كتاب ابن خبط الشرح في وصف نكت المحششين






ذكر عن العلامة الكبير ابو خبط النجدي انه قال في احد الاشخاص الذي كانوا يجالسوونه في حلقات العلم والله انك محشش ؟؟ فتعجب الجميع لهذه الكلمة واخذوا يطالعون في بعض كعلامة لعدم الفهم فطمر احدهم وهو من اشدهم لقافة واستلعانا



وقال لشيخنا الجليل ابو خبط هل من الممكن ان أسأل سؤالا ؟؟؟

فرد عليه شيخنا الجليل بكل وقار العالم وهيبتة .. اسأل بس لاتكثر



عندها قام ذلك الملقووف وسأل ماذا تعني بكلمة محشش ؟؟؟؟؟

جن جنووون الشيخ

حاول الشيخ تجاهل الموضوع وتغيير السالفة لكنه لم يستطيع

وصارت خشته مثل ذا

ولكنه شيخنا الجليل استطاع استدراك ذلك بكلمة جليلة قال

فيها انني لا استطيع ان افتي في هذه الكلمة ولكني استطيع

ان الطخكم ببعض الامثلة ومنها تستيطيعوون ان تعرفوا ماهو

المقصوود با المحشش

قال الشيخ ابو خبط النجدي مايلي

**********************

اثنين مصريين محششين واحد قال : تسدأ الدنيا دي مآســــي

... قاله الثاني ليه أنتا بتلبس كام


واحد محشش اتصل على الاستعلامات و سألهم عندكم مفتاح

الرياض ... قالوا ايه ... قال سووعليه نسخة لايضيع


فيه اثنين محششين يناظرون القمر قام واحد منهم قال

لزميله شف القمر وش زينه ......قال هذا مو قمر هذا شمس

قام الثاني قال لا قمر وقاموا تخانقوا ......صدفه مر

واحد مثلهم قالوا له تعال يالاخو قلنا هذا شمس ولا قمر

.......قال معليش انا مو من هذي الديره


يقولك فيه واحد محشش نزل مره بالليل وهو منتهي لقي جاره

شاري سياره جيب دفع رباعي مكتوب عليها 4*4 قام اخونا

وبالسكروب حك السياره وكتب =16 جا راعي السياره الصبح

شافها وانقهر قام وداها الورشه وزين البويه .......قام

اخونا المحشش من الليله الثانيه وكتب نفس العباره وبعد

راعي السياره سوي نفس الشي ......واستمر فتره ......اخر

شي قام راعي السياره وبخط جميل كتب 4*4=16 عشان يرتاح من

المحشش .......بالليل جا المحشش وشاف السياره وقرا

الكلام .......قام بالسكروب كتب علامه صح ومشي


واحد محشش ..يطالع في واحد فوق عينه حبة خال ويقول له

بالله هذي عين والا غين ؟


هذا واحد محشش قال لخويه.. ارسم على ظهري مربعات ..

ورقمها من 1 الى 20 .. يوم خلص ..قال له : حك لي المربع

15


اثنين محششين ماشين في الشارع، واحد منهم شاف مرايه

وقعد يطالع في وجهه ويحك راسه، قال له المحشش الثاني "وش

فيك؟" .. قال "ياخي الوجه هذا أنا شايفه من قبل" قام

المحشش الثاني أخذ المراية وقعد يطالع فيها وقال "الله

يقطع ابليسك !! هذا وجهي


واحد محشش,وقف ليموزين قاله "فاضي" قاله ذاك "ايه" قاله

القروي:اجل اصفط خلني اسولف معك


المحشش:التوبيس ذا رايح الجامعة؟

السواق :إيه

المحشش: ربنا ينجحه ويأخذ بيده


فيه اثنين حشاشين واحد منهم يسأل الثاني ظنك يوم

الاربعاء يوافق عشرة ؟؟!!؟؟ قال الثاني : والله مدري !!

بس يمكن اذا ضغطنا عليه يوافق


ثلاثه محششين هاربين من الشرطة دخلوا مزرعة و تخبوا في

ثلاثه اكياس جاء الشرطي وشاف الأكياس، وشات الكيس الاول

قام اللي فيه يصيح :واق واق ( يقلد البط ) تركه الشرطي

وراح للكيس الثاني وشاته قام اللي فيه وقال كوكو كوكو (

يقلد الديك ) تركه الضابط وراح للثالث وشات الكيس واللي

فيه ساكت مايتكلم !! استغرب الضابط وقام يشوت بقوة مرة

ثانيه وثالثة ومافي صوت وفي الأخير عصب الشرطي وشاته

باقوى ما عنده طلع المحشش يصيح:: يقطع شكلك !! بطاطس وش

تبيني اقول


في أثنين محششين راكبين في سيارة وحدة وقفوا عند نقطة

تفتيش جاء السواق بيطلع أثباته بيعطيه العسكري قام خويه

المحشش حلف ما حد يدفع الحساب إلا هو!!


واحد ثاني محشش وقف عند نقطة تفتيش قاله العسكري

الاستماره لو سمحت

قال المحشش : يا شيخ اي تحشيش اي كلام فاضي


واحد محشش سأل خويه : عيني حمراء ؟ قاله خويه : ايه..

قاله المحشش: طيب توجعني ؟


فيه ذبانه دخلت غرفه شباب محششين واخر الليل قاموا

الشباب يحششون وصكوا الباب انحشرت الذبانه وقالت اجلس

الين يفكون الباب وبعد ما شفطوا ست سجاير نزلت عليهم

الذبانه مسفحه تقول جاااااااكم الصقر


فيه محشش ماااسك الدجاجه اللي عنده ويطقها ويقول: كل

يووووم بيض ماااافيه جبن


فيه واحد محشش دخل الحمام. طقت امه عليه الباب قالت له

تبي تطول قال لا ابلف يسار


فيه محششين طبخوا مندي تعشوا نواشف ليه؟ ضيعوا حفرة

المندي

**********************


و سكت رحمه الله ولكن احد الحضوور وهو عكرمة بن سكيرب

قام با الضحك بصووت يسمعه القاصي والداني فما كان منه

رحمه الله الا ان لفخة باالزمزمية على خشته لكي يتعدل و

يوقف نهيقة قصدي ضحكه ........ انتهى كلام المحدث


**********************

تسلم اخوي نكت حلوة

الله يسلم عمرك

الله يعطيك العافية .......

الله يعافيك بدون ههههههههههههههههه

بس بدون حبيت اقولك ان ديرتي وديرتك وحده

واكيد اني اعرفك ههههههههههههههههههههههه

والشاطر يفهم ..

هههههههههههههههههههههههههههههههههههههه حلوه

هلا اخوي البرفسور

الصراحه صدق الشيخ ابو خبط النجدي

واللى لا تفوتك


فيه اثنين حشاشين واحد منهم يسأل الثاني ظنك يوم

الاربعاء يوافق عشرة ؟؟!!؟؟ قال الثاني : والله مدري !!

بس يمكن اذا ضغطنا عليه يوافق

شكلهم يتابعون الجزيره


في أثنين محششين راكبين في سيارة وحدة وقفوا عند نقطة

تفتيش جاء السواق بيطلع أثباته بيعطيه العسكري قام خويه

المحشش حلف ما حد يدفع الحساب إلا هو!!

هذا الكررررررررررررررررم


مشكرو اخوي

هههههههههههههههههههههههههه

مشكووووور اخوي وعزيزي سعود
ويسعدني ردك بصراحه
واشكرك على الاضافات الرائعه
والرهيبه حقت المحششين اللي عند التفتيش هههههههههههههه
ههههههههههههههههههههههههههههههههههههههههههههه

السلام عليكم أخوي البرفسور

هههههههههههه هذي ضحكتي على النكت

ومهوب ههههههههههه هذي علشان الاستهزاء بمجالس العلم والمشائخ الأجلاء



كويس أننا نسمع نكت حلوة مثل هذي ..

بس الشين أنها تكون على حساب الاستهزاء بمجالس العلم والمشائخ ..



جزاك الله خير

جمجمة الهلال
اين الاستهزاء بمشائخ
لا يكون ذكرت بس حدى المشايخ وانا ما ادري ؟؟؟
وبعدين كلنا مسلمين ولا نرضى لاحد ان يتكلم عن رجال العلم
وبعدين كلمة الشيخ اصبحت تطلق على اغلب الرجال سواء كان ملتزم او غير ذلك
وكثير ما نقول في الاماكن العامه لاي شخص يا شيخ
هل هو شيخ بصحيح ؟؟؟

هذا موضوع ليس فيه اي نوع من الفائده العلميه انا معك في هذا
لكن يشمل على كثير من الكلمات الفكاهيه وهذا هو المقصد
الا اذا كنت انت تنظره من ناحيه اخرى
او من مرات اخرى
فهذا شي راجع لك اخوي

بعدين لكي اوضح ان الموضوع واصلني على الايميل وانا معدل فيه الشي الكثير
لان اصلا ما كان كذا
مو علشانه يتكلم على المشائخ لا
علشان فيه نكت لا تصلح لطرحها

على العموم انا اشكرك على ردك الرائع
واذا كنت انا المخطي
فانا اسف اوكي ؟؟؟

باي

مشكور


.


.


.


.


.


.


.


.


.


على فكرة ..!!


سمعتوا المحشش اللي اللي خطف عجوز وراح لحارس ثانويه وقاله أصرفها لي بنات D: D: D:

ياحبيبي يالبرفسور أرجو منك ياخوي إنك ماتفهم غلط

بس أسلوب طرح موضوعك هذا.. اللي نقلته لنا من ايميل جاك .

أسلوبه مشابه لقصص التاريخ الإسلامي وقصص الصحابة وقصص
الأئمة من السلف الصالح ..
فلو سألت صاحب هذا الموضوع الذي قام بكتابته
بهذا الاسلوب وسألته من وين أقتبست هذا الأسلوب ؟؟

يعني بمعنى أوضح كيف عرف يسرد هذا الموضوع بهذا الأسلوب ؟؟

فتتوقع جوابه وش راح يكون ؟؟

هل تتوقع جوابه أنه جابه من راسه كذا..

بعدين لاحظ حاجة مهمة ..

وهي أنه إقتبس اسلوب سرد القصص التاريخية الاسلامية لإضحاكنا..ليه طيب ؟؟

لأنه نحن إذا سمعنا أي قصة بهذا الأسلوب متأكدين أنها ستكون عن قصة جادة
فيها العبرة و الحكمة أو توضيح لأحد الأحكام الشرعية كما يتم في الكتب الدينية .

ولكن هالمرة ضحكنا لانه غير مضمون القصة التي كنا متعودين عليها
عندما يطرح مثل هذا الاسلوب...

وأيضا هناك استهزاء باللغة العربية الفصحى والتي هي لغة القرآن الكريم
ويجب أن نحترمها ولا نضعها في محل السخرية .

وسأبين لك عزيزي البرفسور أين الاستهزاء في هذا الموضوع ؟ ..وأنت أحكم بنفسك

إقتباس ذكر عن العلامة الكبير ابو خبط النجدي انه قال في احد الاشخاص الذي كانوا يجالسوونه في حلقات العلم والله انك محشش ؟؟

حلقات العلم وش رأيك ؟ هل يطلق على حلقات العلم غير حلقات العلم الشرعي .
. فكما هو متعارف عليه بيننا أنه مجرد سماع كلمة حلقات علم يتبادر الى أذهاننا الى انها إجتماع طلاب العلم حول شيخ جليل
ليتعلموا العلوم الشرعية ..

إقتباس واخذوا يطالعون في بعض كعلامة لعدم الفهم فطمر احدهم وهو من اشدهم لقافة واستلعانا

إقتباس الطخكم ببعض الأمثلة ..

يطالعون , فطمر ,لقافة ,استلعانا , الطخكم

كلمات عامية بين كلمات عربية فصحى والهدف من اقحامها هو لأضحاكنا ليس الا ..confused: ::

إقتباس قال لشيخنا الجليل ابو خبط هل من الممكن ان أسأل سؤالا ؟؟؟

شيخنا الجليل كلمة الشيخ تطلق على اي شخص طاعن في السن .
ولكن كما هو متعارف أن كلمة الشيخ إذا ارتبطت بكلمة الجليل فتعني شيخ ذو علم ومعرفة وبالأصح نسمعها دائما في حلقات العلم والمحاضرات الدينية .


وعلى كل حال أخوي البرفسور الغالي
أرجو أن لاتأخذ كلامي بحساسية زايدة
وأن لاتفهم أني أحاول توبيخك

لا والله ...

ولكن لحبي لك كأخ مسلم لاأريدك أن تقع في الخطأ .
ويجب علينا كمسلمين أن نتحرز وننتبه عندما نحاول طرح موضوع قد يمس الدين
أو حتى موضوع فيه تلميح عن الدين ويكون هدفنا في النهاية من الموضوع أن نضحك به الناس ...

قد ترى أنت وغيرك أن هذا الموضوع لايوجد به مايمس الدين ولم يذكر صريحا .

فهذا صحيح ..

ولكن أسلوب طرح الموضوع تم أخذه من أسلوب الكتب الاسلامية ...
وهذه الكتب الاسلامية تتكلم عن الدين وأموره .

وأختم كلامي بقول
الرسول الله ‏ ‏صلى الله عليه وسلم ‏{ ‏إن الرجل ليتكلم بالكلمة من سخط الله لا ‏ ‏يرى بها بأسا ‏ ‏فيهوي بها في نار جهنم سبعين ‏ ‏‏(((‏ خريفا ))) }‏ ‏

سنن ابن ماجه

إن شاء الله أنك لست مما ذكر النبي عليه الصلاة والسلام


جزاك الله خيرا

جمجمة الهلال
اول شي احب اوضح لك ان الموضوع لم يتطرق الى الدين
وثانيا كلمة حلقات العلم تطلق على اي جماعه مجتمعه لكسب العلم سواء كان شرعي او طبيعي او عربي
وثالثا هذا انت قلتها بنفسك
ان كلمة الشيخ تعني بها المسن وليس اللزامي ومحدوده للملتزم

على العموم اخوي ما نبي ندخل في الموضوع اكثر من كذا
واذا تبيني احذفه ابشر باللي يحذفه لك
انت تامر امر
بس انت الله يهديك فهمت الموضوع كله غلط بغلط
ترا مهما كان
نحن مسلمين
ونفهم بالاسلام
وادرس في جامعه اسلاميه ايضا

يعني لم افكر بالقصد الذي فكرت به انت

على اي حال
ما صار الا كل خير
وحياك
واشكرك على غيرتك لدينك
وعلى غيرتك على اخوانك المسلمين
والله يجزاك الف خير

ياحبيبي ياخوي يابرفسور ...

أنا ردي الأول عليك بهذا الموضوع ماكان موجه لك

كان موجه لكاتب الموضوع الأصلي اللي مادري من هو ؟؟
اللي وصلك عن طريق الايميل وايضا انا وصلني نفس الايميل ..

انا صراحة مت من الضحك على النكت بس لقيت أن الأخ كاتب الموضوع اللي مهوب أنت لقيته تجاوز الحدود شوي ..

أنا متأكد أنه ماكان قصده الاستهزاء ولا قصدك أنت بعد فهذا شيء منتهين منه ..

بس هو اخطأ لانه استعان بهالاسلوب علشان يضحكنا ...بس هذا كل الموضوع ..

أنا مااتهمتك بشيء بس حبيت أوضح لك

والله يجزاك خير أخوي الغالي على تقبلك ..