الزعيم يكتسح جاره؟
 

ما كان ودي اكتب هذا الكلام من الان ،خوفا من ان يدخل نصراوي ويوصل الخبر لمدربه وتفشل خطتنا؟

المهم انا واثق انشاء الله من اكتساح الزعيم لمباراة الغد واكثر مافيها وفي اسوأ الاحوال راح يخرج النصر بنقطه ربما توزع بعدها مكافآت الفوز على لاعبيه استعدادا لمباارة الدورالثاني؟

طبعا البعض راح يقول وش هذه الثقه مع اني هذه الايام متشائم للاحوال التي يمر بها الزعيم ؟
فاقول ان سر تفاؤلي ليس تحسن ظروف الهلال؟ ولكن على مر التاريخ النصر مهما كان قوي يلعب بخطط دفاعية وخاصه خطة ( 1/10) الشهيره؟ وفي مرات كثيره فاز او تعادل عن طريق هذه الخطه بل انه خطف مباريات نهائيه؟

وكمتابع عتيج _ على قولة اهل الكويت_ لمباريات الزعيم مع النصر الاحظ ان الهلال حتى وان فاز لا يتجاوز الفارق هدف وارجعوا لمباريات الفريقين على مدى العقود الماضيه؟
لكن المباريات التي يلعب الهلال امام النصر بظروف مغريه للنصراويين يتناسون طريقة واحد عشره ويفتحون اللعب وغالبا مايمنى مرماهم باهداف كثيره؟
الدليل: مباريات الهلال العام الماضي في الدورين الاول والثاني الهلال مكتمل وظروف النصر مغريه والفوز يأتي بصعوبه 2/1 والثانيه 1/ صفر وبقدم مدافع نصراوي؟
في الموسم الذي سبقه نفس الحكايه ونتذكر تقدم النصر وضياع ضربة جزاء ثم تعادل الهلال بهدف العنبر وتقدم بهدف ياسر ( اللي ضيع الخوجيلي يومها مفاتيحه على قولة ابو يعقوب)
المهم اذكرك مبمباراة كانت ظروف الهلال مغريه للنصر في كاس الامير فيصل قبل موسمين وكسبها الهلال بهدفي العنبر والصويلح مع ان الهلال يلعب بالاولمبي والنصر بالفريق الاول وثلاثة محترفين اجانب؟

في موسم 1409 النصر يكتسح الفرق ويفوز بالدوري ،، ويلعب مباريات كاس الملك ويخرج الاتحاد والاهلي تباعا وعلى ملعب جدة ،، ويقابل الهلال المنهك في ذلك الموسم ويهاجم بقوة وشراسه ويحاصر لاعبينا امام مرمى السلومي،، وبعدها الهلال يرد بثلاثية مدافعينه؟ حتى البيشي اللي ماكان يعرف غير مرمى الهلال فتحت شهيته في ذلك المساء ولسع الصبياني بكرة جميله من تمريرات ابو يعقوب؟

فاز النصر بدوري 1401 وبكاسه وفي الدوري المشترك 1402 لعب الفريقان مباراةالمركز الثالث والرابع والنصر الاقوى فالهلال كان يلعب معظم لاعبيه شباب وكاول موسم بدون محترفين بعد رحيل ريفو والامام والنصر مازال بمحترفيه الاجانب ونجومه القدامي ولذلك لعب وفتح الملعب فامطر الزعيم شباكه بثلاثية.
المسلسل طويل والذاكره لكم عليها لكن عاد حبيت اس
ليكم قبل مباراة الغد لاني اغثكم مرات كثيره بكتاباتي لكن اعذروني يقولون ومن الحب مايغث قصدي ماقتل00

مشكوووووور ويعطيك العافيه ووانشالله بكر اكتسااااااح

تسلم على الموضوع يا مبدع ........ أهم شي يلعب الصويلح مع ياسر بس

باذن الله اكتساح اهم شي اللاعبين يشدون حيلهم

اهم شي ايلتون ولا الباقي ماعندك احد

والاكتساح انشاءالله بنكتسحهم

اهم شي ياسر والصويلح في المقدمة

والوسط التايب والشلهوب والغنام والغامدي

والدفاع المفرج وتفاريس والخثران ونامي

بالتوفيق للزعيم