ماذا تفعل باانجوس؟؟ بسم الله الرحمن الرحيم اخواني الزعماء هل مانشاهده من تخبطات لاانجوس في المنتخب هل هي فعلا حقيقه ام وجه نظري انا فقط وخاصه في الدفاع اجل احمد البحري على مستوى منتخبات والا تكر وهوساوي اللي يلعبون في مركز واحد حاطهم جنب بعض ضاق عليه الدفاع في المملكه المفروض يلعب واحد من تكر او هوساوي ويلعب جنبهم دفاع ايسر مثل منتشري او اي دفاع ايسر ممتاز ويخلي احمد البحري قلب دفاع في النصر وخالد عزيز محور ماحنا فاضين لاانجوس ينكب المنتخب عشان زعله على عزيز والاظهره كثيرين عندنا من اهمهم حسن معاذ راشد الرهيب يااخوان المنتخب بلا هويه اجل السودان بالصف الثاني تبهذلك ياخوفي ضربه حظ انجوس في اسيا تنكب ام الشغله وشاهدنا اليوم المنتخب المصري كيف يطقطق على السودان الذي لايستحق الخساره من السعوديه اذا استمر المنتخب على هذا الحال فأحسن الله عزاكم في المنتخب هذه وجه نظر قابله للخطاء والصواب ارجو عدم التجريح |
صرااحه والله انك صادق وترا يا شباب كاس اسيا كان ( ضربة حظ ) افهموها انجوس بيجيب العيد وبيسفرونه زي باكيتا |
والله يا أخوي كلامك عين العقل .. يعني هل يعقل بأن نلعب باللاعب قلب دفاع ظهير .. يعني من جد نقطة ضعف كبيره في المنتخب السعودي واللي تتمكن في البحري .. __ أنا سبق قلتها وأبقولها أيضاا وأبكررها حتى يحدث الشيء هذا بأن منتخبنا لن يقهر اذا أتى خالد عزيز و حمد المنتشري و حسن معاذ الثلاثي هذا لو أتى المنتخب سوف تكتمل صفوف الأخضر وماعليه خوف الاخضر من بعدها وعلى قولتهم دربك خضـر ..:d ___ وشكرا لك أخي الكريم .. |
~ والله .. ماندري وش يبي يسوي باانجوس ~ :( |
سبق و قلتها اكثر من مرة و من ايام كاس اسيا..... انجوس مدرب امكانياته محدودة و منتخبنا الحالي اي كلااام... كل الناس و الصحف يقولون منتخب شاب صنعه انجوس و الحقيقة تقوول ان المدرب اللي صنع هالمنتخب هو كالديرون اللي ما عجب مسؤولي الرياضة عندنا لأنه رجل جدي و ما يسمح في التدخل بعمله... ياسر المسيليم... اسامه هوساوي...مالك معاذ...كامل الموسى...اول من ضمهم باكيتا احمد البحري..تيسير الجاسم.. خالد عزيز.. سعد الحارثي..صاحب العبد الله... اول من ضمهم كالديرون الوحيد اللي اكتشفه انجوس هو اسوأ لاعب في المنتخب الحالي... احمد الموسى... اي منتخب اللي صنعه انجوس هذا !!!!!! لو رجعتوا في كاس اسيا كان منتخبنا يعتمد بشكل كبير على الحظ و مهارات اللاعبين الفردية بدون تكتيك.... ما شفنا صناعة لعب ابدا... الموسى و عبد الرحمن القحطاني من فيهم اللي ممكن يصنع لعب؟؟؟؟ من متى و منتخبنا يفوز بشق الانفس و في اخر ثواني على اندونيسيا و منضغطين ثلاث ارباع المباراة!!!!!!!!!!!!!!!! ضد اوزباكستان 4 كور لهم في العارضة و ربك ستر علينا!!!!!!!!!!!! ضد العراق في النهائي مرتين بس اللي وصل فيها المنتخب لمرمى العراق...اولها في الدقيقة 70 من تيسير الجاسم تسديدة من بعيد يعني بدون منهج تكتيكي متدرب عليه!!!!!!!!!!!!!!! ضد اليابان ... غير ال 3 اهداف ما فيييييييييييييه.... اليابان ضاغطه علينا طووووووول المباراة.... المشكلة الحقيقية يا اخوان ان منتخبنا من عام 98 وقف مكانه بدون تطور.... كل المنتخبات تتقدم و حنا واقفين..... صار مستوانا قريب من اللي كنا نفوز عليهم بالخمسات و الستاات.... و مستوانا امام المنتخبات الكبيرة مثل ما هو ما فيه اي تطور او استفاده من المشاركات العالمية و الاحتكااااك!!!!!!! الله يستر علينا بس و يخلف على من يرسم طريقنا ...........!!!!!! |
****************************** ياناس ياهوه شفتوا وش سوا بكاس اسيا فوز على اليابان واوزبكستان ووصل للمباراة النهائية وايجاد توليفه ممتازه تنفعنا بالمستقبل والحين بيدهورنا واكيد بكاس اسيا ظربة حظ هههههههههههههه شر البلية مايضحك بعدين تسمون دورة العربيه تسمونها كورة قسم بالله كاننا في حواري لا ملاعب زي الناس ولا جمهور ولا معلقين ولا منتخبات واللي يلعبون معنا بالدورة يلعبون بالصف الثاني مافي الا حنا شاجين حيلنا بالعربي دورة نايمه فأكيد اللي بيشاركون نايمين لانها فاشله بكل المقاييس |
والله انه افضل مدرب مر على المنتخب.. شخصيته قوووووووويه.. ويدل ع شخصيته ماضم نور ولا عبدالغني وكم لاعب..هو واثق باللي عنده.. والله اني ارتاح له هالمدرب.. انتوا شوفوه قام يهاوش المدافعين من بعد مباراة السودان سوالهم تدريبات مكثفه ع العرضيات كفووو هالمدرب يشتغل من قلب |
والله انك ماتدري وين ربي حاطك خالد عزيز موقف سنة مايلعب لا مع الهلال ولا مع المنتخب |
الله يستر بس |
خخخخخخخخخخخخخخخخخخخخخخ اشوا انكم منتب مدربين ولا على المنتخب السلام |
اللي يفهم الكوره يقول إن آنجوس مدرب كبير يرضى اللي يرضى ويزعل اللي يزعل |
ضربة حظ تصير في مبارة أو مبارتين لكن كل مباريات بطولة آسيا بدع الأخضر وتقولون ضربة حظ ؟!! أنجوس ابدع مع المنتخب في آسيا , وبالنسبة للسودان ماهي مقياس هذي المباراة ويمكن انت لاحظت خشونتهم ودفاشتهم واعتقد لو حكم ثاني كان طرد اثنين إلى ثلاثة منهم , المقياس الحقيقي للاعبين بيكون قدام مصر ويمكن ليبيا أمّا من ناحية الدفاع الحالي كان عليه بعض الهفوات لكن ما نقدر نحكم لين يتم اختبارهم صح , . |
والله انا من كاس آسيا اقولها انجوس غبييي مع احترامي اجل البحري قلب دفاع يروح يلعبه ظهيير.....! لا والأعظم من كذا توكر وهوساوي يلعبون على جهة اليمين كلهم يعني في ثغرة واضحه.!! لا واللي اعظم واعظم تيسييير الجااسم...!! تيسير معروف مركزه ارتكاااز رايح طويل العمر يلعبه وسط ايمن صانع لعب.....!!!!!!!!!!! يعني لو انه مدرب ذكي زي مايقولون بعض الأخوان كان ضم حسن معاااذ سرييييع مهاااري تسديداته قوية يجيد الظربات الحره المباشرة حسين عبد الغني اعتقد المفروض تواجده في المنتخب لخبرته محمد نوور هذا بالحاله سالفة يعني لاعب زي محمد نور ماينظم للمنتخب طيب تقول عنه انه جيد ولاعب ممتاز ههههههههههههههههههه طيب ليش ماتظمه للمنتخب هههههههههههه صدق لين قالو شر البلية مايضحك لا والشي الثاني انه يعلب رضا تكر.!! بالله هذا تقولون عنه مداافع هذا المفروض يذبونه برااا شفنا نكباته في كاس العالم 2002 و 2006 منتخبنا يفتقد اظهره ممتازة ويفقد صانعيين لعب الشلهوب مو في مستواه عبد الرحمن القحطاني ( انــاني ) تيسير الجاسم ( طقها والحقها ) احمد الموسى ( اعتقد مافي امل يناول الا اذا 10 تجمعو عليه ) |
إقتباس:
|
اشكر جميع الاخوان على التعليق والا جرح الله يسامحه والاخوان اللي فهموني خطاء انا ماقلت ان انجوس ماينفع للمنتخب انا اقول وراه بدى يتخبط وقلت لايكون اسيا ضربه حظ هذا القصد والقصد المهم ان منتخبنا يشرفنا في جميع المحافل ولا اقصد التجريح |
الوقت المعتمد في المنتدى بتوقيت جرينتش +3.
الوقت الان » 04:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd