نادي الهلال السعودي - شبكة الزعيم - الموقع الرسمي - كيف كانت بدايتك بتشجيع الزعيم ؟؟

السلام عليكم ورحمه الله وبراكته
السؤال هذا للجميع اتمنى مشاركه كل عضو يدخل
خلوني ابدء بسم الله

(( كانت البدايه ايام ابو يعقوب الله يذكره بالخير
كان اخوي ( الكبير ) مغرم بفنه ، بمهراته ، بابداعاته ، بتمريراته
كنت دايما اسمع صراخ اخوي مع كل مباراه و مع كل هجمه
جيت جلست بجانبه
قلت له : وش ذا الفريق اللي يخليك تتحمس كذا؟؟!!!
قال لي تابع وشوف .
المهم تابعت معه وشفت العجايب
ابداعات الثنيان
اهداف ومراوغات سامي
تسحيبات التيماوي و ابو ثنين
وبعدها صرت شوي شوي يزداد حبي لزعيم

والآن انا في البيت مااخلي احد نايم من صراخي وحماسي ))

والله ماندمت باختياري هذا .

اتمنى ان الموضوع يرد عليه كل عضو يدخل ويقول لنا قصته .

عذرا على الاطاله .
والسلام عليكم ورحمه الله وبركاته