حمد الصقور يشد شعر الصويلح ولا أحد جاب خبر ...
 

هنا سأطرح بين يديكم نقاط أرى من وجهة نظري انها هامة للإدارة الهلالية

وما أنا هنا ممن يبرز عضلاته أو يتوقع أنه ناقد كبير ومقيم للإدارة ,لا ولست

بالذي لا يفرح بالفوز بل يبحث عن النقاط السوداء بعد كل صفحة بيضاء , كل

مافي الأمر أني أردت أن أعرض بين يديكم مجموعة من النقاط التي أرى انها

تهم البيت الهلالي في الفترة الحالية:

1-رفع شكوى رسمية ضد جماهير النصر فيما يتعلق بإستخدام الليزر ضد
حارس العرين الهلالي الأسد محمد الدعيع.

2-رفع شكوى ضد اللاعب حمد الصقور لقيامة بشد شعر اللاعب أحمد الصويلح.

3-عدم المبالغة في مدح فهد المفرج أو غيره من اللاعبين.

4-مسألة المدرب عن تغييراته وخاصة دخول سعد الذياب مكان الشلهوب.

5-مسائلة المدرب عن سبب عدكم اللعب بطريق 4-4-2.

جميع النقاط جميلة ما عدا الي عن المفرج
والله يستاهل المدح وأكثر من المدح

من سابع المستحيلات ان لجنة الانظباط تسوي شي لجمهور الفقر....

الكلام اللي كنت بقوله قلتاه عني ..:thumbup:

أول شي مبروك الفوز
ثانياً : لو يغلط المفرج نص غلط قومتو الدنيا و ما جلستوها لاكن يوم بدع في مبارات أمس وجاب هدف ولا أروع و أخرسكم طلعتو لنا بنظام جديد عدم المبالغه بمدح المفرج ياعجبي منكم بس

لا تمدحون الواحد علشان ما ينفش

-مسألة المدرب عن تغييراته وخاصة دخول سعد الذياب مكان الشلهوب.

5-مسائلة المدرب عن سبب عدكم اللعب بطريق 4-4-2.

\/\/
لايكون الاخ مدرب بس..!!

مالحظتها
ياليت اللي عنده صورتها يحطها في موضوع مستقل

3-عدم المبالغة في مدح فهد المفرج أو غيره من اللاعبين.


اذا كنت تبي تقول كلام مو قدك انا انصحك ان تسكت ...............................ز

جميع الكمرات جائت بها القطه للصقور وهويشد شعر الصويلح وفي القناتين ولكن لاحياة للجنة
الانظراط
او كما يسمونها
لجنة الانفلات والنوم
حتى تصحى على شيء ضد الهلال وجمهوره

والله وتكلموا أعضاء 2007

عموماً راح أعطيك فائدة
كان المفروض أنك تقول:

اذا كنت تبي تقول كلام منت قده انا انصحك ان تسكت...............................ز

بدلاً من عبارتك:
اذا كنت تبي تقول كلام مو قدك انا انصحك ان تسكت ...............................ز

لأن الشخص هو من يكون بقد الكلام مو الكلام الي يكون بقد الشخص

ثانياً الي أقصده أنا

أن فهد لاعب طبيعي في الهلال زي الخثران زي الزوري ,فلما تجي تخص فهد بالثناء
فهذا معناه أن وضعه مو زي وضع غيره وكأنك تفتح الجرح من جديد ..

الحمدلله انا 2006 :D

هذي من ضمن خطط النصر المستقبليه :laugh: 4-5-1- ليزر :d

:wink: طبعاً الشكاوي ماراح تجيب نتيجه .. لكن ان ما نفعتنا ماهيب ضارتنا

اي نعم المفرج امس قدم مستوى ممتاز وتوجه بهدف .. وكان من نجوم المباراه .. لكن
اتمنى عدم المبالغه في مدح كل اللاعبين خاصه فهد .. لأن الشيء اذا زاد عن حده
انقلب ضده خصوصاً مع اللاعبين اللي مره يسمعون المدح ومره عكسه ..

اهم نقطه .. هو ما نقول مسائله لكن ودي اعرف وش وجهة نظر المدرب !
صحيح ان الشلهوب ماكان بمستواه لكن على الاقل بربع مستواه افضل من الذياب لو
كان بالتوب خصوصا بالمباريات الجماهيريه :pleased: ..
المباريات هذي تكون فرصه للاعب الكبير انه يجد نفسه .. ولو كمَّل الشلهوب الى
نزول ياسر كانت بتكون كارثيه على النصر :pleased:

الخطه هذي تتطلب وجود اظهره متميزين هجومياً ودفاعياً .. يعني ان شاء الله بقدوم
الطرابلسي واستعادة الخثران لمستوى تصفيات 2006 .. بتكون هالخطه هي الانسب
للزعيم على ما اعتقد ..

مبروك الفوز وبصراحه اكثر النقاط مهمه .. وبالعاده مانشوف مثل هالنقاط الا بعد
الخساره ..

يعطيك العافيه