#1  
قديم 04/11/2007, 09:39 PM
الصورة الرمزية الخاصة بـ رساوي برساوي
زعيــم مميــز
تاريخ التسجيل: 03/07/2006
المكان: الرس
مشاركات: 2,103
للتوقيع مع عزيز..إدارة الهلال ........

بسم الله الرحمن الرحيم


قرأت موضوع كتبه أحد الإخوة
بخصوص مفاوضات بين عزيز والبلوي
وأنها وصلت 8 مليون
ويقول المفروض إدارتنا توقع معه بـ 8 مليون

يوم فكرت بإيجابيات وسلبيات التوقيع بهذا المبلغ

وجدت أن عزيز يستاهل كل خير
والمفروض الإدارة توقع معه بأسرع وقت
مانبي ننتظر مثل ما انتظرنا مع الدوخي حتى توصل العروض الكبيره للاعب
نبغى إدارتنا توقع معه بأسرع وقت مثل ماحصل مع الدعيع والغامدي والشلهوب والتمياط

وحنا يا جمهور الهلال
ننخى جميع أعضاء الشرف
فيصل بن سعود(والد الرئيس)
عبدالله بن مساعد وأخوه عبدالرحمن
عبدالعزيز بن سعود وابنه راشد
وانتهاء بجميع أعضاء الشرف

ونطلب منهم المسارعه بالتوقيع مع هذه الجوهره الثمينه خالد عزيز

ولكن بخصوص المبلغ...
قريت بالموضوع اللي ذكرته
أن العضو طالب الاداره بالتوقيع ولو بـ 8 مليون !!!
ويظهر من كتابة الموضوع أن الكاتب صديق لخالد عزيز
لكن ماعلينا
حنا بنتناقش عن المبلغ
8 مليون يستاهلها عزيز وزياده
لكن أرى أن سقف تجديد العقود بنادي الهلال المفروض يكون 6 مليون بالكثير
لو وقع بـ 8 مليون
بنشوف بكرا القحطاني كم يطلب والصويلح كم يطلب
والفريدي والكلثم بعد كم سنه

يعني عزيز يستاهل 8 مليون
لكن سلبيات التوقيع بهالمبلغ كثيره وكبيره
وبعدين عزيز لاعب نحبه حنا ياجماهير الهلال ويحبنا
ويحب النادي اللي ترعرع فيه وطلعه نجم النجوم
مهب المفروض يصير منه تضحيه شوي لهالنادي الكبير
وأرى يعني أن 6 ملايين بتكفيه
و6 ملايين تكفي أي لاعب بالسعوديه وزياده
لو كان المبلغ المقدم من الهلال مايكفي لخالد أو عليه ديون وبيشتري بيت
صح يحرص على أنه ياخذ المبلغ اللي يكفيه
لكن مبلغ ست ملايين يكفي خالد ويعيشه سنين
بعض الأعضاء بيقول حاسده

والله مو حسد
بالعكس خالد حبيب قلبي والله يرزقه أكثر وأكثر
لكن هالكلام اللي قلته عشان أوضح أن خالد المفروض مايساوم نادي مثل الهلال
وجماهيريته
على مليون أو اثنين..وهو في غنى عنهن

وهالكلام اللي قلته كله لو كان كلام صاحب الموضوع السابق ذكره صحيح
وأن خالد طلب من البلوي 8 ملايين للتقيع معهم
لكن أتوقع وبنسبه كبيره أن الموضوع غير صحيح أو مبالغ فيه
لأن خالد حبيبنا كلنا
وكلنا نعرفه
لاعب كبير
ماراح يساوم على نادي بقدر وبجماهيرية الزعيم
عشان البلوي ونادي الاتحاد
النادي اللي شاف منه الاهانات والبصق وغيره سابقا

نطلب من إدارتنا سرعة التجديد مع عزيز
وأن لا يتعدى المبلغ 6 ملايين حفاظا على مبالغ العقود القادمه
ونطالب من عزيز البقاء معنا في الهلال وهذا المأمول ان شاء الله من حبيبنا خالد

وأطلب من الجماهير كافه
الإغلاق ونسيان هذا الموضوع حتى بعد مباراة النصر

والسلام عليكم ورحمة الله وبركاته
اضافة رد مع اقتباس
  #2  
قديم 04/11/2007, 09:42 PM
زعيــم نشيــط
تاريخ التسجيل: 06/12/2006
مشاركات: 833
الله يعين بس دام إدارة النادي ما تحل موضيعها بأسرع وقت للأسف لكي يتجنبون المساومات ليه ما خذو العبره في صفقة ياسر ...؟؟؟؟؟
اضافة رد مع اقتباس
  #3  
قديم 04/11/2007, 09:45 PM
زعيــم فعــال
تاريخ التسجيل: 16/07/2006
المكان: بيتنا
مشاركات: 266
عزيز هلاااالي ان شاء الله
اضافة رد مع اقتباس
  #4  
قديم 04/11/2007, 09:51 PM
الصورة الرمزية الخاصة بـ ALAMEER 14
زعيــم مميــز
تاريخ التسجيل: 08/06/2007
المكان: ....
مشاركات: 1,949
والله اتمنى من كل قلبي ان نكون غلطانين وتكون الاداره جددت
مع عزيز ويارب ان عزيز يظل هلاااااااااالي ,,,
مشكوووور ...,
اضافة رد مع اقتباس
  #5  
قديم 04/11/2007, 09:56 PM
الصورة الرمزية الخاصة بـ النــــادر
زعيــم نشيــط
تاريخ التسجيل: 13/02/2007
المكان: جده
مشاركات: 558
هلالي وبس قفلو على الموضوع هذا الي يبيه البلوي ان نشكك بادارتنا وباعضاء الشرف
اضافة رد مع اقتباس
  #6  
قديم 05/11/2007, 01:41 AM
زعيــم فعــال
تاريخ التسجيل: 21/02/2006
مشاركات: 403
يا شباب الله يهديكم
وش فيكم انتم
خالد وقع للهلال لمدة خمس سنوات
وعين الحسود فيها عود
اضافة رد مع اقتباس
  #7  
قديم 05/11/2007, 01:44 AM
زعيــم مميــز
تاريخ التسجيل: 20/08/2005
المكان: تحت أقدام أمي
مشاركات: 3,319
إقتباس
الرسالة الأصلية كتبت بواسطة النــــادر
هلالي وبس قفلو على الموضوع هذا الي يبيه البلوي ان نشكك بادارتنا وباعضاء الشرف

صادق
اضافة رد مع اقتباس
  #8  
قديم 05/11/2007, 02:11 AM
زعيــم نشيــط
تاريخ التسجيل: 20/03/2006
مشاركات: 538
إقتباس
الرسالة الأصلية كتبت بواسطة يزيد الفارس
يا شباب الله يهديكم
وش فيكم انتم
خالد وقع للهلال لمدة خمس سنوات
وعين الحسود فيها عود


ياليت كلامك يكون صحيح لكن أنا راهنت على كلامي وتحديت الادارة وراح تذكرون كلامي ..
اضافة رد مع اقتباس
  #9  
قديم 05/11/2007, 03:43 AM
زعيــم فعــال
تاريخ التسجيل: 27/06/2004
المكان: لرياض
مشاركات: 200
الله بس يستر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:42 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube