يشترون .. بالعكس والله ان دخلهم اذا ما زاد ما ينقص .. طالما ان احنا كشعب ما صرنا يد وحدة قدام كل واحد يرفع ريال واحد في السعر .. لا نحلم ولو مجرد حلم انه بيجي يوم ويوقف فيه جشع التجار .. . |
هلا والله اخوي,, هم مارفعوا الأسعار الا وعارفين ان الناس غصبن عليها بتشتري يعني اذا قاطعوا بيموتون جوع .. وبالنهايه راح يرجعون يشترون المشكله ان حتى الرواتب رافضين يرفعونها .. طيب الواحد اللي راتبه 3 الاف وش بيعطي اهله لما نهاية الشهر ..وش يوكلهم تراااب..:stoned: انا ماقهرني الا الوزير اللي طالع ويقول مالازم تاكلون رز ابعذره عايش في نعيم ولا هو عارف احوال النـاس يعني وش هالغباء معروف ان الأكلات المتعودين عليها هنا بالسعوديه.. ماتعتمد الا على رز .. وترى الاسعار الموجوده بالصوره عندنا قبل لايرتفع السعر .. لازم يكون هناك عقاب رادع للتجار علشان مايتنافسون برفع الأسعار .. والضحيه .. الناس المستهلكين.. الله يعطيك العافيه ,, |
المصيبه ياخوان فى الناس الفقراء الذين مايقدرون يدفعون شي |
هههههههههههههههههههه البيض بريالين يازين البيت انظف وازين مشكور |
يا خي وش فقرا نصف الشعب أو أكثر فقراء إذا ما هو ابوك أنت أبوك مهب معطيك مصروف يمكن يعطيك مية ميتين لكن وش تسوي الحين كل شي غالي ما فيه رخيص إلا البنزين والله يستر إذا ما أرتفع عاد دور شعب أكبر دولة مصدره للنفط |
حسبي الله عليهم !!!!!!!!!!!!!!!!! |
| الوقت المعتمد في المنتدى بتوقيت جرينتش +3.
الوقت الان » 07:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd