السلام عليكم ورحمة الله وبركاته
صـبـاح / مسـاء .. الزعامـــه
اخوني واخواتي الزعماء ..
جميعنا يترقب قرارات الادارة بخصوص التعاقدات >> اول وحده
وجميعنا يتابع مستوى الفريق حالياَ وينتقــد ..
وانا اكتب هالموضوع بخصوص المباراة القادمة مع فريق النصر ولاحظت بعض الاخوان
مايثق بقدرات لاعبي الهلال لتجاوز هذا النصر !!
صحيح مستوى الهلال غير مستقر الآن ولكنـ .....
مايعني اننا نتجاهل فعالية ..
القحطاني - التايب - الشلهوب - تفاريس - الغامدي - الدعيع - الغنام - الصويلح ومسفر ان شاء الله اهم شي يكونون حاضرين في المباراه والله يوفقهم
لو النصر عندهم 3 بس من هؤلاء اللاعبين وقتها شككوا في قدرات الهلال
اللي اطلبه من بعض الجماهير المشككه :
الوثوق بلاعبين الهلال ودعمهم نفسياَ والوقوف معهم
صدقوني اي مندس يلاحظ العكس بيفرح وينتعش نفسياً
وبيروح الملعب يجري عشان يدعم فريقه
لكن بإذن الله الزعماء لهم الكلمه العليــا
وجمهور الهلال .. يدرون منهو جمهور الهـلال
ياليت نشوف مسفر القحطاني يمسك الظهير الايمن
وسؤال عالطاير لمدربنا كوزمين .. احد عنده فهد المبارك ويحطه احتياط !! ؟
بالمناسبه لايخفى عليكم ان جماهيرهم تقرأ مواضيعكم الآن
والدليل اكتشاف مجموعة مندسين بهالوقت ( ياقل الحيله )
يدورون على جرعات تنعشهم وان لقوا اي عضو يقلل من امكانيات لاعبي الهلال
ماعندهم غير نسخ ولصق عشان يفرحون انفسهم
ملاحظه
ادارة النصر تحاول ايهام جمهور الهلال بأن 30 % من المدرجات للهلاليين ( يحليلهم خايفين )
عشان يتردد البعض في الحضور ويأخذ الجمهور الاصفر نسبه اكثر
لكن ماعليكم ياموج البحر من هالبيانات البلوتوثيه
الحضور غير محدد بأي نسبه واذا كان سيحدد اتوقع 50 % لكل فريق لايفوتكم الهز في مدرجات النصراويين من الخوف
دمتم بود
.
الوضع الشجري
