وش رايكم ناخذ حقنا بيدينا
 

بصراحة ما يحدث من الأتحاد السعودي شي يجبرك على الضحك وماأدري وش تاليتها وبصراحة أشوف الهلال مأكول مذموم عند هالأتحاد وبصراحة الهلال مشكلته أن رئيسه حبيب ومسالم يعني مهوب مثل غيره لسانه يطول أذانه
في الدول المتقدمة كرويا اذا زعل الجمهور على نادي أو أتحاد يقوم الجمهور بعمل أعتصام أمام مقر النادي أو الأتحاد
وأن كان الجمهور غير مسالم قلبها الى مظاهرة وكسر كل اللي قدامه
يعني يا حبايبي يا جماهير الهلال وش رايكم نجتمع عن مقر الأتحاد السعودي ونسوي أعتصام ونضرب عن الطعام(رجيم مجاني):p ونطالب بحقوقنا ويكون معنا رئيس النادي يشجع الجمهور على أستمرارهم في الأعتصام اللين نصل لنتيجة وبعدها لكل حادث حديث
بشرط أن تتكفل الأدارة الهلالية بالذبايح والمشروبات طيلة فترة الأضراب
وعندما يرفض الأتحاد طلباتنا كل واحد يطلع عجراه من تحت المرتبة وتكون ملفوفة بشطرطون لونين أزرق وأبيض ونكسر روسهم اللين يطلعون قرار بالسماح لنجوم الهلال بمشاركة فريقهم وبعدها نعقد معهم هدنة لمدة خمسين سنة أنهم ما يتعرضون للهلال
وأي واحد يريد المشاركة عليه تسجيل أسمه
خلال موعد أقصاه 3/12/1422 قبل مباريات الهلال الأسيوية
مع العلم أنه يشترط في المتقدم
1-أن يكون هلالي الأصل والمنشا
2-يستحسن أن يكون عاطل
3-أن يمتلك عجراء أو مفتاح عجل أبو صليب
4-أن يجيد الكر والفر
5- 6 صور شمسية ويستحسن أن يكون متلطم

وختاما فليعذرني الجميع فالقهر هو اللي خلاني أخذرف في صباح الله خير:cool: :coo:cool:

يا خوافين ماحد معي

والله ودي بس انا بعيد مره عنكم بس ابشر ابكلمك واحد مجنون وماعنده في احد ويحب الفزاعات والمهواش وعاطل مع سبق الاصرار والترصد بس مشكلته لو تسئله عن اشهر لاعب هلالي ما عرفه مع انه هلالي متعصب بس بالانتساب وش رايك؟

تسلم يالغالي أنا معك
 

أحلف لك اني كنت ناوي أطرح فكرة أخذ الحق باليدين
بس خفت يضحكون علي أعضاء المنتدى عندها بطلت بعدما
كتبت خمس أسطر ورجعت للمنتدى فوجدتك سبقتني لله درك
أنا معك لقد طفح الكيل بي وكنت أفكر أستخدم عيار ناري
ماهو عجرا .