مفطح المثلوثه
 

صبحكم الله بالخير

الحاره هلاليه..

وباب الحاره هلالي..


وكل الناس اللي حوالينا توشحت اللون الأزرق يوم الثلوث.. وياهي ليله.. لونها أزرق..
خلوني أعطيكم سالفتي أمس مع عيال حارتنا.. كنا نسولف عن مباراة الديربي ومن اللي بيفوز فيها .. والمعروف إن الحارة التي أقطن بها كلهم هلاليه من أصغر صغير إلين أكبر شايب.. وتبون الصراحه والله إني كنت أشك إن الهلال راح يفوز في مباراة الأمس لظروف يمكن البعض يعرفها.. وأولها المستوى الغير مطمئن خصوصا أن الهلال في المباريات السابقه كان فريق الشوط الواحد والنصر كان يخوف في آخر ثلاث مباريات.. لكن الشباب بيضوها وما قصروا..

المهم تحديت الشباب عندنا على مفطح إذا فاز الهلال (وهي تعتبر مجازفه بالنسبه لي) .. وإذا فاز النصر هم يعشوني.. وتم الإتفاق .. اللي حصل الحين إن الزعيم فاز وأنا إنشاء الله على قولي وبعد الدوام باروح لأقرب زريبه وآخذ لي راس غنم وبأعزم عليه هل الحاره ومعهم (أبو عصام) "ماهوب اللي في المسلسل هذا واحد جارنا.. ولجل الزعيم كل شي يهون أهم شي إنه فاز.. لا وبعد باخلي المطعم يحطه مثلوثه عشان يذكرني بالنتيجه..
وأنتو اللي وده يحضر الله يحييه..
وشكلي ماني متحدي ثاني مره لإن الزعيم لو يلعب مبارياته بهذي الروح راح أخسر كل إسبوع مفطح..

وأعذروني على اسلوب الكتابه .. لإني ماني بمثقف برشه..


دمتم دائما في أفراح مع عازف الأوركسترا طارق التائب

هههههههههههههههههههههه وين المكان بجي هع مشتهي مثلوثه

الله يعافيك وشكرا على مرورك

الله يحييك .. والمكان على الشاطئ