#1  
قديم 31/10/2007, 02:43 AM
زعيــم مميــز
تاريخ التسجيل: 09/03/2007
المكان: جوكر....في كل مكان
مشاركات: 1,551
@@@آخ عليك يا جمهور الهلال @@@+ رساله الى حبيب القلوب " محمد بن فيصل"

السلام عليكم ورحمة الله وبركاته


الهلال الموسم الماضي وهذا الموسم يثبت اننا نسير على خطى النصر !!!!!!!!!!!!!
نعم الهلال يسير الى الهاويه !!!!!!!!!!!!!!
اتدرون لماذا ؟؟؟

ليس السبب الاداره !!!!
ولا اللاعبين !!!!!
ولا الجهاز الفني !!!!!!

فالاداره ::
لم تقصر وفعلت الي عليها ...............
وش تبون اكثر !!!!!
جابوا القناص في صفقه كبيره تحسب للاداره
وجابوا الغنام نجم المنتخب الاولمبي

يكفي انهم جابوا لاعب لا نستطيع الاستغناء عنه وهو تفاريس
ويكفي انهم جابوا كوماتشو وابدع وامتع مع الهلال
وجابوا اللاعب الي احبته الجماهير حب لا يوصف ولا استطيع تخيل الهلال بدونه ولا اتخيله يلعب لغير الهلال انه التائب

وحقق الهلال في عهدهم كم بطوله ؟؟؟
لا الفريق الاول ولا الشباب كلهم ابدعوا وحققوا البطولات...
ما فيه مشاكل من الاداره !!!


واللاعبين:
ايضا لم يقصروا تعبوا وحاولوا واجتهدوا لكن ما فيه توفيق ....
والدليل مباراة الوحده الامراتي
ولا مشاكل من اللاعبين ايضا !!!!

والجهاز الفني ::
مر على الهلال مدربين قبل ما يجون كانوا كبار ويم جو عندنا صاروا صغار (حسب تفكير الجمهور) مثل
بوسيرو (( مدرب لشبونه البرتغالي )) " الهلال متصدر كل البطولات قبل اقالته "
كوزمين (( مدرب ستيوبوخارست الروماني
"" الي شارك في دوري الابطال السنه الماضيه مع مجموعة ريال مدريد وليون وايضا فاز بالدوري السنه الماضيه واداريوا الفريق الروماني يبون المدرب الحين بأي وسيله !!!!!!!
وبعض الجماهير ما يعجبهم المدرب !!!!!!!!!!
شكلنا نطمح بمورينهو "" ))
يعني ما عندنا مشكله بالمدربين !!!!!!!!

اذا وين المشكله بالضبط؟؟؟؟

المشكله قسمين :::
اولا::
الجماهير !!!!!!!!!!!!!!
نعم الجماهير هي سبب ضياع البطولات
يعني الجزء الاول من الجمهور
يسب وينقد لاعب حد التجريح لانه ما جاب هدف او لانه ضيع بلنتي
او لانه اخطأ او لانه عرض الكوره خطأ او لانه مو لابس الفنيله زين !!!!!

او جزء من الجمهور
يطبطب على بعض اللاعبين واذا اصاب قالوا اللاعب فنان
واذا اخطأ قالوا بشر !!!!!!

لآني مع الجزء الاول ولا الثاني
لان الجزء الاول يسوي بلاوي وهو ما يحس
يعني افرض المدرب لعب اي لاعب ناشئ او جديد او لاعب في غير مركزه وما سوى شي يقومون بسب اللاعب وما يعطونه فرصه يعوض
واللاعب الجديد تلقاه يلعب ونص عقله مع المباراه ونصه الآخر مع ردود الجماهير عليه
ومثلا عند خالد عزيز اول ما لعب في الهلال قاموا العالم بسبه وشتمه ووصفه بأوصاف لا تليق بالبشر
والحين شوفوه احسن لاعب في الهلال والكل حط يده على قلبه لين جددوا العقد معه

والجزء الثاني
فيه لاعبين في الهلال لا يحتاج الجمهور الهلالي ولا جمهور الكره الى التنبيه بأن بعض اللاعبين لا يستحقون تمثيل شعار الهلال وبعضهم ما ندري كيف إشترتهم الاداره الهلاليه !!
ومع كذا تلقى ناس يطبطبون ويمدحون باللاعب بشكل مشبوه يخلونك تشك انهم هلاليين
ولا يهمهم المصلحه الهلاليه !!!!!
يعني لاعب كان فنان والحين كبير في السن ومع كذا يطالبون به ليش؟؟
علشان يرجع المستوى المتميز الي ظهر فيه من زمان !!!!
يعني يأكل زمانه وزمن غيره
الي ابدع مره زمان مو معناه راح يبدع مره آخرى !!!!!!
وحتى جمهور الانديه الآخرى يعلمون تمام العلم ان فيه لاعبين في الهلال حرام أصلا هم في الدوري السعودي فما بالك في الهلال؟؟؟!!!!

يا ايها الجمهور ما نبي الجزء الاول ولا الجزء الثاني
نبي جمهور واعي
ينتقد اللاعب اذا اخطـأ انتقاد عقلاني
واذا اصاب مدحه ....يا ناس الرسول صلى الله عليه وسلم قال :
" اذا اصاب المجتهد له اجران واذا اخطا فله اجر "
"في ما معنى الحديث"
ولا ننسى ان اللاعب يمر بحالات نفسيه واجتماعيه قد تعيقه عن اداء المطلوب منه بالشكل الكامل

ثانيا:
سددوا ديونكم والمستحقات الي عليكم
لازم الهلال في آخر المباريات عد التوفيق بشكل غريب يدل على ان الهلال عند مشكله
فعدم التوفيق يدل احيانا على ان الانسان يرتكب اخطاء لا يدري عنها
يعني اذا كان على الاداره دين او هناك من يطالبها بمال او فيه عاملين في النادي لم يستلموا رواتبهم او لاعبين لهم حقوق على النادي فيجب على الاداره ان تنهي الموضوع وترتاح .. ترى دعوة المظلوم مستجابه .. علشان يروح عننا بأذن الله سوء الحظ.....

اما بخصوص الانقاد الي قلته فوق عن الاداره ":
وهو يجب على الاداره انها تعرف اننا في زمن احتراف وان اللاعبين الي يجون الهلال زمان بمليون الحين يجون ب10 مليون
يعني الهلال باع الدوخي علشان مليونين
الحين كم انفق علشان يعوضه ؟؟؟!!!
الهلال اشترى ياسر ب 20 مليون
تخيلوا لو ما عندنا ياسر
اول شي يعذبنا مع الانديه الثانيه وثانيا كم نبي ننفق علشان نعوضه بمهاجم سعودي آخر
مع احترامي لجميع المهاجمين ما فيه زي ياسر الحين
يعني اذا تشوفون مثلا هوساوي غالي
هوساوي وعبدربه والعمري والمرشدي افضل المدافعين في السعوديه الآن
عندنا واحد
طيب والثاني ؟؟؟
نضيع عمرنا ونقول اللاعب غالي ؟؟؟؟
الغالي للغالي
والطريدي !!!
ليه ما تجيبونه وترتاحون من مشكله الظهير الايمن !!!!!!
كم يعني 10 مليون ؟؟؟
يستاهل والله
يعني تسوى كل يوم تجربون لاعب ؟؟
حتى نامي اللاعب الوسط حطيتوه ظهير !!!!
حتى الكلثم فيه من طالب انه يكون ظهير !!!!!!!!!
ريحونا وريحوا رأسكم من هالهم ............
ولا تقولون ما فيه فلوس !!!
ناوين على كالون ب 30 مليون وما معكم فلوس !!!!!

وارجو ان ما يرد على موضوعي الا الجمهور الواعي
اما الغير كذا فليوفر كلامه لنفسه
اضافة رد مع اقتباس
  #2  
قديم 31/10/2007, 02:55 AM
زعيــم نشيــط
تاريخ التسجيل: 16/08/2007
مشاركات: 546
الله ياربي يعطيك العافية
والله أنك صادق في كلامك
والأدارة والله ماقصرت
تصرف ملايين علشان
سعادت الجمهور ورضاه
وأن الهلال زعيم مهما كان
الزمن وصح لسانك يالغالي
وألف ألف ألف ألف ألف
شكرررررررررررررر
اضافة رد مع اقتباس
  #3  
قديم 31/10/2007, 02:58 AM
الصورة الرمزية الخاصة بـ ‏دوآکِ عندي
زعيــم مميــز
تاريخ التسجيل: 14/06/2007
المكان: بٌـ ¬› قٌلٌبً غُدىآ בـَبـﮧ جُنُوُني !
مشاركات: 5,008
اولا صباح الخير

اما عن كالون فلا يستحق حتى الـ 15 مليون

بصراحة

وان شاءالله

تاتي الادارة بأفضل منه
اضافة رد مع اقتباس
  #4  
قديم 31/10/2007, 02:58 AM
عضو استشاري سابق لمنتدى الجمهور الهلالي
رحمه الله وأسكنه فسيح جناته
تاريخ التسجيل: 20/02/2002
المكان: الخــelkhabarـــبر
مشاركات: 4,465
شكرا لك ...

بالتوفيق للزعيم ....
اضافة رد مع اقتباس
  #5  
قديم 31/10/2007, 04:45 AM
زعيــم متواصــل
تاريخ التسجيل: 01/01/2007
مشاركات: 186
الله يعطيك العافية على الموضوع الرائع
وأما بخصوص كالون مبالغ في قيمة عقده
ولا يستاهل 30 مليون
اضافة رد مع اقتباس
  #6  
قديم 31/10/2007, 04:46 AM
الصورة الرمزية الخاصة بـ زعـــــــ شمري يـــم
زعيــم فعــال
تاريخ التسجيل: 11/11/2006
المكان: حآئل
مشاركات: 324
يعطيك الف عافيه والله انك ما قلت الا الصدق
اضافة رد مع اقتباس
  #7  
قديم 31/10/2007, 04:48 AM
زعيــم نشيــط
تاريخ التسجيل: 10/10/2005
المكان: المنطقه الشرقيه
مشاركات: 922
يعطيك العافيه
اضافة رد مع اقتباس
  #8  
قديم 31/10/2007, 05:44 AM
زعيــم متألــق
تاريخ التسجيل: 30/03/2006
المكان: في أرض أبو متعب
مشاركات: 1,353
الله يعطيك العافيه

لكن ما نقول ألا الله الهادي إلى سواء السبيل

والله يوفق الزعيم يارب وما يحدث للزعيم هو سحابة صيف وستزول بإذن الله بتكاتفنا جميعا مع الإدارة واللاعبين وأعضاء الشرف فيجب أن نكون يدا واحده من أجل النادي لا من أجل فلان ولا علان

دمت بخير
اضافة رد مع اقتباس
  #9  
قديم 31/10/2007, 07:04 AM
زعيــم مميــز
تاريخ التسجيل: 08/08/2006
المكان: الرياض
مشاركات: 5,584
الله يعطيكم العا فيه با التوفيق للزعيم يارب
اضافة رد مع اقتباس
  #10  
قديم 31/10/2007, 07:05 AM
زعيــم متواصــل
تاريخ التسجيل: 23/12/2006
مشاركات: 187
يعطيك العافيه والله يوفق الزعيم
اضافة رد مع اقتباس
  #11  
قديم 31/10/2007, 11:58 AM
زعيــم مميــز
تاريخ التسجيل: 09/03/2007
المكان: جوكر....في كل مكان
مشاركات: 1,551
الشكر لكل من مر على الموضوع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:27 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube