|
وظايف نسائيه بمركز هوازن لاتفوتكم هلا والله تبون وظايف ها ادري انكم مستعجلين طييب اول شي بقولكم مزايها وبعدين بقولكم وين موقعهم اول شي الوظيف تجي بعد ربع ساعه من طلبها:eek: ثاني شي في نفس الحي:stoned: ثالث شي الراتب من 4400:eek:وما فوق هذي المزايا اما عن المكان فهو مركز هوازن للتوظيف النسوي من الشهاده الابتدائيه للجامعيه وهذي ميزه نسيت لاأقولها المهم القصه ومافيها وحده من معارفنا راحت للسوق وهي في محل راعي المحل عطاها كرت لهذي الوظيفه فهي طبعا طارت من الفرحه وجابت الرقم ودقت وكلمها واحد من اللي يشتغلون بالمركز وقال لها ارسلي رساله فيها اسمك وعنوانك ورقم الهويه وعاد هي مسكينه رزت كل شي لهم بالرساله ومن يوم ثاني الظهر دق عليها وقال هلا رقم الوظيفه هذا دقي عليه ويوم قالت له طيب انتوا ايش تستفيدون عصب عليها وقال انتي بس دقي ومالك شغل وراحت ودقت على رقم الوظيفه وردعليها واحد وقالها بعد ربع ساعه الوظيفه عندك فهي شكت بالوضع وراحت قالت لزوجها يدق عليه لمادق عليه سمع صوته حط السماعه بوجهه :eek:وصار يعطيه مشغول :sick: ورجعت لنفس المحل اللي عطاها الكرت قالها هذي الكروت جت الهيئه وأخذت كل الكروت اللي كانت هنا :sick: يعني وظايف وهميه :cry: اصلا انا من البدايه لو عرفت بالموضوع كان عرفت انه كذب بكذب اجل وظايف وبراتب 4400 وهنا وبكل بساطه وبمدة ربع ساعه هاايش رايكم بالمقلب:laugh: ادري انها ثقالة دم بس حبيت اسوي فيكم مقلب:rolleyes: تحياتي روعه الهلاليه |
طيب و اللي ما عنده حرمه يعني زوجه ولا أخت وش يسوي ؟؟؟؟ الله يجزاك والله تحبين الخير تقبلي مروري |
راكان والله انك فله قريت الموضوع والا ههههههههههه مشكور على مرورك نورت االصفحه |
اشوف قلبتوها شات وبالنسبه للموضوع تراي اول من قراه بس فضلت ما ارد على شان ما اخربها ههههههههههه |
ههههههههههههههههههههه ابي حد يتوسط لي يا ask عشان احذفه |
أنا مستغرب من ردودكم بصراحة وقالبينها ضحك وفله بالنسبة لي...أشوف انها مشكلة اذا كانت بالفعل الحادثة صحيحة . ولنذهب للموضوع من زاوية أخرى لو أن مثل هذه الحادثة حصلت لأحد عائلتك سواء اختك او زوجتك أو امك فما ردت فعلك؟؟ وهنا مسؤلية صاحب المحل بتوزيع الكروت قبل التاكــد صحتها من عدمها!! تقبلوا مروري المتواضع |
ِِِSKY اسفه من كثر معرفتي بهاللغه قمت الخبط في الاسامي شبكه مشكور على المرور وابداءالرأي تحياتي |
اختي روعه الهلالية بالعكس تطرقتي لموضوع حساس وموجود لدينا :yes: , وإن تعددت طرق إعلان هذه الوظائف النسائية والوهمية ولكن الهدف واحد وهو إستغلال حاجة بعض النساء للوظائف , وبالتالي وقوعهن في شباك تلك العصابة من الذئاب البشرية .:( هنالك قصة شبيهة لقصتك , وهي أن احدى الصديقات وصل لها رقم من أخرى عن شخص يوفر الوظائف النسائية , واتصلت لترى ما قصة تلك الوظائف فرد عليها شاب وسألها من أي منطقة وذكر لها بأنه ليس من نفس المنطقة وقال لها بأنه سيتصل بها في القريب العاجل , وبعد أن اتصل لها استفسر منها عن تخصصها وماذا ترغب وقال لها بأنه يستطيع أن يوفر لها الوظيفة التي ترغب بها !! , فسألته عن الطريقة لأن والدها يسأل عنها رغم أنها لم تخبر والدها بعد بالأمر ولكن شعرت بأن في الموضوع شيء ما , فتفاجأ وقال لها لما استعجلتي وأخبرتي والدك !! , كان لا بد لك من التريث قليلاً , فقالت له ولكن كيف سأسلم لك أوراقي إلا عن طريق والدي , فقال لها : لا داعي لوجود والدك أو اخيك أنا استلمها منك حينما نتقابل في مكان عام , ونتبادل بعضاً من الأحاديث , فقالت له: هل تقصد أن هذا هو المقابل للحصول على الوظيفة!! ,, فحاول أن يلف ويدور , ثم ذكر بأنه لا يتعامل مع الذكور فقط الإناث وإن رغبت في الوظيفة فمن الأولى أن لا يعرف والدها !!! , وسألها عن صديقاتها إن كان لها صديقات ويرغبن في الوظيفة بأن ترسل رقمه لهن ؟! , المهم أن صديقتي قالت له لا أريد الوظيفة إن كان هذا هو أسلوب الحصول عليها , ولست من ذاك النوع من الفتيات اللاتي يتنازلن من أجل فتات الدنيا . وبعد أن سألت تلك الفتاة عن كيفية حصولها على الرقم , ذكرت بأن الرقم موجود على جدران غرف القياس في مركز تجاري كبير ومشهور في الرياض .:sick: بصراحة الأمر محزن جداً أن يصل شبابنا لهذه الحالة ؟!! لم يعد يكتفوا بالترقيم في الأماكن العامة أو عن طريق برامج المحادثة , بل وصل بهم الأمر للتخطيط والإبتكار من أجل الترقيم وإقامة العلاقات !! , بل حتى استغلال حاجات النساء , وأكثر ما يخيفني أن تقع مثل تلك الأرقام في أيدي بعضاً من النساء ذوات الفقر المدقع والنفس الضعيفة مع قلة الوازع الديني , فيسرنا منقادات لذلك الطريق الموحش والمظلم . :cry: اختي روعه الهلالية , شكراً لك لتسليط الضوء على هذه المشكلة التي بدأت في الظهور :) , وننتظر ا لمزيد والأروع منك , |
والله صرااحه انتي لخبطتي في ام القصه :d ودي افهم وش سالفت الربع سااعه ولدرجه هذي فيه نااس اغبياء يصدقوون الاشياء هذي يعني واضح انها خراابيط وتذكرني بحركات منصور البلووي :d في سبع مية كل يوم جايتني رساله فزت بسياره بي ام اتصل لكي تكسب الجائزه :d ومره صارت غبي واتصلت وقالو لي لكي تكسب حل 11 سؤال :thumbup: ويوم وصلت السؤال 6 الى اسمع تين تين تين الرصيد خلص :d توني شااحنها الله اياام السوا ومن بعدها وانا مافيه امل ادق على اي مساابقه :d واااااااااااااااااااو يااااااااااااااااااي جمييييييييييييييييل رووووووووووعه فللللللللللللللللللله منتاااااااااااااااز توقيعك بيااخذ العقل :thumbup::thumbup: http://www.up4uae.com/upfiles/5xy97326.gif . . . |
مشكورين على المرور والرد تقبلوا تحياتي |
| الوقت المعتمد في المنتدى بتوقيت جرينتش +3.
الوقت الان » 09:04 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd