يا خيتو يا حبيبتي .. أختي والله أنا أغليك وأحبك ..
 

أخي عنبر الزعماء ،،

جميل هو مافعلته،،وليت كل الاخوان يخاطبون اخواتهم ويعاملونهم بالحسنى،،
للأسف ان اغلب الاخوان يتميزون بالغرور على أخواتهم ،، وبالاخير يضعون اللوم عليهن،،

في مجتمعنا قليلا هم أولئك الشباب اللذي يبنون علاقتهم مع اخواتهم على انها علاقة صداقة،، !!
ويتقربون منهن،،

..
..
..
..

الله يوفقك ويخلي لك خواتك ولايفرقكم عن بعضكم يارب العالمين،،
ويرزقنا مارزقكم،،

الله يرزقك الجنة ..
تشكر على المرور .. ولكن هالشيء لازم نحط له حد ..
والله الاخت تفكر بهالشيء او تفقده بس مستحيل تجي وتقولك ..

تشكر على المرور ..

اشكرك اخي عنبر الزعماء على هذا الموضوع

تربطني علاقه جميله بأخي

لاكن لم يحصل ان قال لي في يوم من الايام

ياحبيبتي او ياعمري

وحتى انا لم اقلها له

اجدها غريبه بأن اقولها له

مع اني احاول كسر هذا الحاجز

منذ زمن ولاكن لم استطع

بـــادرة رائعة منك
خاصة وانت تعلم السبب وهو المكابرة
والخطأ من التربية والمجتمع ويجب تجاوزها منكم
وإعلم ان الأخت تنسى قسوة الأخ بكلمة طيبة
الحمدلله الذي رزقني بأخ لاتوجد بيني وبينه اي حواجز
كلانا حريص على الآخر..

إقتباس:

اللهم استر على أخواتنا وأمهاتنا وجميع المسلمات والمسلمين ..

اللهم آمـــــــــــــين..
دمت بطاعة الله

أخــتك

والله التجربة حلووة .. بس كسر الحاجز يأتي من الأخ .. لأن البنت طبعها الحيا ..
عموما ربي يخلي لك أخوك .. وما في شك انه يحبك .. وان شاء الله ينكسر هالحاجز ..
اشكرك على مرورك

ما اظن فيه سبب غير هالشيء ..
وفعلا مثل ما قلت من اساس التربية ..
لا حول ولا قوة الا بالله ..
ان شاء الله الكل يتعلم وانا اولكم ..
اشكرك

وياك يارب،،
أنا (بنت) مو ولد :d،،


وماكتبت هالكلام إلا اني فاقده هالشي ،،
لكن عارفة حب اخواني لي ،، بس مثل ماقلت يكابرون وهذي المشكله ،،
وانا مستحيل اروح واقول له ،،لاني استحي ،، بس احاول اوضح له بتعاملي معه ،،


وتقبل مروري للمرة الثانية :d

حياك أختي على كل حال ..
والله انا كنت نفس العيال اكابر وكذا .. مع اني اموت بأخواتي ..
بس شلت هالحاجز .. خصوصا اختي اللي اصغر مني .. عمرها يمكن 16 .. محتاجة لي هي خصوصا بهالوقت .. والحمدلله علاقتنا زي الفل .. وانتظرها تجي من المدرسة بشوق واقابلها بكلمة حلوة .. ولما ترووح الصباح اودعها بكلمة حلوة واوديها المدرسة وبعدين اروح مدرستي ..
يعني الحمدلله ..

وخواتي الكبار اذا جونا .. احب روسهم ..
الحمدلله ما نقص مني شيء ..

لا زم نفكر ..

وبصراحة مثل ما قلتي البنت شيء طبيعي بتستحي ..

اشكرك على مرورك يا اختي

والله أنا من تعاملي مع إخواني
أصلا حنّا ربينا إن هذا الكلام عيب بين الأخ وأخته
وبعدين يا أخي لو أطلب منه يوديني المدرسة شوفوا وش جوابه:
أشتغل سواق عند أبوكي..
والله أخوي الكبير مرررررررة عصبي بس إذا ماحد يراده بالكلام
ألاقيه بعد نص ساعة يسولف ولا كأن شي صار
أشكرك على الموضوع

عندك وعندنا خير سبحان الله نفس طبع اخواني
عنبر مشكور على الموضوع

ابتسامه تكفي وتختصر كل ماكتبت اخوي

بصراحه مواضيع المجلس صايره حلوه .. وتستحق القراءه ...

الله يعطيك العافيه ولاتبخل علينا بالمزيد من هالمواضيع الرائعه

تقبل مرور اخوك الصغير ابو طلال

والله صادقة بكلامك .. لكن هم ما يحسون شلون البنت تصير مستانسة اذا جاها كلام مثل هذا ..
والحمدلله القلوب صافيه واللي فيها اكبر من الكلام اللي ابيه انا .. بس عندنا الحاجز هذا والل يبعده عن الجميع ..
اشكرك اختي وربي يخلي لك اخوانك ويسعدكم دنيا واخره ..

الله يكتب اللي فيه خير ..
وبصراحة انا ما الوم البنات ابد ..

بس لما صرت اقول هالكلمات لأختي تغيرت مره .. وصارت تنتظر رجوعي اذا طلعت برى البيت ..

الله يوفقك اختي اشكرك على المرور ..