
03/11/2007, 05:59 PM
|
زعيــم مميــز | | تاريخ التسجيل: 21/03/2004 المكان: مسنتر بالمجلس العام
مشاركات: 5,765
| |
في فتره لا تقل عن سنتين اصبحت قيادة المرأه عندنا قضيه وصاحبها جدل واسع ماله نهايه
اتمنى انها ماتتكرر خصوصا انه بلدنا فيه قضايا اهم من قضية سواقة المرأه
لو تم السماح للمرأه بسواقة السياره من دخول السيارات في المملكه كان افضل
لانه بالوقت الحالي اصبح من الصعب تقبل القرار اولا من ناحية الدين وثانيا العادات والتقاليد
مع انه الناس نست الدين والعادات والتقاليد في امور اخطر من سواقة المرأه حاليا وهي
ركوب حريمنا مع السواويق لحالهن
خلوة المرأه عندنا مع السواق في انصاف الليالي اشد من ركوبها السياره لحالها بالليل
واللي ماهو مصدق يروح يقرأ ويسمع ويسأل عن مشاكل السواقين والقضايا الموجوده بأقسام الشرطه وغيرها
يحلف بالله خوي لي اثق فيه تمام الثقه انه ينتظر اهله بالسوق فسمع الهندي يقول لحرمه تبي تنزل من السياره بسرعه
والا ترا اليوم مافيه بالليل
المشكله انه اغلب العمال اللي يجونا هنا بتأشيره سواق خاص اغلبهم من دشير الدول الفقيره
ولو قلت له خل السعودي يصير سواق رفض
عموما سواقة المرأه تأخرت جدا جدا والا لو كانت قبل كان اصبح الوضع عادي طبعا بشروط
المرأه فقط المحتاجه واللي رجلها توفى وتعيل بزارينها ولا عندها مصروف يكفيها تجيب سواق
ولابد يكون عمرها فوق الـ 37 ومن هالكلام لكن بالوقت الحالي ما أييد ابدا |