نادي الهلال السعودي - شبكة الزعيم - الموقع الرسمي - حقيقة.::مشكلة الماسنجر (80072745) ::.اكتشفت سرها

السلام عليكم ورحمة الله وبركاته

كثر في الآونه الاخيره << متعوب عليها s69s

مشكلة عويصه ومجننه اكثر الشعب وحتى ان بعض الشباب بحثوا عن الحل
في موقع ميكروسوفت لكن يطلع لهم (ان هذا الرمز لايوجد له حل أو جاري البحث عن الحل)

وهو هذا رمز الخطأ (( 80072745))

ان هذا الرمز الماثل امامكم << لاحد يلومني جنني :wallbash:

طبعا اول شي تسويه اذا واجهتك مشكله

أولا: وكل أمرك لله
ثانيا: ابحث عن الحل عند عمو جوجل

وانا ابحث في عمو جوجل لقيت ناس مساكين طايحين بنفس المشكله ان الماسنجر مايفتح خير شر

وطبعا تكثر التجارب على اجهزت الناس وفي اللي يقولك افتح ملف (hosts)
وتلقى سطرين ..
127.0.0.1 muser.messenger.hotmail.com
127.0.0.1 muser.messenger.hotmail.com

واستبدلهم بسطرين آخرين (انا ماكتبتهم عشان ماحد يجرب لأن الحركه فاشله)
وانا سويت نفس المطلوب بالموضوع وللأسف ماتغير شي!!
وهذا الموضوع يتناقلونه في المنتديات على عماها حتى بنفس الاخطاء
الاملائيه..

وطبعا ماينفعك حذف الماسنجر وتثبيته مره ثانيه
او حتى تثبيت نسخه قديمه أو جديده

لأن المشكله من الاساس <<< اف مابغيت تقول الزبده :upset:

المشكله من الاتصالات نفسهم أو من ميكروسوفت

واذا حدثت معك هذي المشكله اتصل على الدعم الفني الموجود رقمه خلف
بطاقة الاشتراك (سعودي نت , اول نت , نسما, صحارى, ...إلخ
وغالبا يبدأ رقم الدعم الفني بـ 800

أنا اتصلت على الدعم الفني في شركة (أول نت) ودار بيننا هذا الحوار

الموظف: السلام عليكم , أول نت , مرحبا

أنا : وعليكم السلام , أخوي الماسنجر مايشتغل عندي ويطلع لي رمز الخطأ
(80072745) من أيش المشكله؟؟

الموظف: ايه نعم انت اتصالك 256 وهذي المشكله عامه على مشتركين 256

أنا : طيب ايش السبب؟

الموظف : في اشكاليات بيننا وبين الاتصالات بسبب هذا الخلل وهم
وعدونا ان الساعه 12 ليلا راح تنحل المشكله << هذي السالفه الساعه 1,30 بالليل

أنا: طيب اخوي الحين الساعه 1,30؟؟؟؟

الموظف: هم ان شاء الله 3 ساعات بالكثير ويصلحون الخلل

أنا : مشكور اخوي وماقصرت.

_________ وانتهت المكالمه

واليوم الثاني الساعه 1 الظهر مااشتغل الماسنجر واتصلت عليهم وقالي
الموظف ان المشكله من ميكروسوفت.. ووعدني ان شاء الله بكره بالكثير
ويشتغل الماسنجر

((يعني بالعربي لاحد يضحك عليك ويقولك تعبث بملفات النظام أو ملفات البرنامج
.. أو ثبت ماسنجر ثاني ومن هالكلام... والمشكله من الاتصالات وميكروسوفت))

واسمحولي على الاطاله لكن حبيت اني اوضح الصوره
بالتفصيل الممل عشان ماتقعون ضحية الجهل << اف هذي والله اللي متعوب عليها

.:: والحل الوحيد هو الانتظااااار::.
ولحد الآن المشكلة لم تنحل من يوم الاربعاء الى وقت كتابة الموضوع يوم السبت 17/11/2007 الساعه 12,50 (فجراً)
وشكرا.
اخوكم / تسونامي البطولات