نادي الهلال السعودي - شبكة الزعيم - الموقع الرسمي - $$ (( النية مطيّة )) .. قصة هذا المثل .. $$

- منتدى المجلس العام (http://vb.alhilal.com/f1/)

$$ (( النية مطيّة )) .. قصة هذا المثل .. $$

السلام عليكم ورحمة الله وبركاته

إخواني .......... أعزائي

أسعد الله أوقاتكم بالخير والمسرات .. نأسف على التأخر واللخبطة التي حصلت بالأمثال وذلك لوجود دورة الخليج .. ولكن نعاود لكم هذه المرة وإن شاء الله يكون المسلسل أسبوعيا..

المثل الذي سنتناول قصته لهذا اليوم هو .. (( النية مطيــّة ))

معاني الكلمات ..

النية .. الكل يعرفها ومحلها القلب .. ولا أحد يعلم عنها إلا صاحبها ..

مطيـّــة المطية هي الناقة المخصصة للركوب يعني ونيت الأولين ..:D

** قصة هذا المثل ..

كان هناك رجل غني .. وكان له صديق فقير وكان هذا الغني يذهب إلى إحدى البلاد ( ماهيب الجريدة:D ) المجاورة ليحضر البضاعة على عدد من الإبل ..

فقال لصديقه : لماذا لا تذهب معي وتعمل بالتجارة ؟؟
وقال له بعد : خذ عدد من المال .. يعني أعين وأعاون ومستعد باللي تبي..:)
قال لافقير : لالالا من ناحية الفلوس الحمد لله معي اللي يكفيني ..:)
بس المشكلة في الإبل ما معيش ..!!!:(
قال له التاجر : بس .. ولا يصير خاطرك إلا طيب .. أشيل لك البضاعة على ناقتي الـ(85) ==> هذي من عندي :D
ايه قاله خلاص اشيل لك البضاعة على الناقة هالمرة والمرة الجاية واللي بعدها بعد ..:) لما تكوّّن نفسك ..:)
قال الفقير : اوتسي ==> يعني ok :)

وفعلا سافر الرجلان حتى وصلا وادي .. فقررا أن يجلسا للإستراحة والغداء ..

وجلسا تحت شجرة وكل واحد وضع المال الخاص به في " كيسة " صغيرة وهي تقوم مقام المحفظة ..وكل واحد علق كيسه في غصن من أغصان الشجرة..:)

ذهب التاجر يتمشى في أسفل الوادي (( يشم هواء )) .. وقام الفقير بعمل القهوة الطعام ( شقردي ما شاء الله عليه ) :)

المهم .. وبينماهو يطبخ وينفخ فإذا بطير كبير يطب على كيس التاجر ويأخذها ..:( وطبعا على مرأى من الفقير ..!!!

بعد تفكير لم يطل .. قام الفقير وأخذ كيسه ووضعها مكان كيس التاجر ..:confused: وكمل شغله وجهز القهوة والغداء ..:)

بعد ما جلسا وشربا القهوة وأكلا الغداء .. قال الفقير للتاجر : يافلان انا قررت الرجوع لأولادي من هالمكان .. يعني مانيب مكمل معك ..!!!!
حاول معه التاجر .. وحاول .. ولكن الرجال معزم ومافيه أمل يغير رأيه ..!!! ولم يبين للتاجر وش السبب ..!!:(

الشكوى لله .. هذا اللي قاله التاجربعد ما عجز عن إقناع خويه وكمل طريقة والفقير رجع لأهله ..:(

بعد مشوار يوم كامل .. يعني في وقت الظهر من اليوم التالي .. وقف التاجر عند شجرة يريد أن (( يزبط )) الغداء ..:)

رفع رأسه فإذا بعشّ طير فيه كيسة حمراء ..!!! تسلق إليها وأحضرها ..
تبين له أنه الكيس الخاص به ..؟؟ وبعدها عرف سبب ذهاب صديقه:cool:
فالطير أخذها يحسبها قطعة لحم ( طير ماعندك أحد ) :D ..

الرجال تغدى .. وكمل طريقة ووصل للديرة واشترى منها بضاعة له ولصديقه :):)

وبعد ما رجع لديرته استدعى صديقه وسلمه البضاعة ..!!!
قال له : انا ما اعطيتك فلوسها ..!!!
فأخبره التاجر بأنه عرف السبب وقال له القصة كاملة ..:)

فقال الفقير : نعم .. خفت اقول لك أخذها طير ولا تصدقني ..:(:(
وجتني فكرة التبديل ..:)

فقال التاجر : وعشان كذا نيتك أوصلتك إلى الخير ..:) فالـ (( النية مطية ))..!!

وبعدها أصبحت مثلا يضرب ..

وطبعا يضرب للخير وللشر .. يعني اللي ينوي نية شينة ويصير له شيء شين يقولون له بعد (( النية مطية )) ..!!

وكذلك اللي ينوي نية زينة ..:) مثل هالقصة ..

وهذي هي قصة مثل هذا اليوم أرجو أن ينال إعجابكم ..

واعذرونا على التأخير .. والقصور ..

وللجميع تحياتي ،،،

أخوكم / البــــارق;)

مشكور اخوي البارق

الظاهر ان الطير عنده ضعف
نظر بغى يورط الفقير الله لا يبارك فيه من طير

يعطيك الف عافيه اخوي

وتسلم يالغالي

اخوك / عارف

يعطيك العافية مشرفنا البارق على الموضوع ..

الحمدلله هالقصة هالمرة نهايتها سعيدة مش مثل اللي قبل حق (اللي مايعرف الصقر شويه ) واللي نهايته تقهر وتضيق الصدر :(

وبالنسبة للمثل أول مرة اسمع به , وان شاءالله بدلّي اقوله كلما جت مناسبه ( يعنني عندي علم :D )

وألف شكر لك على المثل الرايق والقصة الحلوة , وبانتظار المثل القادم .. ويسلموا :)

السلام عليكم..
هلا أخوي البارق :)..
وهذا مثل ثاني بعد اول مرة اسمع فيه :)..مشكور اخوي على المعلومات اللي قاعدين نستفيدها منك :)..
أخوي..عندي سؤال يتعلق بأحد الأمثال(طالع مدرس عربي :p )..
في مثل يقول ( أسمع جعجعة ولا أرى....)..هي طحنا والا طحينا :D:D..
انا متأكد انها طحنا بس خويي الله يهديه يقول لأ طحينا..أنا قلت ما الك الا البارق :p :p ..

أتمنى اني القى الجواب عندك :):)..ومشكور مرة ثانية:)..

مشكور اخوي البارق

كل واحد الله يعطيه على قد نيته

والمثل قصته حلوه

نحتري اللي بعده ونبي شئ طريف

<----- طرار ويتشرط لا وبعد بالبلاك لست :) :)

تشكراتي لك اخوي البارق

إقتباس:

إلى إحدى البلاد ( ماهيب الجريدة )

ما تنلام من كثر الكاركاتيرات من يتاج والنتائع واخواتها :D :D

<---- والله ياهو نشبه :mad: :mad:

$$ الغالي جدا : عارف الهلالي ...............:)
هلا بك اخوي .. والطير قلت انا قبل إنه ( ما عندك أحد )..!!
الله يعافيك ويخليك يا غالي .. وشكرا لك ..:)

$$ الغالية : عنود الصيد..........:)
الحمد لله وهذي فايدة ثانية بعد ..!!!
ألف شكر لك على الرد .. وانتظروا المثل القادم إن شاء الله ..:)

$$ الغالي : إتش كريزي ............:)
هلا وغلا بك اخوي ..:)
الحمد لله إن فيه ناس يستفيدون مني ..:)
وبالنسبة لخويك هذا ما عنده أي سالفة ..!!
يعني الحق معك .. المثل هو ( أسمع جعجعة ولا أرى طحنا ) :)
عسى فيها عشاء بس ..:)
لا تنسانا..:cool:
شكرا لك يا غالي ..:)

$$ الغالي : صدأ الأمس ...:D==> هماني راعي أخطاء..:rolleyes:
ألف شكر لك على تعليقك .. وتسلم لي اخوي الغالي ..:)
يا حليلك أجل تبي قصة طريفة .. أنت تامر أمر ..:rolleyes: :rolleyes:
تحياتي لك ..

وتحياتي للجميع ،،،

أخوكم / البــارق;)

اهلين
معليش جيت مصيف ياحبيبي يابروقي

انا أكتب لك هالرد ورقمه 501

توي اصير عضو نشيط جاني نشاط مادري من وين ؟؟:D

تسلم يالغالي على هالامثال الحلووووووة البراقة كبريق برقك في ليلة مبرقة ايها البارق المستبرق البراق .....أكمل والا خلاص ماقلت لك صرت نشيط :D :D

تصدق هالمثل يوسع الصدر . تدري ليه ؟

لانه صورة حقيقية لاخلاص آبائنا واجدادنا لاصدقائهم مهوب مثل الحين

نادر تلقى الاخلاص من صديق الا إذا كان وراك مصلحة له ..

ما اقول الا يازين حياة الاولين ؟؟

ياليتني من الاولين..:(
كان الحين تقص لهم قصة احد الامثال وتلقاني بالقصة مذكور .

ويصير المثل { إذا صار صاحبك جمجمة لاتلحسه كله }:D :D

شكرا على القصص الأمثولية الرائعة :)

بإنتظار قصة المثل القادم

السلام عليكم... .

أقــول ياليت تجيب لنا المثل اللي يقول ( هذا بلاء أبوك ياعقاب ) .. .

هذا اللي يستاهل تذكره:D :D :D :D .. .

تشكرات.. .

مشكور بالخط العريض يا بارق الكركتيرات والأبداعات المتسلسله
تحياتكوم من الى

الزعيم العياضي

هلا اخوي البارق

والله يعطيك الف عافيه

والقصه تبين صفاء النيه

ومشكورررررررر

سلسلة رائعة جدا أخوي البارق .....

ممكن بالله تجيب قصة المثل اللي يقول (( يذاكر وبضه يخطي والنتيعة مايتاج ))) :D :D :D :D

بالنسبة لطلب أخوي نايف فأنصحك يابروقي إنك ماتنفذه لأن فيه مراهقين في المنتدى ومراهقات وماأدري ليش مالقى أخوي نايف إلا هالمثل ؟!!!

انتبه لايوهقونك الزقرت :D

أهلا بالجميع ....

$$ الغالي : جمجمة الهلال .................:)
ما شاء الله عليك وش هالنشاط .. طيب شل هالدولاب من المجلس ووده لمنتدى الجمهور محتاجينه ..:D:D:D
ألف شكر لك اخوي .. وليه مانتب من الأولين أنت ..!!!
أجل لا صار صاحبك جمجمة لا تلحسه كله ..:eek: وش جاب لجاب ..:cool: :cool:
تحياتي لك والله يزيدك نشاط وحيوية ..:)

$$ الغالي : نايف ...............:)
للمرة الثالثة أقول لك وما رديت علي ..:(
قايل لك فيه ناس محتاجين أستراليا ضروري ..:eek: :eek:
لا تبطي علينا تكفى..;)
وبالنسبة للمثل اللي تقول .. لا يهمك اللي يقول لك ما يصلح .. إن شاء الله جاي وعن قريب بعد ..!!:cool:
تشكرات واجدات..:)

$$ الغالي : الزعيم العياضي ............:)
شكرا لك انت على ردك الجميل والله يخليك ..:)
تحياتي لك ..

$$ الغالي : سعود ( راعي المعارض )..........:)
العفووووووو اخوي .. والله يعافيك ويخليك ..:)
شكرا لك على ردك الجميل .. والله يخليك ..:)
تحياتي لك ..

$$ الغالي : غريب البين ............:)
والله هالمثل ما لقيت له وجود .. وما بقى إلا كتاب واحد بسوي له بحث فيه وأشوف ..:)
مع إن الكتاب يتحدث عن بعض الطيور اللي لونها أسود ..:rolleyes:
ما أدري وش جاب له الأمثال ..:rolleyes:
أما قولتك عن ذاك المثل .. أقول أحسن تعال اكتب عني بعد ..!!!:mad:
ألف شكر لك .. والله واخذت رجلك على العام ..:cool: :cool:

$$ الغالي : أسير .........:)
العفو اخوي .. والله يخليك
لك تحياتي

وللجميع فائق تحياتي ،،،

أخوكم / البارق;)

الـking البارق2000 ( يتمصلح:D )

يعطيك ألــــــ1000ـف عافيه
( أتمصلح مره ثانيه:D :D )
تراي من أشد المعجبين بطرحك للامثال ( هالمره بدون مصلحه )

إقتباس:

بعد تفكير لم يطل .. قام الفقير وأخذ كيسه ووضعها مكان كيس التاجر .. وكمل شغله وجهز القهوة والغداء ..

والله يا هو حبيب هالفقير !! الصراحه ما فيه أمل أسويه :o ,, ياحبيبي الدعوى دراهم مهوب كيس فصفص:D

إقتباس:

فقال الفقير : نعم .. خفت اقول لك أخذها طير ولا تصدقني ..

الصراحه أنه سطل حبابه , أجل يقول خفت ماتصدق:p

المشكله اللي دايم نيته زينه ودايم رايحن فيها ومجحود:( , أنا أشهد انه بيكره هالمثل..

مشكور حبيبي والله يجعل نيتي معك مطيتي...;)

الأخ العزيز الغالي : الهاوي11 ...........:)
تسلم لي يا برينس:)
والله إني يوم اكتب حاطك في بالي .. يعني بقول هالشخص دايم يسأل عن الأمثال ..:)
ووش يفكنا منه لا تأخرنا..:D:D
على العموم ألف شكر لك على المجاملة اللطيفة ..:)
أما بالنسبة للفقير فاللي سواه هو اللي جاب له الفرج ..:)
وصارت نيته مطيته للخير :) يعني (( على نياتكم ترزقون )) :)
وقولتك نيتي مطيتي معك .. أقول لك آآآآآمين الله يسمع منك .. بس نية مثل نية هالفقير ..:)

آسف جدا على التأخير على الرد .. بس سامحنا ..:)

أخوك / البارق :)