السلام عليكم

شباب انا دخلت في تحدي مع نصراوي ان سامي الجابر اخذ الهداف( الدوري) مرتين اعوام 1410-1413

واخينا في الله يرفض ويقول بس مره 1410 بس وان 1413 اخذها العويران وتحداني انه يعطيني الف ريال مع نوكيا n95 اذا طلعت صادق وجبت له دليل


هاتو يالمورخين كلامي صح ولا هو صح وياريت باثباتات

والله مدري بس بعطيك شيء راح يفيدك

أضغط هنا :: لدخول الرابط ::


ودخل ودور وشوف وعلى كيفك عاد أنص بنص 50% أوكي >>>>>> أمزح

الا كلامك صحيح سامي اخذها مرتين

على البركه الجوال والالف

يسلمو على المرور وفهودي ابشر بعزك يالذئب

مبروك عليك الجوال والالف ريال مع انه حرام لانه رهان

الرهان حرام وهو شي يجب أن تضعه أمام عينيك

ثانيا من المعروف أن سامي حقق لقب الهداف في تاريخه مرتين

موسم 1410 بـ 16 هدف وهوأول موسم يلعبه وكان أصغر هداف في تاريخ البطولة (18 سنة)
وموسم 1413 وهو هداف أول دوري محترفين في تاريخ المملكة بـ19 هدف


بالتوفيق وأكرر لك التنبيه من قبول المراهنة

لا اعلم

حرااااااااااااااااااااااااااااااااااااام

ياشباب المراهنه تكون حرام اذا كانت من طرفين اذا من طرف واحد مو حرام انا كذا سمعت اذا فيه احد فاهم اكثر مني يخبرني وشاكرلكم مروركم

سامي اخذها مرتين

لاكن لن تحلم بالجوال والألف ريال لان جماهير الفخفخينا طبعهم عدم الوفاء وستذكر كلامي

مبروووك الالف والجوال

إقتباس ياشباب المراهنه تكون حرام اذا كانت من طرفين اذا من طرف واحد مو حرام انا كذا سمعت اذا فيه احد فاهم اكثر مني يخبرني وشاكرلكم مروركم

لا اخوي انا كنت مثلك تظن الشي هذا لاكن الاسبوع اللي راح شرح لنا الدكتور حق مادة السلم انه ماتجوز حتى لوكانت من طرف واحد
ولو تدق على شيخ يفصل لك تفصيل اوضح وادق لأنه فيه حالات كثيره

إقتباس الرسالة الأصلية كتبت بواسطة موهوب القصيم سامي اخذها مرتين لاكن لن تحلم بالجوال والألف ريال لان جماهير الفخفخينا طبعهم عدم الوفاء وستذكر كلامي

فعلا الرجال جلس يتهرب مني ويقول الهلاليين مصادرهم غير موثوقه وان النصراويين تواريخهم مظبوطه ومصر ان سامي ماخذها مره واحده بس

وشكرا ياشباب على التوضيح ان المراهنه حرام واستغفر الله اني تراهنت معه بس كان تفكيري انها حلال من طرف واحد وشكرا على المرور للجميع

إقتباس الرسالة الأصلية كتبت بواسطة ريوووني على البركه الجوال والالف

الصراحه يبي يعطيه شي شكلك ما تعرف النصراويين كلهم حتى لو كان خويه