بسم الله الرحمن الرحيم

.. .. .. .. .. ..
صراحهً ما عندي نسبه معينه ..

لكن انا من مدة طويلة شوي وانا اتابع منتداكم وشفت خلال السنه الماضية تغيّر في عقلية المنتدى .. يعني فيه أعضاء في المنتدى فيهم مرض اسمه خذني جيتك .. اعتقد ان هذا المرض مُعدي يعني اكيد اللي يكتب هالمواضيع اخوه أو شخص قريب منه نصراوي ..
نعطيكم الزبـده في المـرض ..

أولا :

انا دائماً اشوف في المنتدى مواضيع .. أمثال : يا ادارة الهلال نبي اللاعب (وبعدين يعطيك أسم اللاعب) .. أو .. خلونا نشتري بطاقة اللاعب الفلاني .. أو ... أستقيلو يا إدارة الهلال الفاشلة (وقت الخساره) .. وقت الفوز اكيد راح تقلب الآيه .. وهذا بحد ذاته غبـاء مفرط .. خلونا نشوف الأندية الكبيرة في العالم لا مانبي الكبيرة ونخلي نادينا فوق السحاب .. يشجعون ناديهم وقت الخساره أكثر من وقت الفوز ولو وصل ناديهم إلى الدرجه الثالثه يبقون معه . ليس على حسب الشوط الأول أو مع الفائز . يعني لازم تشجع ناديك وتكون معه قلباً وقالباً .

ثــانياً :
انا أشوف في الفترة الماضية كل همكم صاير نادي الأتحاد وادخل المنتدى وخاصهً منتدى الجمهور الهلالي .. وكاني داخل منتدى نادي الأتحاد او منتدى مُحبي لنادي الأتحاد ..

وهذا راح يضر النادي مثل نادي النصر قبل 10 سنوات أو أكثر كانت ادارة وَ مشجعي النادي همّهم ناديـهم وكان النادي من انجاز إلى إنجاز .. لكن لما تركو تشجيع ناديهم (بالمعنى المعنوي) وذهبو يشجعون الفرق التي تلعب ضد نادي الهلال .. يعني همّهم الاول ان الهلال يخسر مو همّهم ان النصر يفوز .. إلى ان وصلوا إلى حالتهم اليوم مع الأسف.

ثالثاً :
بالنسبة لـ الأجنبي الثالث .. انا اشوف ان الهلال من فترة طويلة جداً ما جاب محترف بمعنى الكلمة مثل طارق التايب .. يعني الهلال يجيبون لاعبين سعودين أفضل من الاجانب .. وَ السنه الماضية كان هناك دليل قاطع . نشوف اللاعب ريدريقو ألفان (الإسم ممكن خاطئ) من اول ما لعب مع الهلال مباراة انا اجزمت ان هذا اللاعب ما عنده مستواء (مجرد رأي مشجع) وكان أغلب الجماهير (في الملعب) تقول غير هذا الكلام والآن بعد ذهابه أحكمـوا .. أتمنى من إدارة النادي البحث عن محترف ثالث بدون تصاريحهم الكثيره .

ياليت كل واحد عنده ملاحظة على الموضوع أو على المنتدى . له الحق بـ المشاركة .

مع التحيه