<<< دايم يتورط بمقدمة الموضوع
مااعرف كيف ابدا .. بس بدخل علىا طول عرض
<<< اصلا هو مو دآري ليش يكتب موضوع .. ماله عشر مشآإركآت وسادح موضوع
<< اقول ادخل بالموضوع .. ولايكثر
المهم مآلكم بالطويله
بدخل بالقصه :
يوم الاحد قمت من النوم .. ورحت تزبطت ودقيت الشمآغ والعقال .. وجيت فرحان رايح الكليه .. ايوه صح ولا بس نظآرات شمسيه
المهم وصلت بعد المحاظره بخمس دقآيق ... وآطآلع وان العالم اختبار ويحلون
وانا بنظآراتي مدري وش
الهرجه
وادخل علىا الدكتور عرض ==> والله يادكتور مادريت ان عندي اختبآر
واقعد احلف له .. قسمن اني مآني مذآكر ولا ادري
قال / وش اسويلك طيب .. وانآ اللي اسوي فيها مسكين وحنين واكسر الخآطر
وبكل رقه والم وحزن << تكفىا .. واقول يادكتور اذا تبي تختبرني اختبرني بس انا ماادري ولا ذاكرت 
حسيت ان الدكتور حزن عليه .. قلي خلاص روح .. ومرني بالسآعآت المكتبيه
وانآ مااصدق خبر واجيك مآشي وراجع البيت وفرحآن ومتضآيق بنفس الوقت << شعور غريب
المهم ونسيته .. ونسيت الاختبآر ولا مريت عليه بالمكتب ولا شيء
واليوم طالع من المحاظره صلاة المغرب .. والقاه قدآمي طالعت فيه شكله مو غريب
وتذكرت انه اللي قلي اختبرك بعدين
وادخل فيه عرض .. كيف حآلك يادكتور عسآك طيب .. ايوه يادكتور متىا اختباري << سويت اني غبي وعلىا نيآتي
قال : يآخي انت مدري وش اسويلك .. بس فيه اختبآر بكره بالشعبه الفلآنيه تعآل اختبر
انا الاربعاء ماعندي دوآم .. قلت بنفسي ياليل اللبشه ياهذا انا الحين فرحآن بكره اجازه
وهذا يبيني اختبر
قلتله خلاص بكره بجي بختبر <<<< كن الشغله علىا كيفه << اللي يشوفه يقول كلية ابوه
المهم ورجعت البيت وتذكرت ان مآعندي لا دفتر ولا كتآب .. طيب والحل ... ؟ 
زبدة الموضوع /
اني مسكت جوآلي وجلست اقلب فيه بكلتىا يدي .. وج ـآري البحث علىا ارقآم الدوافير
تم العثور علىا الدآفور الاول
والجوآل بيرن .. بيرن .. ولا حدش بيرد << ايه ده ياقدعان .. حاله مزريه اوي اوي وارسل رساله .. واكتب فيها يرحم ابوك رد عندي اختبآر بكره وانا من الذكآء اللي فيني حطيت ارسال تقرير .. شوي جاني تم استلام الرساله يعني جواله معه بس هو مايبي يرد .. وادق .. وادق .. ولا بيردش 
جاري البحث علىا الرقم الثاني
تم العثور علىا الرقم الثاني
دقيت وجلست شويه ورد خوينا .. وانا لي منذ مبطيء ماكلمته
كيف حآلك يافلان .. وربي لك وحشه << شغل البكش
المهم ومن الكلآم هذا .. وادخل بزبدة الموضوع ... قال شوي واتصل عليه ويكون كل شيء جآهز
واجلس شويه .. واتصل ولا بيرد .. واتصل ولايرد ياهو .. يامسلم .. من هنا من هنا .. مافيه امل انه يرد من كثر مااتصلت عليه حسيت وقتها باقي شوي ويطلع لي السنترآل ويقلي نظرا لكثرة اتصالك علىا هذا الرقم فقد تم تعطيل الرقم
المهم .. بعد كذا جاري البحث عن الدوآفير ...
جاني بالجوال مكتوب ==>
للاسف لايوجد دوآفير .. حاول مرتن اخرىا
وانا اللي احط جوآلي جنبي .. واقول خلآص .. خلآص .. اعقلها وتوكل
وادخل النت والفلف بالنت .. والىا هذه الساعه المتآخره بهذا المسآء الجميل
وانا لم افتش الكتآب .. ومااعرف ماذا بداخل المنهج
لكن ان شاء الله اني بروح الكليه بدري << وبدورلي كتآب من اي احد بدخل فيه عرض
واجلس اطآلع فيه شويتين
الهدف من الموضوع /
انك ياحبيبي لاتدخل الكليه او المدرسه .. الا بقلمك ودفترك
لاتحط في بآلك تصوير .. واني بالاختبآرات بصور ومدري ايش
والله يارآح تقعدن فيها قعدتن اليمه
.. كحـآلتي الان
ولاتغيب فان الغياب مضر بالصحه <<< بدأ يبان اثار السهر
امنيه /
يامعشر الدوآفير الكرآم .. ارجو منكم جميعا التقيد والالتزام بانظمة المرور <<< الظآهر انه قآرب علىا الانتهآء
يامعشر الدوآفير .. نرجو منكم عدم ترك اخوآنكم المسلمين في هذه الحآلات التي يرثىا لها
يامعشر الدوآفير ساعدوا اخوآنكم المسلمين .. في تصوير الدفآتر والكتب
فانهم من لحمكم ودمكم << بدا يوسوس
ومضه /
كم انا سعيد بتوآجدي مع مجموعه مميزه من الكتآب المميزين بهذا المنتدىا
.
.
ارق التح ـيآ لكم ==>اخوكم / نوآف
الوضع العادي
