وش صآر معي بوسط مباراة الزعيم والنصـر << معآنآه - صفحة رقم 10 - نادي الهلال السعودي - شبكة الزعيم

مهره · #1 07/11/2007, 05:22 AM

السلام عليكم ورحمة الله وبركآته

صبآح / مسآء الخيـر للجميـع

هذا ثاني موضوع اكتبه في منتدى الزعيم

حبيت احكي لكم حكاية مباراة الهلال والنصر معاااي امس

طبعا قبل كل شي انا مشاركــه بمنتدى ثاني وللاسف الاغلبيه نصرآويه

حتى مشرفين القسم الرياضي هناك نصرآويه يعني انا الوحيده هنآك تقريبا اللي مهتمه بالهلآل

واغلب موآضيع الازرق اجيبها من هنا .. يعني نآدر غيري ينزل موضوع

وطبعا لهم فتره وهم يتوعدون ومسوين بيفوزون ( اللهم لاشماته ) وشمس النصر ستغيب الهلال ومدري وشو

عاد انا تحمست اكثر واكثر وسوو مسابقه للتوقعات بالقسم تخيلو محد توقع للهلال الا انا من بدة المنتدى وتوقعت

النتيجه 3/1 < ياسلام علي

اللهم اثنين توقعوها هلاليه عقبي ورفعو معنوياتي شوي

عاد وتبدى المباراه وشوي واتقطع من الحماس ومنتدانا هناك فاضي مافيه الا انا التيفي حولي والنت قبالي

والله ويجي الاول واحط مسج بشاتنا الهدف الاول الهلالي وشوي ويجي الثاني ياربي زد وبارك واحط مسج ثاني

ويجي هدفم وكمان احط مسج بالهدف < روح رياضيه

ويدخل الروم واحد نصراوي معسسسب يقول فلانه انتي مسويه المسجات قلت اي طلع وهو مولع

ويجي الثالث واسدح المسج طوووووووويل عرررررررررريض

واله وينتهي الشوط واقعد لوحدي بالمنتدى محد معي متحمسه واكتب بالاهدائات ان الشوط انتهى ومتقدمين

وان شا الله نفوووز

وادخل القسم الرياضي عندنا الا معصبين يقولون الزعيق 3/1 بس ان شا الله نعدل

ونجي للنقطه الاهم وهي

يوم يبدى الشوط الثاني مرت حول 15 دقيقه منه الا ويطفى الكهررررب

بغيت انهبل وانتظر مكاني كم دقيقه على انه يرجع ومارجع واروح اجيب شموع وواحط يدي تحت خدي

المشكله ااخواني نصراويه ومتوترين وواحد بس فيهم هلالي ومايرد شكل ازعاج عنده

ابي اعرف وش صار بالنتيجه تهي تهي تهي

ويرد على قلت ها بشر يافلان قال 3/1 وباقي 22 دقيقه قلت شوف يجي هدف للنصر دق علي

ان جا للهلال ارسل مسج << تتشرط ههههههههههههههههه

وادعي اني ما اشوف رقم اخوي ابدن ابدن وانتظر قلت عسى الكهرب يرجع

<< تشك ان مدير كهربهم نصراوي شاف مافيه امل بالفوز اعدم الكيبلات

وتمر عشر دقايق ومايخليني قلبي وادق قال يابنت الناس باقي زي ماهي

وامسك اعصاابي وافر بالبيت بالشمعه وادعي يارب يرجع النوووور

وشوي الا اشوف رقمه قلت ها لاتقول هدف نصراوي قال لا انتهت وانواع الصياح عنده

قلت يالله لك الحمد والشكر يااارب وانتهت المباراه ما امداني اقفل منه الا النور راجع

شكوكي ناحية حق الكهرب تأكدت يومنه يرجع عقب المباراه

ادري اني طولت السالفه بس وربي شبه مقهوره وابي افضفض كان ودي اني شفتها كامله

لكن الحمدلله اهم شي دخلت المنتدى وانواع الوناسه وانزل موضوعين من عندكم << صريحـه

بس الاهم اني انزلها زي ماهي واكتب منقول من شبكة الزعيم

يعني حللوني هههههههههههه

وتوته خلصت الحتوته

..

ومن شوي شفت مقطع موتني ضحك هو قديم شوي بس عاد جا بحزته عشان اضحك

لمشآهدة المقطع

اللهم لآ شمآته

لكن نبي نوسع صدروناااا

..

ومره ثانيه العذر على الاطاله

تحيتي للجميـع

ومن فوز الى فوز للزعيم ان شآ الله