لو ياسر يتكي في الاحتياط وش رايكم,,, - نادي الهلال السعودي - شبكة الزعيم

محمد1411 · #1 30/10/2007, 09:16 PM

بعد التحيه والاحترام

اقووول ليش ما نعطي محمد عنبريننهو والصويلح يمكن يسون شي جديد ويخلي ياسر ورقه رابحه الشوووط الثاني خاصه انه اتضحت اوراق الزعيم التايب وياسر والصويلح والشلهوب يسحب ياسر ويخليه ورقه رابحه امام النصر

خاصه ان ياسر اذا دخل الشوط الثاني تلاقونه متحمس اكثر ومع معدل الياقه يمكن يسجل هاتريك باذن الله..

ارجوا الرد بعقلانيه لان امور المدرب واوراقه واضحه وبعدين والله مو تقليل من حجم الكاسر الكاسر محله اوربا هذا لايخفى عن الجميع.

بيتر العتيبي · #2 30/10/2007, 09:18 PM

فكره حلوه اخوي

بس وجود ياسر القحطاني يربك الفريق الي يقابل الهلال

لك جزيل الشكر

دمـت بـود ،،،

محمد1411 · #3 30/10/2007, 09:22 PM

إقتباس

الرسالة الأصلية كتبت بواسطة بيتر العتيبي


	فكره حلوه اخوي بس وجود ياسر القحطاني يربك الفريق الي يقابل الهلال لك جزيل الشكر دمـت بـود ،،،

والله انك صادق وكلامك سليم وفي محله بس بقولك شي...

مباراه الديربي الشوط الاول في كثير من المباريات ينتهي بالتعادل السلبي
وعشان نستفيد من لياقه ياسر يدخل الشوط الثاني ويكون الدفاع النصراوي فاقد اقل شي 40%من اللياقه
وبكذا يعرف ياسر يتلاعب بهم زين ويسجل باذن الواحد الاحد هاتريك.

بيتر العتيبي · #4 30/10/2007, 09:26 PM

صدقت اخوي

وبالنسبه لي انا اشوف الهلال الشوط الثاني بالذات يتحسن مسواه

بس برضه ياسر له طعم خاص

وكلامك في محله بالنسبه لياقه النصراوين بتكون خفت شوي

بس الصويلح يكفي

وانت لو تلاحظ ياغالي

اذا تواجد الصويلح اشوف ياسر القحطاني يلعب على الواقف

لك جزيل الشكر

القناص ابراهيم20 · #5 30/10/2007, 09:28 PM

اي والله صدقت المفروظ ياسر في الأحتياط

و الصويلح اساسي

مشكوووور خيو ع الموضووع

الفارس الأزرق 2006 · #6 30/10/2007, 09:30 PM

لا ياحبيبي ياسر دائمن يكون في قمه عطائه امام النصر نحتاجه في كل ثانيه في المباراه

وان شالله بس المدرب يلعب بالقحطاني والصويلح من بداية المباراه

على العموم عشان اريحك العنبر غير جاهز ميه في الميه لا يستطيع ان يلعب اكثر من نص ساعه

اما ليش لعب في مباراة الحزم هو لاعب اقل من خمس دقائق والمدرب لم يستدعيه الى للحاجه

لن الاحتياط الخراشي غير موجود في المعسكر لنه مسترخص من المدرب وسلطان السعود مصاب

عشان كيذا كان المدرب مجبور على العنبر

وشكرا

T U R K I _ 15 · #7 30/10/2007, 09:33 PM

انا ضد كلامك ..

العنبر توه راجع من الاصابه وصعبه يلعب من بداية المباراه وأي لاعب يرجع من اصابه مسحيل يلعب المباراهمن بدايتها ..

يدخل المباريات تدريجيا مثلا لعب مع الحزم 5 دقائق تقريبا .. المباراه اللي بعدها يلعب أخر ربع ساعه واللي بعدها

نصف ساعه الين يرجع لمستواه المعهود ..

هذي نقطه ..

النقطه الثاني المعروف اللاعب اللي تعتمد عليه يكون اساسي مهب ورقه رابحه ..!!!

لنفترض انتهى الشوط الاول للنصر بدون ياسر ودخل ياسر من الشوط الثاني ... النصر أكيد بيدافع أقل شي 5مدافعين

والضحيه ياسر .!! . لعبه من الشوط الاول مادام اللعب تقريبا مفتووووح ..

الهلال عندها ورقه رابحه ...

فهد مبارك , الفريدي , التمياط , الشلهوب ., العنبر . ..الخ

تقبل مروري

هلااالي ومحبوب · #8 30/10/2007, 09:34 PM

الحين من هدف للعنبر على طووول اساسي شوفو لعبه اول مايعرف الا بالراس وان ضبطت بعد ويالغالي لو اي فريق حسم الشوط الاول وش يضمنك انك بتقلبها عليه الشوط الثاني اذا دافع مو كل مرة تسلم الجره
يااااااسر مكانه اساسي وماشاء الله عليه مو مقصر بدفاع الانديه ابد لاهو ولا الصويلح ونحسمها من الشوط الاول احسن وياسر مع الصويلح حلوين مع بعض وشوله هالحوسه والتغير
ياحبكم لتغير على العموم الهجوم عال العال مافيه شي علشان نغيره
ولو شفنا ياسر ماسوى اللي عليه كان نقول يمكن لكن صدق انكم غريبين

المحبوب2005 · #9 30/10/2007, 09:34 PM

انت صاحي القحطاني احتياط
والله نكته حلوه

محمد1411 · #10 30/10/2007, 09:36 PM

إقتباس

الرسالة الأصلية كتبت بواسطة بيتر العتيبي


	صدقت اخوي وبالنسبه لي انا اشوف الهلال الشوط الثاني بالذات يتحسن مسواه بس برضه ياسر له طعم خاص وكلامك في محله بالنسبه لياقه النصراوين بتكون خفت شوي بس الصويلح يكفي وانت لو تلاحظ ياغالي اذا تواجد الصويلح اشوف ياسر القحطاني يلعب على الواقف لك جزيل الشكر

هذي المشكله ان ياسر واقف ريح الدفاع النصراوي من الربكه يعني يقدرون يدخلون الشوط الثاني وهم مطمئنين بس لو دخل الشوط الثاني بيرتبك الدفاع اكثر وبتسير حوسه في منطقة النصر

شاكر لك مرورك.

abo.a7mad · #11 30/10/2007, 09:37 PM

الله يختااار ما فيه الخير ... وبالتوفيييييييييييييييق للزعيم .

الهــ يوسف ـــلالي · #12 30/10/2007, 09:38 PM

يا زينك ساكت لو تكي بالفراش انت اللحين يكون أحسن

ss_ss · #13 30/10/2007, 09:40 PM

حلوووووه ------------------>>> محمد عنبريننهو

محمد1411 · #14 30/10/2007, 09:42 PM

طيب مو مشكله ندور غير العنبر اللي ابي اوصل له ان اوراق المدرب واضحه جدا
المهم ان الشوط الثاني اكثر شي يكون في النديه لان الشوط الاول تروح نص ساعه على كل فريق عشان ينضبط داخل الملع خاصه ياناااااااس انها مباراة ديربي. ارجوا انكم فهمتوا القصد الاوراق واضحه جدا وخاصه امام منافس مثل النصر يلعب على المرتده امام الهلال

هلااالي ومحبوب · #15 30/10/2007, 09:46 PM

إقتباس

الرسالة الأصلية كتبت بواسطة محمد1411


	هذي المشكله ان ياسر واقف ريح الدفاع النصراوي من الربكه يعني يقدرون يدخلون الشوط الثاني وهم مطمئنين بس لو دخل الشوط الثاني بيرتبك الدفاع اكثر وبتسير حوسه في منطقة النصر شاكر لك مرورك.

وليه مايربكهم الشوط الاول والثاني
ولاالاول ضامنه انت مافيه اهداااف
بصراحه تفكيرك غريب