مساء الخير عليكم ياجمهور نادي الهلال وبالتوفيق لنا ان شاء الله في يوم الثلاثاء ..

مابي اطول عليكم .. وصدقوني اني حاس فيكم وحاس ان موضوعي بعيد عن الموضوع اللي مشغلكم هاليومين موضوع

حاتم الطرابلسي .. جاء والا ماجاء .. وقع والا ماوقع ..

وسعوا صدوركم وعسى الله يكتب اللي فيه الخير ..

بأختصر عليكم الموضوع ..

اليوم وانا في الدوام .. جاء طاري مباراه الهلال والنصر وحسيت الشباب متحمسين من بدري للمباراه .. المهم تطور

الموضوع من الهلال والنصر لموضوع ياسر بيلعب والا ماراح يلعب .. المهم وصل الموضوع لسامي وماجد والمقارنة بينهم ..

طبعا انا طول هالفتره ساكت وجالس اسمع

<< من الناس اللي يتنح الصباح ومايهرج

المهم واحد من الشباب النصراويين المتحمسين وهو جالس يقارن بين اللاعبين .. قال ان ماجد لم يضيع ضربة جزاء في

تاريخه سواء مع النادي او المنتخب ..

عاد انا طيرت عيوني وقلت : وقف ..

مع النصر اضاع ركلة جزاء امام الهلال وامام خالد الدايل ( الله يذكره بالخير) .. طبعا هذي المعلومة سمعت فيها ولم

اشاهدها ..

اما على سبيل المنتخب فقد اضاع ضربة امام ايران وهذي شاهدتها بأم عيني واذكر ان ماجد سدد الكورة وسجلها هدف

وطلب الحكم اعادتها ومن ثم اعادها واضاعها ..

فياليت ياشباب تأكدون لي المعلومة هذي .. واذا حصل رابط تحميل لضربة الجزاء ( ادري ان المباراه قديمة بس اتوقع

فيه رابط للتحميل .. السالفه فيها عشاء وتراكم معزومين ..