لا أخفيكم باني كنت متخوفا من الفكرة او بالأحرى من المحتوى
ولكن ما لامسته من حضوركم الدائم معي اراحني كثيرا
أضف الى ذلك سعادتي بالتثبيت فان يثبت لك موضوع وسط هذا الزخم من المواضيع والأعضاء لهو مدعاة للفخر وللمسؤلية
اتقدم بهذه ورده لمن قام بتثبيت الموضوع وأشكره من سويداء القلب فبعد أربع سنوات هنا هذا هو الموضوع المثبت الثاني لي
وعقبال الثالث في احتفالية السنوات الاربع القادمه
============
الاخ المشاكس
هلا وغلا
الجزء الاول
خليني اقول لك شغله على ردك الاول خليك بالجو
توقعت ان هذا هو ردك وانك لن تعود
فقلت في نفسي كل شيء من المشاكس مقبول لأن لك معزة كبيرة لدي
إقتباس
ياخوك حرام عليك ..
حسستني بمعاناة الشياب لما يقربون الكتب من وجيههم ويعفطون وجيههم مية عفطة عشان يقرون .. وللأمانة بعضهم يقفل عين ويفتح الثانية عشان لا يشوش ..
ياني ضحكت على الجزء ذا ضحك ما يعلم فيه الا ربي
من وين طلع معاك ذا الوصف
برغم حلاوته الا انه يحبطك من جد
بس ترى اخوك عليمي بقوة في عالم التنسيق يعني لا تلومه
الجزء الثاني
إقتباس
قال " اوكي .. السفر برى وغسلت يدك منه .. الان انت طالب جامعة الملك عبد العزيز .. يا تنتبه لنفسك . والا ترى بتعيش نفس الحالة هذي بعد التخرج " ..
اقرا حروف الحكمة في هذه الكلمات عل من قالها لديه نصيب منها
إقتباس
يا رجال .. مهوب انت لحالك اللي كنت مجنون بالكابتن ماجد ..
ما احد رفع نسبة عمليات الفتاق بالسعودية الا هو ..
المشاكس
تشرفت أنك أول من رحم المشاركة وعتقها من صفر الردود الممقوت
بس هنا الوضع مختلف واعجبني كثير تغييرك .... على الأقل أقدر ارد بشي أعرف له <<< رحم الله امرئ عرف قدر نفسه
أول شي والله ياأنا انعميت من هالخط ...
استاثمت فينا مطيع
ياناس تكفون ارحمونا منه وشيلوه من مجموعة الخطوط
أي واحد يكتب فيه مايحط الحجم المضبوط ويخلينا نقرأ الموضوع وحنا لاصقين بالشاشه
وأنا زودن على كذا رحت للعرض وحطيت حجم النص الأكبر وهو كان محطوط على متوسط
يالله أنه تعدل <<< خلاص غثيتوه بالخط ماتسوى عليه تركتوا الموضوع وركزتوا على الخط بس
888
88
8
نفسي تهوش نفسها
إقتباس
لحظة ضعف:-
من سنتين تقريباً صار بيني وبين وحدة من أعز صديقاتي مشكلة هي اختلقتها وزعلت
وكلمتني ساعتين مغير تهوش علي وأنا احاول ادافع عن نفسي ....
أنا مستغربه كلامها وردة فعلها
قلت أكيد أحد داخل بيني وبينها وموصل لها كلام شين عني
بس مب معقوله تصدقهم وتكذبني
قعدت فترة وأنا بلحظة ضعف وانهيار وتفكير
ليه كذا هانت معها العشرة وخربت علي العيد لأنها دقت قبله بيوم ومازالت تهوش
أنا يوم دقت ماقدرت اوقف دموعي وحسيت أني بحالة ضعف والله أعلم بحالي ...
قلت لأختي وكانت حاضرة نفس السالفه اللي تهوشني عشانها
وأكدت لي أني ماسويت شي غلط بس هي يمكن واصل لها كلام ثاني وصدقته
قلت مب معقوله يعني مب عادتها تسوي معي كذا أنا أعرفها أكثر وحده
وكل يوم أفضفض لأحد حتى أهلي مستغربين عليها لأنهم يعرفونها
المهم وحده من صديقاتي المقربات نفس حالتي دقت عليها وهاشتها
وللحين حنا ماتوصلنا لسبب مقنع لزعلها
بالأول نحسبها تسوي فينا مقلب
بس طول الوضع
بعد كم شهر دقت علي وقعدت ثلاث ساعات تعتذر
أنا كله صياح بس ...
صار البلى منها وأنها عندها مشاكل خاصه نعرفها
بس حطت الحره فينا وفشت خلقها علينا زي مايقولون
تقول لو أني ماأمون عليكم ومااعتبركم أخواتي كان ماسويت لكم كذا
صديقاتنا الثانيات عادي معهم هي كل ذيك الفترة
بس عشانا حنا مقربات منها حطت فينا الحرة
هي مب عادتها تسوي كذا بس يمكن عشان النفسيه كانت مش ولا بد
وناس ولعوا شرارة بسيطه بوجهها وهي ماصدقت خبر
العادة هي تفضفض لنا وحنا نخفف عليها
مب كذا تطب بوجيهنا وحنا ياغافل لكم الله
الحين الحمد لله رجعت الأمور تمام
من عقب ذيك المكالمة
الله يسامحك يالشيفه
<<<< قصة حياتها
الحاصل من هالقصة الطويله العريضه
أني مريت بحالات من الضعف والبكاء مالله به عليم ...
وهشتها يوم اتصلت تعتذر مني وحذرتها تسوي فيني كذا مرة ثانيه
والحين حنا بسبات ونبات بس مابعد خلفنا صبيان وبنات
إقتباس
طفــــــــولة:-
الله يخلف على امن جابتني
كل حياتي مع الرجال يوم كنت صغيرة
لعبي وجلوسي وكلش
لدرجة أن رجل خالتي لو دخلت عليه الحين بالغلط يقدر يميزني عن أختي الثانيه
اللي الناس يقولون أن حنا توأم من الشبه <<< مع أنهم ماعندهم سالفه
بس الحريم يغلطون فينا وهو مايغلط
يسولف على خالتي يقول أني كنت مطيعه وحليله عكس أختها ماتسمع الكلام
إقتباس
وكلي عذر على رداءة التنسيق ويبقى العذر ان المرء لا يلام بعد اجتهاده ..
ياحليلك تعتذر وحنا طابين فيك وقطعناك
أثرنا مانستحي على وجيهنا
يعطيك العافيه أخوي مطيع ...
موضوعك متنوع وحلو ...
يكفينا أن كاتبه مختلف عن الكل
خلك على هالوازنيه
ما أخفيك اني معجب فيك كشخص لاحساسي بان خلف هالمعرف انسان مكافح صبور!! وهالاحساس ماجاء عبث.. مطيع أصدقك القول بأني أراك طوعت قلمك ليكون مرآه لصدق ونقاء مطيع الانسان,, ^ ^ يشهد الله انه هالحكي خرج لااراديا بدون أي صفصفة كلام..
وش سالفة الخط اللي تقولون عنه ترى من جد احبطوني (وجه فيه الصيحة )
خل اعلمكم السالفة
اول شيء الخط عندي واضح وهو الخط العادي لاني بصراحة حبيت اغير الخط كنوع من التغيير فكنت اكتب البسمله واظللها واختار خط
بس لما احط معاينة يطلع نفس الخط ما يتغير آخر شيء قلت خليني اختار thoma >>>>>يكتبونه كذا
وقلت اكيد بيطلع حلو >>>>>>>متعرف عليه في الورد
بس لما خلصت كتابة المشاركة طلع معاي نفس الخط الاصلي العادي قلت يا بو الشباب مشي حالك والاعضاء يعذرون الشياب الكسالى مثلي
بس الحين وانا أقرأ الردود مستغرب من سالفة الخط قلت اعلمكم بالسالفة وأضع الموضوع في يد المشرفين كانهم يبون يحررون المشاركة ويغيرون الخط
على فكرة والله اني طلعت مقهى قلت يمكن اشوف ذا الخط اللي يتكلمون عنه بس طلع معاي نفس الخط ( وجه صاح خلاص )
ورده حق نفسي لانكم زعلتوني
=============
الاخت شــذى
هلا وغلا
مين أكل العين حقك يالله الله يعوضك باكبر منها ( غين )
>>>>تكفى لا عاد تحاول تلطف الأجواء
إقتباس
ومن وجهة نظري أن القسوة أحياناً تكون خير
علاج لمن يستسلم للضعف والانكسار
فهي بمثابة الصفعة المباركة ..!
تستحق هذه العبارة أن تضع في برواز يظهر مدى روعتها
اختي رحم الله اخويك واسكنهما فسيح جناته
إقتباس
كنت في طفولتي برفقة والدي أينما حل وارتحل ..
ولا يمكن أن يلتقي بأصحابه ويتسامر معهم دون أن أكون معه ..
المخجل أن أصحابه إلى الآن يتذكروني ( من سود فعايلك ) ويبعثون لي معه كثير السلام ...
احلى يا دلوعة بابا .. انا متاكد انهم يذكرونك من طيبك وذكائك الله لا يغير عليك
شـــــذى
الف شكر لك على الحضور والتفاعل الرائع
==============
الاخ abo sager
هلا وغلا
إقتباس
إلى أن اتصلت بي أمي يوما.. فشكيت لها حالي وأنا كلي حرقة..
لتعطيني نصائح رائعة..
عن الصبر.. وعن الجمع بين العمل والهواية..
عن البناء للمستقبل..
مما يحتاجه المرء من أجل عائلة مستقبلية..
نصيحة رائعة من أقرب الناس
ما أجمل ان نشكو لهم أي الابوين وما اجمل ان نستمع لنصائحهم وخبراتهم
اخوي ابو صقر
لا عدمت حضورك
واطراءك بالفعل اسعدني
الف شكر لك
==============
الأخ الغدير الأزرق
هلا وغلا
الصبر والايمان سلاحين لابد من توفرهما لمواجهة اعدءك في معركة الحياة
تمر بالانسان ما بين الحين والآخر لحظات من الضعف وربما الياس تجدها تسيطر على
كل افكاره وتشل اغلب حركاته ... قد تختلف اسباب هذه الحالة من شخص الى آخر ..فمنهم من يفشل في دراسة او عمل
وربما تجربة عاطفية او موقف غير متوقع من صديق مقرب ..وأيضا تكون الاختلافات في مدة هذه الحالة ..فمنهم من
يتغلب عليها بكل سهولة وفي وقت يسير وربما تنتهي بانتهاء الموقف ومنهم من تؤثر عليه لفترة من الزمن ثم يعود الى
ممارسة حياته بشكل طبيعي ..ومنهم من تبقى معه دائما مما تسبب له اسقاطات سلبية على حياته المعيشية بكل
التفاصيل المقاربة لاسباب هذه الحالة ، تجده يبدا في الانعزال والتخوف من كل خطوة جديدة يخطوها على طريق تلك
التجربة الفاشلة، مما يسبب له العيش في حلقة مفرغة لا يبارح الدوران حول محورها ..
ادعوكم للمشاركة واثراء الموضوع بتجارب او احداث لكم او لمن تعرفوهم مرت بهم هذه اللحظات وهل ما زالوا يعانون
منها او من تبعاتها او انهم استطاعوا ان يتغلبوا على تلك اللحظات وكيف كانت طريقتهم في التخلص منها ..لكم الحرية
في اضافة أي محور آخر للنقاش يعطي للموضوع بعدا آخر وتعم به الفائده ..
يامعذبي ماعاد لك في حاجه ** ماني على خبرك سواليف و مزوح
جـــــرح مع الأيام يلقى علاجه ** وبعض الجروح علاجها نزعة الروح
إقتباس
بـــانورامـــــــــا
طفــــــــولة:-
من بداية طفولتي وانا متعلق بالكورة ابد داخل نازل وكورتي معاي كان لاعبي
المفضل وقتها الكابتن ماجد بصراحة كان يجنني بحركاته وكنت ابي اسير زيه كابتن فريق المجد اذا كبرت وين هو فيه ذا المجد مدري اهم شيء اني اصير كابتن
لا من جد خل اكلمكم على ذا الموقف في بداية عهدي بالكورة اقصد المبارايات كان يشغل بالي حاجتين
لما يقول المعلق ان اللاعب الفلاني يسخن استغرب يعني شلون يسخن يعني هو فيه صخونه طيب كيف يلعبونه والا المدرب كان بيلعبه ولقاه مصخن وبطل
والحاجه الثانية اللي شيبت بي التسلل جلست فترة طويلة ماني فاهم وش مقصود بالتسلل يعني لما المدافع يلعبها لمدافع ثاني ويخش بينهم مهاجم يقطعها والا المهاجم اذا ضيع الفرصة وهو منفرد لا ومرة من المرات كنت اتفرج على مباراة للهلال طبعا وقال المعلق ان صالح النعيمة كشف التسلل وشفته واقف يكلم الحكم قلت بس شكله شاف تسلل وراح يقول للحكم عنه حرامي مو تسلل
بصراحة ذكرتني فيما ماضى ... خصوصا مصيدة التسلل فلم أكن أعلم إلى وقت قريب كيف تحدث ..
بالنسبة لي كنت ماهرة جدا في لعب الكرة عندما كنت صغيرة .. حتى أن الأطفال كانوا يستعينون بي لأسجل لهم الأهداف .. مطيع حديثك عن الطفولة أشجاني .. وتذكرت هذة القصيدة
**
من قتل بسمة طفل .. كان يحلم بالحياة من قتل حلماً جميل انبنى وقت الطفوله كانوا اثنين وجمعهم ... حب طاهر من سنين حب أيام الطفوله ويكبر الحب العفيف ويكبر العمر ويزيد ** وتنتهي معه الطفوله .. مرحلة عمر وتلاشت وتبتدي رحلة عذاب ويبتدي وقت الفراق ... ومابقى إلا الإشتياق مابقى إلا ذكريات طفل يحلم بالحياة صار رجال وكبر .. وداخله حبه كبر مادرى الدنيا تغير ** ومرت بجنبه وعدت .. لابسه ثوباً جديد ... غير أيام الطفوله راح يسأل راح ينشد يمه هي كبرت خلاااااااص ؟؟
شفتها يمه وبكيت ...غصب عني مادريت يمه هي صارت طويله ...وحطت الكحل وتزين رحت أنا ودي اسلم ..يمه مادري ليه رحت اعتقدت أني طفل اعتقدت أني اعيش ماضي أيام الطفوله يمه حتى ماذكرتني حتى ماردت سلامي حتى نظره ماعطتني ... ولاسمعت وش كلامي ردت الأم الحنون ...ايه ياوليدي كبرت صارت بنيه وتغطى ** يعني لو كبرت خلاااااااص !!!!! صار يعني عيب نلعب عيب نركض عيب أحط يدي بيدها ** ايه يمه كيف ابنسى ... يوم كنا صغار نلعب كانت بنظره تقول ... آآآه يا محمد أحبك وكنت ابادلها بنظره نظره في عيني تقول والله أني بعد أحبك ** ليتها يمه صغيره وليتني يمه صغير كان شفتيها ركضت لي ... كان من يدها عطت لي لعبه وقالت تعاااااال خلنا نلعب سوا مثل أيام الطفوله مثل ماكنا زماااااان
إقتباس
بيت عن قصيدة :-
كل جرح فات لي منك هديه ,,,,,,, وش بلاك تخاف من رد الهدايا
هو دائما كذلك ..(( البدر )) ..
صحيح اني انسى الحوادث والملامح و الاسامي.. لما أكتب عن غرامي .. شعر أبعد ما يكون عن مجرد جرح دامي .. يمكن أقرب للجنـــــــــون... من تفاصيل الحكاية..الأساور والمرايه.. عندي همــــــوم القصيده غامضه صعبه عنيده.. وأنت عاشق للوضــــوح .. ودك بسري ابوح..و انا آخر همي بــوحي أعبر الشارع ... في الرصيف الثاني قهوه فيها أربع طاولات ..وحده أجلس فيها وحدي ..وحده للي بيجي بعدي .. وحده لأغلى حرف عندي..أما آخر وحده دايم للي فات.. من هموم وذكريات ..زحمة لكن كل من في القهوه ربعي كلهم دمي و دمعي ليه ما تجلس مكاني وهذا شوفي وهذا سمعي اطلب أقلام ودفاتر ..وحاول أكتب عن شعور ..لاهو ظلما و لا هو نور .. قلب مابين السطور .. وأنا أكتب أغنيه مثل الرسايل كنت أكذب .. و الخيال العذب كذب .. كنت لازم اخفي سري و ما أقول ان هالمره قصيدي هو خيالات الحقــول تطرد اسراب الطيور عن حقيقه عن شعور .... ما هو في ذهب السنابل .. إنما تحت الجذور .. كســـــروا العشـــاق بابي ... قطعوا لحمي ثيابي.. وخلعوا الأدراج .. طاحت مزهرياتي الجميله شققوا جفني كتابي وسألوا وين الجديله ودمعة العين الكحيله مالقوا في بيتي إلا .. وما لقوا في صدري إلا .. وما لقوا في قلبي إلا .. امنياتي المستحيله .. و اني أحـــلم بـــس أحلــــم ..
إقتباس
بـــانورامـــــــــا
الخاتمـــة:-
اتقدم بالشكر لكل من استرقت من وقته فوصل بالقراءة الى هنا ..وكلي امل أن ما كتبته قد نال على استحسانه .
وكلي عذر على رداءة التنسيق ويبقى العذر ان المرء لا يلام بعد اجتهاده ..
الشكر لك على هذة المشاعر الرقيقة .. وعلى هذا الحضور الجميل ...
كل الأماني لك بحياة معطره بأجمل أحاسيس ليز سيدي ..
^^^^^^^^^^^^^^^^^^^^^^^^^^ غاليتي ليز لقد أطربتيني كثيرا بقصائدك الرائعه ... هلا وغلا بأخوي مطيع .... لحظة ضعف: كل ماتختزله ذاكرتي مؤلم حدّ البكاء ... ولكن من أعظم اللحظات التي شعرت فيها بالحزن الدفين,,,فقد أخي وحبيبي( ياسر) ذو ست سنوات الذي لطالما حلمت بتقبيله ومداعبته.. لحظات كثيره أحس فيها بأني مأسورة الحزن والهم والضعف كلا الحالات.. ولكن لطالما أحسست كثيرا بهذه اللحظه خصوصا عند دخولي لقسم صعب جدا ولكن أسأل الله أن يعينني على تجاوز هذه المرحله... طفوله: أما طفولتي فهذا شئ ثاني لأني كلما انساقت ذاكرتي لتذكرها كلما أحسست بقشعريرة تسري في جسدي.. أما على الكوره فوالله كانت تخوفني لأن مره كنت أمشي في الحوش وكان أخوي الكبير يلعب كوره مادريت إلا ولاه صاقعني بذيك الكوره بغيت أموووووت مغير صياح ونياح فيحسبونه دلع مادريت إلا ولاها تعورني بقوه يوم رحت للمتشفى ولاها مكسووووره وتجبستبس ولو مع إني على كذا المفروض أكرهها بالعكس ازدت شغفا بها ولكني لاأتقنها أبدا فكل ماجيت ألعب كوره مع اخواني محد يبيني في فريقه لأنهم عارفين إني ماعندي ماعند جدتي.. أما على أفلام الكرتون أنا كنت أتابعهم ثلاثتهم رابح وماجد وثابت وكنت أتهاوش أنا وولد خالتي لأنه كان يحب بسامبس اللي يقهرني فيهم إنهم يطيرون فوق ثمين يجلس سنه عشان تحتريه ينزل بس اللي من جد أخق عنده زورو بس ياإني غثيت أهلي من كثر ماأحسي عليهم عنه حتى إني كنت ألبس عبايه أمي >>كنت مايوصخها إلا أنا وأخليها تهفهف يقالني بطيييييير زيه وبصير زوروه مثله ولابعض الأحيان أرقى فوق الخزان وألبس العبايه وأخليها تهفهف من وراي يقاليني راكبه خيل مثله وأسوي لي سيف بالورق وأسوي حركته المعروفه..
إقتباس
كـــامــل الشنــاوي
يعجيني كثيرا...
دائما مواضيعك كأنها المطر بالنسبة لي... حفظك الله من كل الشرور وأزاح عنك الهموم والغموم.. اعذرني أخي فقد كتبت ردي وأنا في عجالة من أمري لذا تقبل مروري المتواضع..
رغم كرهي الشديد لهذه اللحظه الا انني وقعت ضحيتها !!
لا احد ينكر انه يكره ان يفشل يكره ان لا يكون ناجح ..
وانا منهم ولكن خوفي من ان اقدم على شي في حياتي
يجعلني افكر ليس لمره بل لمرات خوفاً من الفشل ..
ربما اكون مبالغه في الخوف من الفشل او تكرار موقف
فشل اخر علي ولا احتمل ذلك فــ اتراجع ريعاً ..
رائع كـامل الشناوي اعجبني كثيراً كوني ولــ اول مره اقرأ له ..
إقتباس
طفــــــــولة:-
إقتباس
استغرب يعني شلون يسخن يعني هو فيه صخونه طيب كيف يلعبونه
ذكرتني بولد اختي ..
إقتباس
لا يعنيني مدى صدقها
بل اجزم بكذبها
رائعه خاطرتك دائماً تبدع ما شاء الله ..
كيف لا يكون الموضوع جميل والكاتب هو مطيع ..
دمت بتألق وتميز ورده ..
ذكرتني ببراءة الطفولة قبل ماأدخل باالمراهقة الله على ذيك الايامــ مرح وبراءة
وأما بعض الاقارب للاسف أعاملهم معاملة ولاأحلى ولكن همـ للاسف يجب أن أتعامل معهم بقوة لكي يعاملونني باأحترام وتقدير وأنا أكن لهم كل المحبة والمودة ولكن هم للاسف ماقول الا الله يسامحهم ولاتستوي الحسنة ولا السيئة أدفع باالتي هي أحسن
ماأكثرها من لحظات يعيشها الإنسان
تتراوح بين الفرح والحزن بين القوه والضعف
الضعف بحد ذاته ليس مشكله .. المشكله اننا
ندعه يسيطر علينا ويسيرنابإرادته ..
من تلك الحالات مرض احد افراد اسرتي
احسسنا بضعف شديد وحزن والم حاولنا معرفة الاسباب
ولكن العلم بيدالله سبحانه .. ولكن بتكاتفنا جميعا
ووقوفنا معه بإذن الله سينكشف السبب وتنزاح الغمه اسئل الله له الشفاء ..
تجارب كثيره لكن اكتفي بالذي ذكرته ..
طفـــولة
إقتباس
من بداية طفولتي وانا متعلق بالكورة ابد داخل نازل وكورتي معاي
ياحليلكم يالعيال من صغركم وانتم تطقطقون بها الكور
ابد نشوفكم ونقول بيغطون على ماردونا ورونالدينو
واخرتها تصير طفره وتضيعون فيها وقت واسم انها لعبه
مثلنا انحن يالبنات نلعب بالمواعين
واخرتها مالنا خلق المطبخ لاكبرنا تشبعنا يوم اننا صغار
إقتباس
وكان لاعبي المفضل وقتها الكابتن ماجد بصراحة كان يجنني بحركاته وكنت ابي اسير زيه كابتن فريق المجد اذا كبرت وين هو فيه ذا المجد
كلبونا كنا نحبه يكفي شوتة الكوره تقعد حلقه كامله ونحتري الهدف واخرتها الحلقه الثانيه يكمل يعني كان فيها اكشن ..
اما على طاري التسلل تحسه اختراع انا ماعرفته الا من كم سنه
بعذرك والله بس الله يجزا البرامج الرياضيه خير فهمتنا..
اخوي مطيع موضوعك مميز حمل من الروائع الجميله والمفيده ..
ماشاء الله الإبداع عنوانك في جميع الاتجاهات الله يحفظك ويرعاك ..
بانورامـا هي امتداد لـ سحر الابداع الذي ينثرهـ قلمكَـ النقي ,, حقا استمتع حينما اكون في متصفح يحمل بعضا من ابداعاتكـ ,, فـ قد لا تعلم مدى تأثير كلماتكَـ واحرفكَـ على نبضات تلهثُ خلف صفاء الاحرف وطهرِ النبضات ,, طفوله رائعه جميله ابتسمت لها .. فـ رائع ان تكون هنا اليوم لـ نستذكر سويا تلكم الايام ,, فـ الباقي لديكَـ وامنيتي ان تمتد الاحرف كي نصل لـ الآخر والذي يليه .. وامنيتي دوما ان تكون سعيدا ايها الرائع دوما ,,
لي مع الكرة ذكريات غريبة أو كما تقول لي إحدى صديقاتي .. " ما أحس إن فيه أحد بالحياة سواها قبلك ! "
كنت قبل أن تبدأ المباراة أخرج إلى " الحوش " وأبدأ بإجراء عمليات الإحماء .. إيماناً مني أني بهذه العملية أشارك اللاعبين كل لحظاتهم فأكون معهم قلباً وقالباً ..
و يستحيل أن أقوم بها داخل المنزل .. لأن علي أن أعيش " الحَر " الذي يعيشونه !
بل إن رطوبة الشرقية تظلمني أكثر منهم !
" شلون كانوا أهلي صابرين على هالحركات .. ما أدري "
بصراحة اهنيك على نشر هذا الموقف
لا من جد فيه أشياء كثيرة كنا نسويها ايام الطفولة
ولما تجي على بالنا الحين نضحك ونقول والله يا كنا ....... كل واحد يحط التعليق الي يعجبه عشان لا ازعل احد
اسيرة
وفي كل مرة تحضرين تكون سعادتي اكبر
الف شكر لك
============
الاخ المشاغب
هلا وغلا
انا سعيد للغايه أن نال ما كتبته القبول لديك
وان كان للموضوع جزء آخر سيكون هناك المزيد عن كامل الشناوي ان شاء الله
لا اخفيك اني افتقدت معرفك في مشاركتي الأخيرة
الف شكر لك
===========
الأخ راكان _20_
هلا وغلا
يعجبني فيك حضورك أخي
رائع هو نشاطك
اتمنى لك كل التقدم
الف شكر لك
============
الأخ abo_nasser
هلا وغلا
إقتباس
وعندما عدت بعد الاجازه ضحيت بمباريات وطلعات مع اخوياي
وكله لعيون هذي الماده ...والجمدلله عديت فيها
كم هو رائع تحدي النفس والتعغلب عليها ..ولكن ببعض الترتيب للوقت لن نحتاج للتخلي عن أشياء نحبها
سعدت بهذا الحضور والاضافة الرائعة للموضوع
الف شكر لك
===========
الاخت عسيريه
هلا وغلا
اسعدتني هذا الرد أيتها الوفيه
والحمد لله ان الموضوع نال استحسانك
الف شكر لك
===========
الاخت الهنوووف
هلا وغلا
إقتباس
على طاري التسلل الى يومك هذاا وانا مو مقتنعه فيه يعني من الغباء انك تعاقب لاعب وصل لمرمى الخصم اول
يعني طبيعي الاعب يبي يسجل بيراكض
والمدافع بيخرب عليه وبيمشي بطي علشان يصير تسلل
بصراحة نظرية فلسفية من الطبقة الأولى
بنحاول نعرضها على بلاتر
إقتباس
انبسطت عليه ياليت تكمل بعد
وشكلي برجع ثانيه احس عندي مواقف بس مو متذكره الحين
ابعدتنا شوي عن الخواطر بس كذا حلووو وحط بالاخير خاطره >>تتشرط
بس غير نوع الخط اعمى عيوني
سالفة اني اكمل ما أدري اخليها للظروف
وهلا بالعودة ان طرى على البال شيء
والخاطرة اكرهك من كتاباتي
وعلى فكرة كنت برسل لك الموضوع لتنسيقة بس تراجعت في اللحظة الاخيرة
... 
بس ماالقى نفسي فيهن للأسف 
...
.... على الأقل أقدر ارد بشي أعرف له 
...
ويخلينا نقرأ الموضوع وحنا لاصقين بالشاشه
تعتذر
ترى من جد احبطوني (وجه فيه الصيحة )
بس اللي يقهرني فيهم إنهم يطيرون فوق ثمين يجلس سنه عشان تحتريه ينزل
,
الوضع العادي
