|
مقالب مش طبيعيه كل واحد يسدح رأيه و.........؟؟؟؟ بسم الله الرحمن الرحيم السلام عليكم ورحمة الله وبركاته مسائكمـ/صباحكم عسل انا والله العظيم مابراسي مقدمه فانتو مشوها لي هالمره :d المهم الحياه حلوه وتزداد حلاوتها بالمرح والصداقه حلوه وتزداد حلاوتها بالمقالب :d اتركم مع موضوعي القصه الاولى : يوم من الايام كنت ابي اسافر من جده للرياض وكان معي عمي وهو اتحادي فجاه وحنا في المطار لقينا الجاليه الاتحاديه اااااااقصد الفريق الاتحادي :laugh: قال عمي لازم اتصور معه قلت يالله روح وانا بصورك وانا نيتي امسح بوجه نور الارض بهزئه ... يوم وصلنا عند نور التمو الناس حوالينا قلت فرصتك ياولد قام عمي يطلب نور ويقوله ابي اتصور معاك قال خلاص قمت انا فتحت كاميرا الجوال وطولت شوي قال محمد نور يوااااد اخلص علينا :stoned: قلت بالله انتظر شوي علشان احط الوضع الليلي علشان تطلع صورتك :d في ذاك الوقت دورو لوجه نور علي الحرام انواع الضحك عليه من الشباب في المطار:laugh: وقام يهاوش حتى انه بغى يضربني وقال هذا جزائي اللي اصور امعك قلت انا طيب وش سويت بس علشان تظبط الصوره s60s بس هداه عمي وقام يتشحذه لانه لاعبه المضل وفي الاخير رضى وصورته وكنت بنزل لكم الصوره بس حقوق النشر محفوظه لعمي ومحمد نور ********************************************************* الحين بعطيكم نبذه علشان تفهمون القصه التاليه :wink: : المقطع الاول:هذا واحد من اصحابي معه جدين جده لابوه اعمى وجده لامه اصم بذكرلكم ثلاث مواقف مره مع الاصم ومره مع الاعمى ومره الاثنين سوى : s60s كان الولد يتفرج على مباراه وهوهلاليs13s صميم وعندنا بتوقيت ابها تبدا المباراه واحنا نصلي المهم اذن العشاء وبدا بالتشكيله قاله جده الاصم يالله ياولد قوم الصلاه عاد هو فهمه انه يروح ويلحقه بس الشايب مارضى لانه مايستغني عن الولد بحاجه بعلمكم فيها بعدين المهم قام الولد وهو زعلان وقال في نفسه لازم اسوي فيه مقلب الشايب مايستغني عالولد لانه يبيه اذا قال الامام آمين يدقه جده وقول امين معهم واذا قامو من السجود وكذا عاد بدو الصلاه وقبل ماينتهي الامام من الفاتحه دق جده قام الشايب آآآآآآآمين :d وهو يضحك عاد كل مره يسوي معه كذا وفي السجود الاخير تركه ملطوع :d حتى قرب التحيات تخلص بعدين يدقه ويقوم الشايب شوي وسلم الامام وقام الولد وهرب طالع الشايب في الناس لقاهم يناظرونه بأستغراب وش فيهم؟؟؟:confused: شوي الا وجاء المطوع وفهمه بطريقته عاد تتوقعون وش ردت فعل الشايب راح تسنن وبعد ماطلع انواع التكفيخ والتلطيم فيه لا وازيدكم حرمه مايشوف المباراه :cry: ******************************************************************** المقطع الثاني: في عصرية من العصاري <<<يسمع باللغه العربيه جاه اتصال من ابوه وقاله تعال جدك يبي السوق اللي هو الاعمى الولد قال لابوه بعد المغرب طيب قال ابوه مافيه يلا الحين الولد عصب وجاء ركب جده بالسياره ووداه السوق بتاع الملابس عشان ياخذ مقاسه شوي الا وفيه بنات قاعدين يطالعون الولد قام هو خق وعلى طووول طردهم طبعا وهو ماسك جده الاعمى والولد قلبه مع البنيات مو مع جده شوي الا وجده محظر في دولاب لملابس الورعان :stoned: والدولاب ذا كان منخفض شوي وجاه في منطقه حساسه :d والشيبان مايتحملون وعاد طاح وتكسرت نواظيره السوداء الولد في ذا الوقت تذكر جده وما أمداه يطالع الا والمشعاب في راسه وتلفيخ على كيف كيفكم عاد من زود الم الضرب الا انه قدام البنيات فزاده الم لان الولد استحى :stoned: ****************************************************************** والمقطع الاخير: يقول على عيد الفطر السنه اللي راحت تجمعو عندنا بابها يقول الله يكرمكم دخل جده الاصم الحمام(وانتو بكرامه) وهو من عادته مايسكر الحمام ولا يولع الانوار وهم بالليل شوي الا وجده :surprised: الاعمى جاي ينادي الولد ياووووووولد تعال جاه وقاله خير وش تبي قال ابي الحمام الولد جات في راسه خطه شيطانيه قال يلا ياجد هات ايدك اوديك قال طيب الحمام فاضي قال ايه قال متاكد قال يارجال امش ومايصير الا الخير عاد دخل وسكر الولد عليهم الباب وماتسمع الاصوتهم مضاربه بالحمام :dطش طف طح طرااااخ طااااااااخ <<<< هذي انواع الضربات يقول جدي الاعمى يصايح عالاصم وهو مايسمع :d والاصم يقول للاعمى اطلع وهو مايدل الباب :d وعاد بغى الولد يطفس من الضحك عليهم وهرب وتوزى في ابوه والا كان صارت مجزره :wink: ********************************************************************* هذا مقلب ممكن يكون مجرب من احدكم اذا هو يعرف احد يدخن :stoned: هذى واحد ازعجني كل ماجيت اطلع الا وهو ذا يبي يفرفر معي المشكله انه يدخن وكل شوي يطلبني دخان عاد انا ما ادخن ولله الحمد s60s مره جات في بالي فكره قلت خلني اسويها فيه وعساه يتوب معاد يركب معي اشتريتلي ذاك البكت ملبورو احمر واطلع اللي وسطه واحط بداله شوي باروووووود:tongue2: عاد وحطيت شوي تمويه علشان مايشك في شيء جاء الوقت اللي قابلته فيه ركب معي وفرفرنا الا وهو اللي ناقز ويقول ابي دخان قلت دندن وغن ياولد ماطلبت شيء غالي والطلب رخيص مطلوبك عندي وعلى كيف كيفك واعطيه الزقاره والرجال منسجم حتى وصل للنص شوي الا وهي اللي تنفجر في خشته :d ولو تشوفون شكله ياناس بترحمه تقول توه طالع من حرب عصب الرجال وطلع من السياره وراح لمسجد يغسل وجهه ورجعلي وهو ناويني بشر قلتله بكيفك تحمل مايجيك انت اللي ركبت معي وانت اللي طلبت الزقاير محد جبرك ومن بعدها ولله الحمد ماعاد شفت خشته ولاعاد يكلمني الا اذا قابلته وجه لوجه يقزني بنص عين مسوي زعلان :stoned: وانصحكم اذا واحد تعرفونه يدخن سووا هالتجربه وان شاء الله يبطل يشرب زقاير بالمره :wink: اووووف تعب تكسرت اصابيعي والكيبورد بعد تخفست ازراره شوي وتطلع من الجهه الثانيه :d المطلوب تكفون ياشباب ابي منكم تفاعل كل واحد يحطله سالفه تضحك مقلب او اي اشي :wink: ولكم اعذب وخالص وارق واجمل وامتع تحيه<<<< مابغيت تخلص :d تحيااااااااااااااااااااااااااااااتي :thumbup1: |
هههههههههههههههه يعطيك العافيه |
ههههههههههههههههههههههه هههههههههههههههه هههههههههههههههههه |
إقتباس:
|
تبعت الوضع الليلي حلووووه هههههههههههههههههه .. يعطيك العافيه أخوي .. وشكرا لك |
هلا اخوي موضوع جدا رائع .... شف ياخوي انا احب المقلب يكون خفيف ومهضوم يعني مافيه اضرار لاحقه وانتم المعروف عن مقالبكم يالاولاد قويه :d عشان كذا مأاسوي الا في البنات عشان لود ردوها بتكون اخف مهما كانت الاضرار اممممممـ تفكر في مقلب ...:d والله مايحضرني بس لو تذكرت اكيد برجع ان شاء الله عشانك تعبان عالموضوع عوااافي |
ياهلا بأخوي زعيم الجنوب أشكرك على القصص اللي فطست من الضحك وأنا أقراهن خاصة سالفة الشايب اللي مايسمع بالمسجد :d,, ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــأما موضوع المواقف والمقــالب أنا الصراحـــة ما أحب أسوي في أحد مقــالب ولا أحب أحــد يسوي فيني. والله اليوم بغى واحد من أخوياي يسوي فيني مقــلب بس الحمد لله ماصار بس والله لو صار كان بتكون علوم السالفة كـنت أنا طالع للإستراحه ودقيت على أخوياي قالوا حنـا بنطلع للبر قــلتلهم خلاص أنا إذا رجعت من الاستراحه بلحقكم على 12 بالليل <<<<<< (( مستانس بالإجازة:d )). ايه وأقولكم يوم رجعت للبيت دقيت عليهم قلت وينكم قالوا حنا فوق النفد قــلت زين يله أنا جايكم دخلت أنا البيت تروشت <<<<< نظيف :d طلعت أنا من بيتنا ودقوا علي قالوا وينك قلت جايكم بالطريق قالوا نلعب عليك ماطلعنا للبر حنا اللحين نتعشى في أحد مطاعم الرياض <<<<< مايبي يسوي دعاية :d قلت أحــمد ربك إني ماطلعت والله لو إني رايح كانت بتسير علوووم بس الحمد لله جت سليمه. eng.tareq |
هههههههههههههههههههه صراحة إنت فلّة أنا أحب المواقف بس مو مرّة لأنها تنرد لي هذا يا طويل العمر يوم الثلاثاء في المدرسة فيه شلّة اللي هي شلتنا خمس بنات كل شي زي بعض يعني اللبس والشعر والمراييل المهم ووحدة من الشلة اسمها أبرار هاذي تموووووووووووت على صلاح الغيدان وبعد عذور من الشلة تمووووووووت على ياسر القحطاني ومن جد صاجينا فيهم في كل شي وصورهم في كل مكان فقلت عاد لباقي الشلة لازم نسوي فيهم مقلب فرحت يوم الإثنين البيت وأطبع لك صورة لياسر وصورة لصلاح ويوم الثلاثاء في نص الطابور أضرب أبرار وعذور على ظهورهم بقوة وألزق الصور عاد هم يا حليلهم متعودين على المزح الثقيل وشوف كل البنات يناظرون ويضحكون وتجي المشرفة قسم بالله ماخلت كلمة ما قالت لهم يعني من جد تهزيئ بس والله رحمتهم وهم مستانسي دام السالفة فيها صلاح وياسر بس أنا متأكدة إنهم لازم يردون المقلب عوافي |
هههههههههههههه مسكين يا خي كان ريشة فيه شوي حرام عليك بس زين ما سويت فيه |
إقتباس:
<!-- / message --><!-- sig --> إقتباس:
إقتباس:
اسعدني تواجدك إقتباس:
ومشكور على مرورك إقتباس:
بأنتظار عودك لنا اختي ومشكوره على تواجدك إقتباس:
بالنسبه لمقلبك فهو يصير كثير وفيه واحد كان يموت بالحفلات قلنا له لايطوفك حفله على الكيف واحنا مشغلين كاسيت عرضه الرجال صدق ودقينابه مشوار مو بسيط وانواع التقطيع فيه المشكله الزمنا نعوضه بعشاء محترم الله يعطيك العافيه اخوي على مرورك ولاتحرمنا طلتك من جديد إقتباس:
مشكوره اختي على المقلب الحلو بس انتبهي لا يسوون فيك مقلب اشد مشكوره على مرورك ولاعدمناك إقتباس:
مشكور على تشريفك للموضوع ولاتحرمنا طلتك <!-- / message --><!-- sig --><!-- / message --><!-- sig --> |
إقتباس:
< متسدح من الظحك ,, بالنسبه للمقالب فهي كثيره ولاتعد ولاتحصى :D ولا اذكرها كلها اذا ذكرت منها شي بجي اكتبها بالموضوع :D عوافي زعيم الجنوب ورده |
احلاها الشيبان في الحمام ههههههههههههههههههههههههههههههههههههههههههه مشكور |
ههههههههههههههههههههههههههههههههههههههههههه اجل تحط الوض الليلي هااااااا ههههههههههههههههههههههههه حقيقه اعجبتن s60s خوذو موقف لي مره رايحه لــــــ الفيصليه في رمضان بـــــــ الصبح (انا و امي و خواتي ثنتين) و اهلي الله يهديهم مقومينن من النوم .... ورايحه لـــــــــــــ الفيصليه اعيون اشخوط رقينا فوق... امي و واحده من خواتي اسبقونا انا واختي الثانيه لـــــــــــ محل الرياضه واختي الي معي زيي رياضيه .... انا مره ناااااايمه بــــــ معنى الكلمه ... اختي لما جينا ندخل وقفت عند الباب... قلت له خير وش فيك ليش وقفتي؟؟ قالت لي شوفي تفاريس و ابرونو. انا قاعده اسالها وين الصوره؟؟ قالت لي شوفيهم الي قاعدين على الكرسي انا بـــــ ثانيه واحده صح صحت النوم طاااااااار... انا قاعده اناقز واختي تمسكني<<<<<<<<<<تخيلو شكلي.. و انا و اهلي قاعدين جنبهم.. وانا ما ني مستوعبه الوضع . ابدا ابدا .. واصور معهم و اخذ توقيعهم ... و اهجد الحمد الله ... تصدقون ان تفاريس لابس ازباريات؟؟ :surprised: <<<<<<<<<ما شاء الله عليه اخذ طبع السعودين :laugh: |
طيب اكمل لكم قصت مهويه بما اننا نقرب لبعض ابكمل وش صار لي :d المهم بعد ما طلعو من السووق ورجعوو للبيت كلمتني من الايميل ............ قالت لي توقعي من شفت بالسووق قلت خلصينا وقولي ميين ........... قالت شفت تفاريس وبرونو s60s طبعا انا تفاجأت وقلت له لا ما شفتيهم تستهبليين قالت طييب اشوفك اليووم واورييك s60s طبعا يووم صاار بعد العشاا انا احتريها على ناااار مووب بس انا ومعي بنت عمتي وتسحب علينا الاخت ما جت الا بعد التراويح ((رمضاان)) المهم يوووم جت وورتني التواقييع انا قلت ما لي شغل توقييع تفارييس لي s60s ويووم جيينا بنطلع انا مستانسه مع التوقييع كنا كلنا بنرووح سووا :d وانا احس بشي غرييب :surprised: واقوول للبنات احس فييه شي غرييب :surprised: يقولوون وشوو واناظر :surprised: طلع الشي الغرييب اني طالعه حفيانه :d المهم هم شافوني كل الي حوولي فاطسيين على ضحك :laugh: وانا دوروني دخلت جووا تغبييت منهم بس ما سلمت الا الان وهم ماسكين علي هالحركه وهذا هو الي صااار لي مشكووريين على الموضووع الي ذكرني :laugh: |
إقتباس:
هههههههههههههههه والله ياحنا نكته بذااك اليوووم بس الحمدلله انا ماصاار لي شي :d |
| الوقت المعتمد في المنتدى بتوقيت جرينتش +3.
الوقت الان » 09:56 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd