|
النتائج الحاليه امام القادسيه الضعيف والحزم المتهالك ..لكن راح اقول الحقيقه بسم الله الرحمن الرحيم راح ابدا بالموضوع على طول الهلال مريض ويجب ان يعالج فلا تضحكوا علينا فنحن نفهم جيدا: عندما جاء الاداره الهلاليه استبشرنا خيرا وفعلا حصدنا كل البطولات المحليه فقط والخارجيه اغسل ايدك موسم بعد موسم والهلال يتراجع بالذات خارجياً مشكلة الظهير الايمن تتحملها الاداره ميه بالميه ليه ماجددوا للدوخي وهو افضل ظهير ايمن في اسيا رحنا نسب الدوخي والذي يجب ان يحاسب الاداره على التفريط في الدوخي اسالكم بالله ماهم تقصير والحين حلوها جيبوا ظهير ايمن زي الدوخي مره الفاشل العنقري او الياس المجتهد او العبد السلام او او او او بكره اشوف الدعيع ظهير ايمن كل شي يصير ودوري ابطال اسيا الاداره كانت تعلم بان الهلال تاهل للدور الثمانيه وليه ماجابوا لاعب كبير اللي جابوه محترف والله مادري وش اقول عنه وانتم عارفين اللي فيها وش رد الاداره الهلاليه بلسان الامير محمد بن فيصل اولا قال وصول الهلال لدور الثمانيه انجاز الله اكبر الهلال زعيم اسيا انجازه بان يصل دور الثمانيه والله مهزله عقب ماكنا نكسر اسيا بالطول والعرض الحين انجازنا دور الثمانيه ثانيا عندما سالوا الامير محمد بن فيصل في الرياضيه السعوديه عن اللاعب برونو قال صفقه تجاريه ..... صفقه تجاريه وانت عندك دوري ابطال اسيا اسالكم بالله ماهو قصور وغيرها كثير والعام خسرنا الدوري والسبب ماهو باكيتا السبب اللي جابه المدرب بسيرو كان ماشي مع الهلال من ابدع مايكون وابعدوه تدرون ليه لانه حقق المركز الاول في (الدوري الدور الاول) والمركز الاول في كاس فيصل وللاسف خسرنا البطولتين اسالكم بالله ماهو قصور والاجانب ما اسثني غير تفاريس والتايب والا كماتشو فرطتوا فيه مثل غيره قسم بالله العلي العظيم اني منقهر ولاتغركم النتائج الحاليه اما القادسيه الضعيف اوالحزم وانتم شفتوا المباراة مع الحزم لو الله ثم المفرج وتفاريس لا كان صار شي ثاني وعلى طاري المفرج اقدم اعتذاري الشديد له لاني انتقدته كثير وشفتوا مباراة الاتفاق في كاس الخليج لولا الله ثم الدعيع لا كانت نتيجه كبيره علينا انا قد اكون ماعرفت اعبر لكن اللي في قلبي قلته وياكثر الجماهير الهلاليه اللي توافقني الراي لاننا دائما نناقش او ضاع الزعيم اللي اقدر اقوله بس اني ادعو الله ان يوفق الهلال في جميع البطولات وانا ادري فيه ناس ماراح يعجبهم كلامي لكن اللي قلته ماهي وجهة نظري بل حقائق وكل مشجع هلالي صادق في حبه للزعيم ماهو للاشخاص يعرف ان كلامي صحيح ............................................................ هذا مايعني انه مافي ايجابيات للاداره الهلاليه مثل الثلاثيه التاريخيه بطولة الدوري وكاس ولي العهد وكاس فيصل مثل صفقة ياسر القحطاني و تفاريس والتائب والغنام وايضا صفقة موبايلي وتقبلوا تحياتي |
كلام رائع من محب غيور شكرا لك ! |
الله يستر من الجاي |
وش في يدينا ؟؟؟ لسنا اعضاء شرف القلوب تحترق اااااااااااااااااااااااااااه على حال الهلال |
كلام في الصميم مشكور اخوي على حبك للزعيم وان شاء الله يعود الزعيم الى مستواه المعهود ويبدع ويمتع بالتوفيق للزعيم |
والله انكـ.....صادقـ... بس يالله وش نسوي :( |
حبيبي تمنيت لو انك اخرت هذا الكلام الى مابعد المباراة الجايه وسيكون هناك ايقاف للدوري ونناقش كل ما تريد اما الان اسمحي عزيزي ليس وقته ها الكلام بموضوعك هذا تخدم الفرق الثانيه بدون قصد اتمنى تعي ما اقول حذفه لمصلحتنا امامنا دربي تقبل مروري |
من جد وضعت يدك على الجرح والله يستر من اللي جااي |
الله يكون بعونك لاحياه لمن تنادي سوف يحذف موضوعك السبب انتقاد هادف اجعل موضوعك مدح يثبت لك مني الف شكر |
ربك كريم |
إقتباس:
|
إقتباس:
|
وربي جيبتها ع الجرح انا من زمان قلت ان اسيا بعيدة عننا الرئيس يصيف 3 شهور النادي طز مو مشكلة والاجنبي بعد المعسكر مو مشكلة وربي حالة الله يعين ويوفق الزعيم |
تبووووووووووووووووون الصرااحه والله سبب خروجنا من الاسيويه محمد بن فيصل ..!! |
والللللللله جبتها على الجرح ما انقهرت كثر ما انقهرت على اقالة بوسيرو مع احترامي للاداره عندها نظره مستقلبيه خاطئه ١٠٠٪ |
| الوقت المعتمد في المنتدى بتوقيت جرينتش +3.
الوقت الان » 07:20 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd