انا مستغرب من ادارة النادي ليش ماتتحرك الى الان السلام عليكم ورحمة الله وبركاته انا ابغى اعرف النادي ليش مايبني ملعب له خاص بالهلال زيه زي اي نادي عالمي يعني اعتقد انه راح يكون استثمار جيد احسن مانقعد ننتظر مكرمة من كل عضو والا عطف من رئيس بصراحة حاولت افكر في سبب مقنع يمنع الادارة من هذا الشي مالقيت الا سبب واااحد وهو التطنيش وسوء الادارة او بالعامي الدجة ( يعني ماعندهم ماعند جدتي ) ليش بس ليش تخيلو معي ملعب كذا بتصميم جميل وبالاضافة الى خدمات من مشروبات وغيرها .... وتصير مباريات الهلال في ملعبه اعتقد دخل المباريات راح يكون داعم للخزينة بشكل ممتاز بس وين الناس الي تفكر صح إدارة نايمة في العسل |
والله انا معاك بس هذا يبيله ميزانيه ضخمه |
خل الإداره تجيب محترفين زي العالم علشان تسوي ملعب يا قلبي على الخصخصه بس امور كثيره بتتغير مع الخصخصه |
ترا الملعب يبيله مبلغ ضخم وليش تنتقد الادارة الادارة ما تستطيع تدفع مبلغ على ملعب |
إقتباس:
ما ادري .. الادارة الحالية .. مو عاجبني شغلها .. وحتى وان كنت احب محمد بن فيصل .. لكن الهلال اغلى .. |
يارجال لا تروح للملاعب الاوربيه شف قطر والامارات الغرافه له ملعب والجزيره له ملعب..........الخ |
إقتباس:
كلامك صحيح بس بدل العقد الغبي الي بس راح يكون صرف على النادي كان دورت على عقد لبناء ملعب للهلال واستفادة الشركة الي بنت الملعب بالراعية كم سنة يعني على سبيل المثال الارسنال ترا معلب الاميرتس من رعاية طيران الامارات يعني المشكلة اعتقد واضحة الادارة ماتفهم شي في الادارة ياخي برا الي يمسك الادارة انسان كفؤ مو لانه امير او لانه نفس تفكيره بصراحة ورغم اني كاره لكلمتي هذي بس طالع البلطان والبلوي تفكيرهم صح بس النادي هذا والنادي المجاور ( النصر ) انحكم علي بالفشل بسبب اداراتهم حرام دوري ولا اروع ولعبيه على مستوى عالي في الاخير الي يخرب كل هذا الاندية وادارة الاتحادات بس همنا المنتخب طيب المنتخب من وين بيجيب لعيبه مو من الاندية بس مااقول الله يرحم حالنا |
أنا أعلمك وش اللي خلى النادي ما يبني ملعبه للحين اذا نبي ملعب يرضي الطموح يبيله ميزانية واذا انت مغتر بالــ 250 مليون ,, يبيلك زيها 3 مرات وبعدين وش حارق رزكم على الملعب وش فيه استاد الملك فهد ليه ما يسوون مناقصة مع الاتحاد السعودي ويصيرون هم الراعين له يعني يصير ملعبهم بس بالايجار ورممه وسو فيه اللي انت تبي |
قرار بناء الملعب راجع للرئاسة العامة لرعاية الشباب وأذكر قبل كم شهر طرحت موبايلي على الهلال بناء ملعب بمواصفات اوروبية ووافقت إدارة الهلال ولكن الحاجز لهذا المشروع طلب الرئاسة العامة لرعاية الشباب بطلب 20 % من الارباح اللي راح تدخل خزينة النادي والشركة الراعية وبكذا يجب على الادارة الهلالية انتظار سنة او سنتين حتى يطبق نظام الخصخصة هذا إذا كان في ( خصخصة ) |
إقتباس:
ياحبيبي شكلك فاهمني غلط انا اقول ملعب للهلال وانا وش دخلني في ملعب الملك فهد ملعب للهلال يعني لا صارت مباراة للهلال مع اي فريق دخل المباراة يكون للهلال |
اخي الكريم النظام لايسمح لان مباني وملاعب النادي ملك للرئاسة العامة لرعاية الشباب وليس للنادي وهذا الذي يقف حجر عثرة أمام أي خطوة في بناء الملاعب الخاصة للأندية |
الوقت المعتمد في المنتدى بتوقيت جرينتش +3.
الوقت الان » 04:47 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd