|
تخبطات كوزمين يقابلها كرم فوكي السلام عليكم... حبيت ابارك للجميع على المباراه الرائعه لكلا الفريقين ولو انها نزلت اخر عشرين دقيقه وابارك لجماهير الهلال على الفوز... فوزمتوقع وغيرمتوقع في نفس الوقت لاتعرف تخطبات المدربين وفلسفاستهم الى اين تذهب بنتجيه المباراه ولو انها محسومه للزعيم من البدايه لو بس مايعطون النصر اكبر من حجمهم كان بتكون تاريخيه.. الحقيقه اليوم تفاجأنا او بالاصح تعودنا على تخطبات كوزمين الي اوضحت انه لايعرف امكانيات لاعبيه أسهل حاجه تقدر تعرف فيها هالنقطه تبديل الكلثم بالذياب المفروض بالتمياط المهم تم التبديل مالاحظتوا وين لعب الذياب لعب نص يسار والكلثم والفريق الهلالي كان يعلب ومفتاح انطلاقاته الجهه اليمنى والذياب لمن يكن باللاعب الجيد في فترات سابقه.. شئ ثاني الخثران محور والفريق يلعب بثلاث محاورغير الي بالاحتياط والفريق بحاجه لظهيرايسر مثل ماهو بحاجه لظهير ايمن ومع ذلك لعب الخثران محور.. الشلهوب ماكان يومه اليوم المدرب المفروض حس بهالشئ وبدله بالتمياط الي اتوقع لو لعب كان رايح تكون مباراه خاصه انه لاعب كبير الا انه للاسف محارب بكل شكل وكل طريقه من المدرب والاداره.. نقاط كثيره اختمها بمشاركه القحطاني الي وضح من خلال مشاركته عدم جاهزيته فكان الافضل بمدرب الفريق عدم اشراكه فكان من الافضل الابقاء على الصويلح.. اخيرا مدرب الهلال ياجماعه الخير مو بالفورمه والاداره قريبه منه حول وضعه مو بالفورمه بعد والدليل تعاقدها مع الطرابلسي الحمدلله ان العدوى انتقلت لمدرب النصر اليوم وحاس فريقه حوسه.. ودمتم سالمين |
لا يا مورينهو !!!! ابي اعرف وش يعجبكم فوز و مستوى لا و فوز محسوم من اول ربع ساعة و تقولي تخبطات !!!!! يا خوفي يكون مثل بسيرو !!!! |
و اذا كنت تقول تخبطات كيف تخبطات و المدرب لعب شوط ثاني تكتيكي كامل ضد النصر و نجح فيه غير الشوط الاول اللي مثل ما ذكرت هجوم و دفاع و وسط باعلى مستوى و ازيدك من الشعر بيت يكفي انه اكتشف و عطى الفر صة للاعبين شباب مثل الكلثم و الزوري و غيرهم مدرب فناااااان على العموم ما نبي نعكر مزاجنا اخوي و كلنا اخوان و كلنا ودنا بفوز الهلال و مبروك عليك الفوز و على كل الجماهير الهلالية |
اولا انا عندي تعقيب الذياب دخل بدل الشهلوب والغنام بدل الكلثم بعد شد عضلي والهلال قمه في التكتيك والمستوى والله يوفق الهلال لك مافي خير |
ما يعرف الخيل الا ركابها (( وافهم يا فهيم)) |
فعلا اسم على مسمى نهايه رجل بس غير شجاع لانه لعب بالليزر يامستر مندس قال المدرب مو عاجبه خخخخخخخخخخ على الاقل احسن من فوكي بوي(كانه اسم لعبه) |
والله انك قاهرني وحاقد عليك بالله تذلف لمنتداك |
اقوووووووووووووووول انت من علمك كوره المدرب داهيه والواضح انك مندس المدرب ناجح بكل المقاييس |
بسـم الله الرحمن الرحيـم .. الله يباركـ فيكـ يالغالي .. والحمد لله على كل حال . اخوي الغالي .. انــت قــلت تخــبطــات كــوزمــين .. أنــا أخــالفكـ هذا الرأي .. لمـــاذا .. ؟؟ لان كــوزميــن .. لعـب من بـداية المباراة وهـو يعرف نـقـاط الخـطر في الفريق .. عــرف من أيــن تؤكــل الكــتــف .. انــهــى الشــوط الاول بالفوز .. ورغـم الفوز كـان أحــرص فـ التوجيهات للمنطـقه الخلفيــه .. بــدأ الشــوط الـثـاني .. وهـو شــوط المدربين .. وعــرف كــيف يتــعـامل مع الضغط النصــراوي .. بهدوء لاعبيناا ... وفكـرهم العالي فـ المباراة .. بــدأ بالتغييرات الــرائــعه .. خــروج الشــلهوب ودخول الذيــاب .. بسـبب انخفاض مستوى الشـلهــوب .. و استطــاعة الذياب القيام بالعمليات الدفاعيه اكثر من الشـلهـوب .. تغــييـــر نــاجــح 100 % .. ودخــول الغــنام بدل الكــلــثم .. وذلكـ بســبب الشد العضلي الذي حصل له ... >> الله يشفيه يارب << ومـــن ابــرز العــوامل التي أدتـ لكــســب اللقـاء .. من بـعد الله .. هــو { التكتيــكـ الذي قام به كوزمين } .. الــذي قـــضى على النــصــر .. ووجعل الفوز مستحقـاً لهلالنــاا .. ولــم تكـــن هــنــاكـ تخــبطــات من مدربنــااا .. ولله الحمد .. |
ومره ثانيه بخليه يرسل لك كول مي وتفهمه بالكوره يااليكس فريجسون ههههههههههههههااي |
شكرا للجميع على المرور.. مدمن الأزرق سؤال بسيط جدا من وين جاءت اهداف الهلال.. ودمتم سالمين |
ياخوي ذولي يبون العيبة .. يجيبون على النصر 10 ,, ولو جااب على النصر هالنتيجه يقولن ليه ماجبت 11 ( جد والله ) هههههههههههههه يرفعون الضغط الهلال ادى لعب حلو ,, والله يوفقه :) |
الحمدلله على كل حال وألف مبروك والصراحه الحق يقال كوزمين عرف من أين تؤكل الكتف |
إقتباس:
مــن المـدافعـــين .. ومــــن الكـُــرات العــرضيــه << وهـي من اهم العوامل التهديفيه << شكراً لكـ .. :) |
اقول انت متابع المباراة والا شوي؟؟؟:sick: الذياب دخل بدال الشلهوب:eek: وينك ووين التحليل:upset: |
المدرب ماعليه اي ملاحظات وانا من وجهة نظري الشخصية انه نجح في التغييرات اللي قام فيها.......الشلهوب ماكان بمستواه وكان نقطة ضعف وممر سهل لهجمات النصر والمدرب نزل مكانه الذياب وشفنا كيف تقفلت الجهة اليسرى للهلال والتغيير الثاني كان بخروج الكلثم ونزول الغنام والغنام معروف بمهامه الدفاعية علشان يوقف التون ومايخليه يسرح ويمرح في منطقة المحورلانكم شاهدت كيف كان التون يلعب مرتاح ويمرر الكرات للمهاجمين واللي جاء منها الهدف الاول للنصر.......عموماً المدرب كان ذكي وناجح لحد بعيد بالتكتيك الي لعب فيه وبالتوفيق للزعيم في المباريات القادمة. |
ما انزل مستواي لفكرك الكروي للمعلوميه الكلثم بديل للغنام مو الدوسري والدوسري بديل للشلهوب والله مشكله فايز ومب عاجبه هذا اذا صرت هلالي |
والله يافيرجسن شي ماتفهم فيه لاتتكلم عنه قال الاهداف من مدافعين يعني صايد المدرب بهالطريقه هاذا هو اساس التكتيك وتكتيكه للمباراة قمه في الروعه والدهاء |
اذا كان البعض يعتقد ان الاهداف من كور ثابته انتصار اعتقد انه بالغ شوي وشكله مره فاهم بعالم كره القدم |
انت اول شيي ما تفهم بالكورة و ابيك تفهمني مشترك من اكثر من سنة وما شاركت الا بهالموضوع وش تبيني افهم مندس و نص و الله لا يهينك انقلع برااااا |
| الوقت المعتمد في المنتدى بتوقيت جرينتش +3.
الوقت الان » 05:58 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd