#1  
قديم 11/11/2007, 08:34 AM
زعيــم متألــق
تاريخ التسجيل: 12/10/2003
المكان: الرياض
مشاركات: 1,464
اللي مهب مقتنع في محمد كالون يدخل ضروري

في البدايه تدوور في اوساط اداره نادي الهلال حاليا

مسأله التعاااقد مع محمد كالون لكي يصبح ثالث المحترفين في نادي الهلال و اللاعب على وشك التوقيع


ولكن انا استغرب حااااال بعد الجمهور الهلالي


قبل البطوله الاسيويه كان يطالب بكالون والحين يوم قرب يوقع قلتوا لا مانبيه وكبير في العمر


وغااااااالي ومنقطع له فتره يعني كل ذي العيوووب طلعت فيه الحين ؟؟؟؟؟



طيب خلووونا ناخذها وحده وحده :


# تدروووون ان محمد كالون اصغر من طارق التايب يعني لاعب عمره 28 صار كبييييييير الحين

والله غريبه تفكير بعض الاعضاااااااء وطيب طارق التايب ليش مهب كبير مع انه اكبر من كالون ؟؟؟؟

ولا علشان التائب اخذ فرصته ولعب وامتع الجمهور ..... خلاص عطوا كالون فرصه يثبت نفسه وبعدين تحكموون عليه



# اللي يقوول عندنا الصويلح وياسر حرام نجيب مهاجمين


انا ودي اقووله كلمه وهي ان المنتخب الاولمبي لو فاز على قطر واليابان وتأهل الى اولمبيات اثينا 2008 م ان شاء الله..... ماراح تشوفوووووون الصويلح الموسم ذا واحتماااااال نص

الموسم القادم وكذا صعبه انك تعتمد على مهاجم وااحد فقط في الفريق وهو ياسر القحطاني في ظل انخفاااض مستوى محمد العنبر والخراشي يعني لازم محترف في خط الهجوم ....



# بالنسبه لمبلغ الصفقه فيه اعضاء كثيير يقولون حرام فيه 4 مليون يورو وفلوووس موبايلي راحت

انا وجهت نظري في الموضوع هذا ان المبلغ يستاهله كالون واللي يقوول حرااام راحت فلوس موبايلي

انا اقووووله ماراح منها شي يعني 20 مليون في لاعب محترف متميز ممتازه في ظل دعم

موبايلي للهلال بـ 50 مليون في السنه ولا تنسووون ان التعاقد لمده سنتييييين واذا مااندفعت في

كالون صدقوووني ما راح تشوووفونها يعني تنصرف في شي مفيد ازين ......


# وردي على اللي يقووول ان اللاعب منقطع :


قبل فتره اللاعب لعب في الدوري الانجليزي مباراه وديه ولعب المباراه

كامله يعني اللاعب لياااقته زييييييينه وبعدين لاتنسوون فيه كشف طبي ولياقي قبل مايوقع

واللي احب اذكره ان رئيس الهلال مهب دافع المبلغ هذا كله الا اذا تأكد ان اللاعب بيفيد الفريق وتجاوز

الكشف الطبي واللياقي يعني لاتحكموون على اللاعب الا اذا جاء وكشف ولاتنسوون ان الانتقالات

في اوروبا متوقفه حاليا يعني ماراح يجي اي لاعب مميز من اوروبا الا اذا كان منقطع فتره ......


# اخر نقطه وهي ردود بعض الاعضاء في مواضيع التعااااقد مع كالون :


وهي انهم يدعوون بعدم التوفيق له من الهلال

انا ودي اعرف وش السبب؟؟؟؟؟

يعني الفعل هذا يدل على انهم مايحبووون الهلال ولا يقدرووووون ناديهم

لان رغباااتهم الشخصيه عندهم اهم من الهلال

المفرووض انهم يدعووونله بالتوفييييييييق على الاقل علشان الزعييييم



# لا تنسووون ان محمد كالون عارفين مستواه يعني لو لعب بنص مستواااه افضل بكثيير

من نجيييب لاعبين نجربهم ولايفيدون الهلال مثل برونو وطقته ......


# واللي يطالب بلاعب اجنبي بمركز الظهير الايمن انا اقوووله ان فيه لاعبين جيدين بهذا المركز

مثل محمد نامي ومسفر القحطاني يعني حراام نخسر لاعب اجنبي في مركز زي كذا

وفيه لاعبين يقدرون يأدون المطلوووب منهم


وفي النهااااايه

تذكروووا كلامي اذا جاء كالوووون


صدقوووووووني ان ياخذ الهلال اغلب البطوووووولات وان الاعضاء اللي مايبوووونه هم اول من

يصفقون له ويتمنون شرااء عقده
....
اضافة رد مع اقتباس
  #2  
قديم 11/11/2007, 08:37 AM
موقوف
تاريخ التسجيل: 04/06/2007
مشاركات: 384
ما علي منهم الاعضاء بعضهم اطفال واتركوا الاداره تتصرف حيالها ومع احترامي لكم محمد صفقه هلاليه مربحه وتشوفون
اضافة رد مع اقتباس
  #3  
قديم 11/11/2007, 08:43 AM
زعيــم مميــز
تاريخ التسجيل: 30/09/2007
المكان: في الزعامة
مشاركات: 1,884
شوف اذا كان في مستواه المعروف فهو مهاجم ناجح اما اذا كان مصاب او منقطع فلا ياخي موبايلي تقول ابجلب لاعب عالمي خلصت الدنيا ما فيه احد الا كالون وغيره نبغى واحد يشيل فريق
اضافة رد مع اقتباس
  #4  
قديم 11/11/2007, 08:52 AM
زعيــم مميــز
تاريخ التسجيل: 10/10/2001
المكان: نادي الهلال
مشاركات: 1,941
المسأله ماهي نجيبه ولا لا .. المسأله هل هو بمستواهـ المعروف للحين ولا لا .. هل لياقته وجاهزيته البدنيه جيده ولا لا ..

والمعروف ان الاعب منقطع وحنا مانبغى يصير نادينا نادي تأهـــيل رياضي .. ولا كلاعب فهو ممتــاز والكل يعرفه ..
اضافة رد مع اقتباس
  #5  
قديم 11/11/2007, 08:56 AM
زعيــم متألــق
تاريخ التسجيل: 12/10/2003
المكان: الرياض
مشاركات: 1,464
إقتباس
الرسالة الأصلية كتبت بواسطة محامي الفيلسوف15
المسأله ماهي نجيبه ولا لا .. المسأله هل هو بمستواهـ المعروف للحين ولا لا .. هل لياقته وجاهزيته البدنيه جيده ولا لا ..

والمعروف ان الاعب منقطع وحنا مانبغى يصير نادينا نادي تأهـــيل رياضي .. ولا كلاعب فهو ممتــاز والكل يعرفه ..




اي لاعب مميز راح تجيبه في هذا الوقت لازم يكوون منقطع لان فتره الانتقالات متوقفه الحين


وكالون لاعب عمره 28 وهذا العمر هو افضل عمر للاعب محترف وحتى لو كانت لياقته نازله شوي مافيها مشكله عاادي


ولاتنسى ان مستواااه معروف عندنا يعني ازين من انا نجيب لاعب ونجربه في هذا الوقت ويطلع زي برونو ........


وكالون لاعب كبييير ولا يتأثر بالانقطاااااع البسيط وان شاء الله نشووفه بشعار الزعيييم



ومشكوور على مرورك يالغالي
اضافة رد مع اقتباس
  #6  
قديم 11/11/2007, 08:58 AM
الصورة الرمزية الخاصة بـ S K Y
زعيــم مميــز
تاريخ التسجيل: 30/04/2007
المكان: الـريـاض
مشاركات: 10,808
الاداره بحسب خبرتها افهم من بعض الاطفال اللي في المنتدى وصفقه كالون أهم صفقه وراح تشوفون
اضافة رد مع اقتباس
  #7  
قديم 11/11/2007, 09:01 AM
الصورة الرمزية الخاصة بـ الز$عيم
زعيــم مميــز
تاريخ التسجيل: 01/10/2007
مشاركات: 2,772
لا لاعب فنان يكفي انه لعب لأنتر ميلان الايطالي

ياعالم خلوا الهلال في حالة

رضى الناس غاية لاتدرك
اضافة رد مع اقتباس
  #8  
قديم 11/11/2007, 09:04 AM
زعيــم متألــق
تاريخ التسجيل: 12/10/2003
المكان: الرياض
مشاركات: 1,464
إقتباس
الرسالة الأصلية كتبت بواسطة S K Y
الاداره بحسب خبرتها افهم من بعض الاطفال اللي في المنتدى وصفقه كالون أهم صفقه وراح تشوفون




صادق والله


وصفقه كاااالون هي صفقه المووووووسم


وان شاء الله انها تتم
اضافة رد مع اقتباس
  #9  
قديم 11/11/2007, 09:17 AM
زعيــم مميــز
تاريخ التسجيل: 02/11/2005
مشاركات: 4,383
أنا معاك في كل كلمه قلتها
بس هل محمد كالون مازال محافظ على مستواه ولا انه يشتكي من إصابه مزمنة ؟؟
اضافة رد مع اقتباس
  #10  
قديم 11/11/2007, 09:21 AM
زعيــم نشيــط
تاريخ التسجيل: 28/05/2007
المكان: الــــزعــــيــمـ
مشاركات: 779
ماعلينا من الفلوس اذا كان اللاعب على مستواه الاول يامرحبا به (لكن الرجال منقطع من التمارين فتره طويله واحتمال يكون مصاب والله يستر )
(((ارجوا من الاداره ان تتأكد قبل التوقيع معه من جميع الجوانب ...والله يستر)))
اضافة رد مع اقتباس
  #11  
قديم 11/11/2007, 09:22 AM
موقوف
تاريخ التسجيل: 12/04/2007
المكان: المجلس العام
مشاركات: 11,440
دعواتكم يا شباب إنه يجي

بس خايفين إن الإصابه لاعبه فيه
اضافة رد مع اقتباس
  #12  
قديم 11/11/2007, 09:50 AM
زعيــم متألــق
تاريخ التسجيل: 12/10/2003
المكان: الرياض
مشاركات: 1,464
إقتباس
الرسالة الأصلية كتبت بواسطة محمد العامري
أنا معاك في كل كلمه قلتها
بس هل محمد كالون مازال محافظ على مستواه ولا انه يشتكي من إصابه مزمنة ؟؟




اكييد لازم يسوي كشف طبي قبل مايجي واذا اثبتت الفحوصات سلامته فاتمنى من الاداره سرعة التعاقد معه




ومشكور على مرورك
اضافة رد مع اقتباس
  #13  
قديم 11/11/2007, 09:56 AM
زعيــم متواصــل
تاريخ التسجيل: 12/01/2007
مشاركات: 84
ياخي ليش كل واحد رأيه يخالف كاتب الموضوع تزعلون منه.
رايي انه اي لاعب مهما كان مستواه وكان له علاقة سابقة مع نادي الاتحاد وخاصة اجنبي مانبغاه وتعرفون الاسباب.
اضافة رد مع اقتباس
  #14  
قديم 11/11/2007, 09:57 AM
الصورة الرمزية الخاصة بـ عبدالمجيدالخالدي
زعيــم نشيــط
تاريخ التسجيل: 15/03/2007
المكان: في قلب الرياض
مشاركات: 961
واشوف يمديه يرفع معدله اللياقي في فترة التوقف الشهر
الله يكتب الي فيه الخير
اضافة رد مع اقتباس
  #15  
قديم 11/11/2007, 10:00 AM
الصورة الرمزية الخاصة بـ الهلال السهم القيادي
زعيــم مميــز
تاريخ التسجيل: 28/05/2007
المكان: لاشجــر،، لانهــر،،لابحــر،،(آهـ ما ارق الرياض)
مشاركات: 3,119
الله يكتب الي فيه الخير
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:16 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube