السلام عليكم

كلنا شفنا واحد من الحزماويين مدري هو نائب الرئيس والاالمشرف على الكره

وش قال بعد مباراتنا مع الحزم والله مابقى الا يصيح

واللي شافه يرحمه ويتعاطف معاه

طلع يهذي بما لايدري وان الحكم ظلمهم ووقف قدام فريقهم وهو السبب بخسارتهم

وان الحكم تحامل عليهم وتهاون مع الهلال بأشياء كثيره

لاومن زين الطبايع يقول ان الحكم كان يضحك مع ياسر عند خروج ياسر من الملعب للتغيير

وشدعوا اجل تبيه يمسك عصا ويلاحق اللاعبين ويطلعهم من الملعب

حتى الضحك يعتبر جريمه اذا جاءت للاعب هلالي؟؟ آه يازمن العجايب

ولاكن انكشف المستور وطلع فوده اليوم في برنامج الرايه الثالثه في الART

رغم اننا نعرف ميول فوده وتعودنا منه الأجحاف بحق الهلال بشكل كبير

الا انه اليوم في تحليل الأخطاء لمباراة الهلال والحزم لم يجد أي خطأ للحزم

وكل الأخطاء للهلال ومنها

1/ الغاء هدف التائب بحجة التسلل وقال فوده ان الهدف صحيح

2/ استحقاق لاعب الحزم للبطاقه الحمراء للدخول العنيف على المفرج في آخر الشوط الأول

3/ وجود ضربة جزاء للهلال لصالح احمد الصويلح لم تحتسب

فأتمنا من هذا المهايطي ان لايخرج علينا بدور الضحيه والمظلوم وان لايدخل نفسه بحجة انه يريد

الدفاع عن فريقه وهو يريد ان يحصل التائب على كرت اصفر حتى لايلعب امام النصر

فخلك بفريقك وانتبه لاتهبطون وخل عنك التحدث عن الكبار وانت مو قدهم

ملاحظه:

فيه واحد اتصل على البرنامج ويدعي انه هلالي وقال ان الصويلح ليس له ضربة جزاء

تصدقون انه شوي ويصيح والأكيد انه من اهل المترديه والنطيحه(((جمهور المسيار)))

يعطيكـ العااااااااافية ...

مشكوررررر يالغالي

يعطيك العافيه

شكلك تقصد الإداري سليمان الدهامي إداري الحزم

هذا واحد من قرايبنا

اول مره ترى يطلع بالتلفزيون لاتشره عليه

إقتباس الرسالة الأصلية كتبت بواسطة الخبراوي يعطيك العافيه شكلك تقصد الإداري سليمان الدهامي إداري الحزم هذا واحد من قرايبنا اول مره ترى يطلع بالتلفزيون لاتشره عليه

ههههههههههههههههههههههههههههههههههههههههههههههههه

سلميان الدهامي انا اعرفه شخصيا يبي يشتهر ويتميلح عند اخوياه في الاستراحه


دمت بود

إقتباس الرسالة الأصلية كتبت بواسطة الخبراوي يعطيك العافيه شكلك تقصد الإداري سليمان الدهامي إداري الحزم هذا واحد من قرايبنا اول مره ترى يطلع بالتلفزيون لاتشره عليه

ههههههههههههههههههههههههههه

اذا الدعوى كذا اجل ماالومه

يعطيك العافيه

ومشكور على هذا الموضوع الجميل

تقبل تحيتي

يعطيك العافيه

ترى فوده يذر الرماد في العيون ويعطينا حقنا مع حزم ولا وطني
لكن اذا جينا مع ناديه الاصفر الاسود يتغير الحال بحال والله يجيب العواقب سليمة في مباراتنا مع النصر !!

الدهامي وش فهمه للكوره ؟؟
حده بعارين وتخب عليه بعد!!!

أجل الحكم متحامل علينا...خخخخخخخخ

ياويلي والله مسكين اول مرة يطلع بالتليفيزيون لا تلومونه .

ما بقى الا الحزم يحط راس براس الزعيم هههههههههههههههههههه

يعطيك العافيه

إقتباس الرسالة الأصلية كتبت بواسطة بندر الرس ههههههههههههههههههههههههههههههههههههههههههههههههه سلميان الدهامي انا اعرفه شخصيا يبي يشتهر ويتميلح عند اخوياه في الاستراحه دمت بود

تكفى سير عليه وقله يطلع بعد مباراتهم مع النصر اذا فيه خير مو على الهلال الي صار كلن يشتكي من التحكيم لما يقابله اي احد

عوافي اخوي