شين وقوى عين...(فاييه).. - نادي الهلال السعودي - شبكة الزعيم

أبو عبدالله · #1 08/01/2001, 10:02 AM

شين وقوى عين ذا الفاييه الحين مضيع ثلاث هجمات من أحسن ما يكون ومضيع كم تمريره ومتأنن فى كم هجمه ويوم جا المدرب يطلعك قمت تنافخ وتصارخ على المدرب عشانه بدلك...

الحين بدال ما تحمد ربك انه طلع لا تنكبنا وتضيع هجمات تنافخ عليه ..
لو بداله حبيت راس المدرب وعزمته على العشا عشانه طلعنى لا تطلع فضايح ثانيه ..لا ومبدلنى بالثنيان وش أكثر من كذا..
ما أقول الا يا من شراله من حلاله عله......

------------------
أبو عيدالله يحييكم ويتمنى ان تقضوا اوقات سعيدة معه

فيصل ابو خالد · #2 08/01/2001, 10:22 AM

والله انك صادق.....النكبه ذا اثيت ان حده الرياض ويخب.وشكله هو شاف ان الدعوه خربانه قال اخربها مره وحده

عاشق الفن الجابري · #3 08/01/2001, 10:25 AM

والله ياخوي ابو عبد الله اصلا حرام يجلس هالفاييه في النادي ولا وكرستوفر الظاهر انه مقلب كبير ولكن هذي عادات الهلال ياحبهم لاشباه اللاعبين

رايح_رايح_المونديال · #4 08/01/2001, 10:30 AM

ياعزيزي ابو عبدالله عاجبك اللي سواه المدرب ( سبعة لاعبين في الوسط):
عمر الغامدي ، نواف التمياط ، محمد الشلهوب ، يوسف الثنيان ، خالد التيماوي ، مانجوت ، حسين المسعري .
لا وبدون راس حربة .
انا بصراحة ما الوم داين على اللي سواه ..
( الاختلاف في الراي لا يفسد في الود قضية )

------------------
اذا لعب الهلال فخبروني فان الفن منبعه الهلال

فيصل ابو خالد · #5 08/01/2001, 10:33 AM

يا حبيبي اي لاعب من الوسط افضل من فاييه خصوصا في حالته اليوم.

أبو عبدالله · #6 08/01/2001, 10:40 AM

مشكورين كلكم وشكلكم توافقونى الراى...
انا معك يا أخ رايح...الخ لكن مثل ما قال فصولى اى لا عب وسط يا رجال لو انه مدخل مدافع احسن لا ومنه الثنيان ...
شف وش سوى بغى يجيب هدف ولا أروع (المقصيه) ...
المهم اننا فزنا وبس ...ويليت يعجلونا بالمدرب...

والف الف مبرووووووك على الفوز .. ومن فوز الى فوز ان شالله...

------------------
أبو عيدالله يحييكم ويتمنى ان تقضوا اوقات سعيدة معه

هلالي مقلع · #7 08/01/2001, 10:52 AM

أسمع يابوعبدالله
ترى داين فاين ماينلام .. والمدرب ماعنده سالفه .. والا وشو له يتفلسف ويطلع المهاجم الوحيد اللي ممكن يجيب هدف باي لحظه وينزل سته بنص الملعب
والله قهر المدرب هذا أثبت أنه حمار تدريب .. الهلال يلعب على أرضه والاتفاق ناقص لاعب والمباراة تعادل والمدرب الغبي يطلع داين فاين واللي خطورته بتزيد يوم نزل الثنيان .
بس والله يعجبني مدرب الاتفاق اللي يوم شاف خباز الهلال يخبص بتغييراته قال ياولد هذي فرصتي أثر ماهنا أحد وراح يطلع لاعب مدافع وينزل اليامي المهاجم .مع أن فريقه ناقص .

وعلى فكره
شوي شوي على داين فاين ترى بنحتاجه .. لان كرستوفر بسلامته صار سواق باص .. ومقلب .. والله لو ألعب أنا يا محاتسيكم بثوبي أصرف منه .. ولا يهون بياز ولازار وفالنسيا وووووو وباقي المقالب

أبو عبدالله · #8 08/01/2001, 11:01 AM

انا معك والله معك يا هلالى مقلع بس بعد مايلام المدرب يا خى ذبحنا أنواع الهجمات المقشره وفى هجمه ما عرف يثبت كوره مو معقوله هذا محترف هذا يا شيخ لو ان حسن العتيبى بداله جابها ولك الى تبى ...
صحيح المدرب شويه عليه غبى سبعه وسط بس ولو فاييه هذا نقص والله نقص وانا اعتقد لو انك محله بثوبك وعاظ الثوب وانت تركض كان جبت تقريبا ثلاثه اهداف من هجماته ..
المهم اننا فزنا ومن فوز الى فوز ان شالله.....

------------------
أبو عيدالله يحييكم ويتمنى ان تقضوا اوقات سعيدة معه

الهلال العالمي · #9 09/01/2001, 09:29 AM

انا ماالوم داين لأنه كان بيلعب قدام 9 مدافعين واحيانا يكون عشرة وهاذي مهمه صعبه جدا.... كان المفروض نلعب 4-4-2
او 4-3-3
ولاتنسوا ان داين عايش حاله نفسيه سيئة بسبب ابتعاده عن الكرة فأرجوا ان تقدروا حالته ولكن افضل تشكيلة حليه للهلال
الدعيع ....الدوخي - عبدالله سليمان - خليل - النزهان
التمياط - الشلهوب - الغامدي - التيماوي
الكاتو - داين فاييه
والخطه 4-4-2 او 4-3-3 بتقدم التمياط
ودمتم،،،،،،،،

------------------
إدلـع يـا كـايـدهـم
يـا هلالــي يـا قـاهـرهـم
خــلــيــهــم يشوفونك

عبادي · #10 09/01/2001, 04:22 AM

تقولون المدرب ماعنده سالفه .. والله انتو الي ماعندكم سالفه..
ماشفتو المباراه .. الثنيان لا عب مهاجم امس .. مالعب وسط
انا ماقول ان المدرب رهيب .. بس ما عليه يصرف اموره صح
وبعدين الي يقول ما الوم فاييه والله هذا الي ماعنده سالفه صدق
ولا فيه محترف زي ذا؟!
هذا لوني المدرب حطيته لحاق كور!
ياناس حرام عليكم والله دلخ.. دلخ مايدري وين ربي حاطه!
شوفوا يوسف لاعب مهاجم مع انه وسط وبدع .. ويجيك المهاجم
ويضيع كور زي هذه.. مدري منهو الي لاعب عليه.. وقايله
تعرف تلعب؟؟

------------------
عبادي
اذا علي ظروفي فلا
يشغلني ياهلال عن حبك ملا

الهلال العالمي · #11 10/01/2001, 07:42 AM

يا عبادي
انا حاسس انك لمن كتبت الموضوع كنت عصبي راجع نفسك
ودمتم،،،،

Powered by Infopop www.infopop.com © 2000
Ultimate Bulletin Board Version 5.45c

------------------
إدلـع يـا كـايـدهـم
يـا هلالــي يـا قـاهـرهـم
خــلــيــهــم يشوفونك

طلال · #12 10/01/2001, 01:53 AM

الأخ رايح المونديال انت تقول ان فاييه يلعب لوحده قدام تسعة مدافعين ... طيب والكاتو يلعب قدام مدافع واحد!!! معروف في جميع المباريات السابقة حتى مباراتنا مع النصر ومباراة السوبر والسالمية كان الكاتو يلعب لوحده في الهجوم وسجل اهداف وسجل معاه نواف والشلهوب والشريدة وفي مباراة الاتفاق سجل أحمد خليل ... وهذه هي خطة اللعب الجديدة ومعظم النقاد والمحللين الرياضيين مع هذه الخطة ( اللعب بمهاجم واحد ) لأنها كتابيا لعب بمهاجم واحد ولكن داخل الملعب يتقدم جميع لاعبي الوسط ويساندوا المهاجم ( الدخول من الخلف ) وخاصة نواف التمياط وهذه الخطة ساعدت نواف كثيرا في التألف والبروز مع الهلال والمنتخب ودائما في عالم الكرة جميع اللاعبين في الملعب يسعون الى التسجيل وليس المهاجم فقط ( اللامركزية ) ... فلاغرابة عندما تشاهد مدافع يلعب مهاجم ومهاجم تجده يساند الدفاع ,,, وهكذا .
ارجو وضحت لك وجهة نظري ... وشكرا للجميع وللأخ رايح المونديال بالذات.

عبادي
خلك ريلاكس

------------------
ياكايــــدهم ياســـامي