إجازة الرياض عبر ودروس...... دعوه للنقاش - نادي الهلال السعودي - شبكة الزعيم

خالي من الهم · #11 21/11/2007, 12:51 AM

إقتباس

الرسالة الأصلية كتبت بواسطة ماجد مقبل


	يالييييييييييييييييييل يا ناس يا عالم وش فيكم على الرياض تاركين العالم كله يرتع في اجازات لا تعد ولا تحصى وحاسدينا على يومين ـــههههههههههههههههههـــ هلا وغلا اخوي عبد الوهاب والله يعطيك العافية على الموضوع وكم سعدنا بقلمك المميز وهو يضع بصمته في مجلسنا وبالنسبة لمشكلة الزحمة في الرياض نو بروبلم دام هم كل مؤتمر بيعطونا اجازة وعلى فكرة تراني قطعت اجازتي الرياضيه وجيت رديت عليك والصدز مدري وش اقول اخوي عبد الوهاب انت ما قصرت والله يعطيك العافية ,,,

أبا مقبل أخو قلبي حبيب روحي يالله إنك تحييه لو أبجلس أرحب فيك إلى بكرع ما عبرت لك عن شوقي لك ولأبو خالد

.

بس ردك تحسه مجامله ولا تقول قلمي مميز ووضع بصمته <==يسمع بالتواضع

.
العين ماتعلى على الحاجب يا أديب ومشكور على قطع إجازتك عشان ترد على موضوعي

.

يخوي ودي أزود بمدحك بس بيقولون إني أجمل عشان كذا خلاص طس مناك ولا تزعجون العالم تكفون وهم نايمين

.
لاهنت أخو قلبي على المرور

إقتباس

الرسالة الأصلية كتبت بواسطة عبث طفلة


	وعليكم السلام ورحمة الله وبركاته... هلا بأخوي عبدالوهاب.. أخوي أنا كنت ماره على التحليه خاطفتها كل شئ موووت زحمه يروع يعني حتى الرياض موووت مافيه مغز ابره فاضي ذا العالم مغير سعسعه ودوجان.. وأحاتسي ينت عمي في الشرقيه تقول إن كل الشرقيه من أهل الرياض ماتشوف إلا جموس كبار و2شباب مرتزين قدام وقش حريم ورا وكومة مبزره... أجل ينت عمك اما على طاري الإجازه فصحيح أني ساكنه في الرياض وتشققت يوم سمعت بطاري الإجازه ولكني أباري لها لأنها ليست الحل وليست من صالحنا لذا علينا إيجاد أنجع الحلول واتخاذها.. أما على طاري الزحمه فهي قضيه مهمه ومعضله مضمخه ومحور متسع ومتشعب يجب علينا دراستها من جميع المشافر وإيجاد الحلول الملائمه لها... ولكن من الممكن إيجاد أدوار وجسور علها تخفف قليلا منها... أخي اعذرني على الرد السريع ولكن أتمنى الإستزاده فإن كان هناك من اقتراح وأراء مايساعد على رجوعي ويضفي عليكم فسأتجشم بالمجئ... ولكن لقد أثرت موضوعا مهما للغايه أهنئك على هذا الطرح ... يجب علينا طرح مثل هذه المواضيع وامتزاج الألسن والأراء وإيجاد أفكار نظريه صحيحه أتمنى أن تجد طريقا للتنفيذ ... لك مني أسمى الشكر والتقدير.. كن بخير...

عبث طفله قلم رائع أثبت حضوره خلال الفتره الماضيه من غير مجامله ردك وافي رغم إنه خارج عن موضوع النقاش على بالك إنك تذبين وخفيفة دم

.
أمانة قلم يشدني دوما لقرائة ما يخطه وفقك الله واستمري أختاه

.

لاهنتي علىالمرور أختي عبث بزره

إقتباس

الرسالة الأصلية كتبت بواسطة حتى ظلالي هلالي


	هلا بك اخوي خالي من الهم ،، موضوعك بوقته بس تصدق بالنسبه لي حلاة الرياض بزحمتها << وجة نظري طبعا أجل أنصحك بالتحول للسكن في الصين دامك تحبين الزحمه الفرد السعودي أو الخليجي عموما ،، مايفكر بالمشاكل إلا بعد حدوثها ،، ولا يحط لها قبل توقعات أو اضرار ،، لا ماشي على باب الله اللي يصير يصير ولا يفكر به تتوقعين الغتره والشماغ لها دور في ذلك يعني متى ..؟! أنا اقول حلم ابليس بالجنه يا إنك إنسانه محبطه أنا اقول ان الزحمه بالرياض محليتها زيادة علشان كذا مايحتاج حلول خلوها على ماخلقها الله عليه بلاك مادوامتي الساعه سبع بطريق خريص وبنشر قدامك سوداني وعطل الطريق وقتها تعرفين هل الزحمه محليه الرياض ولا لا شوف حنا عندنا رجال اعمال يقولون بنسوي ونسوي ولا نشوف شي ،، يعني بس كلام ،، وليتهم جد يفكرون بالمدن الترفيهيه كان ممكن يخلون العوايل تبطل تسافر برى <<مع اني اشك ليه لا والله يمكن تبطل بس أجلس بالرياض والجو شين ولا فيه مكان يستاهل اروح النفس فيه ولا اسافر انا معك ان مجتمعنا يحب الهياط وانتوا يالنسوان تحبون تتفاخرون في مجالسكم بنسافر هالسنه للصومال وكله حكي ما أدري ،، مافهمت السؤال علشان كذا ماجاوبت .. .. .. اعذروني على التجميع الصيني اللي مسويته لغة عربيه بأول جواب وخطمت عليه العامية مو مشكله اهم شي اني جاوبت وباخذ 10 من10 بالاختبار << صدقت انه اختبار .. .. .. تقبل مروري التحييييييييف اخي عبدالوهاب

لاهنتي على المرور يالي ظلها هلالي واستمري على ما إنتي عليه

إقتباس

الرسالة الأصلية كتبت بواسطة badori999


	زحمه يا دنيا زحمه.. والله الزحمه تعودنا عليها حنا يا سكان الرياض وبالنسبه للحلول اذا حطوها بروسهم يبي يحلونها والله لو يحطون دور ثاني فوق خريص والملك فهد والدائري... سييو

سيو ليتر بدوووري

وشكلك ما صرت تجمع من كثر الزحمه لاهنت على المرور

إقتباس

الرسالة الأصلية كتبت بواسطة المـشـاكـس


	خالي .. والله مرتين كل ما اكتب اني مانيب زعلان ولا شيء .. ما يوصل الرد .. الموضوع هذا انا اقول ان الحل بيدكم يا اهل الرياض .. وهو ببساطة .. اقعدوا ببيوتكم .. رد مختصر جدا لأني بطلع الجامعة .. ويمكن ارجع بعد الاختبار ان شاء الله .. اهم شيء عندي .. واللي اهم من الرياض ومن غيرها .. تراني عبيييييط .. لا تفكر تناديني بغيره .. . .

هلا عبيطوه مشاكسوه راشدوه ياسروه بس

أنا انتظرتك ترجع طلعت قليل خاتمه والدليل إنك شلت أبو خالد من توقيعك

وشلت موضوعي من توقيعك.

أجل شسوي بك

بقعا تصنك