نقلا عن الساحات[/U]
ام حديجان : يابو حديجان ، السنه هذي ما نبي اعذار ، نحج يعني نحج
ابو حديجان : ابشري ، الصالون مشيّك والخيمه منظفه ومطرقه
ام حديجان : وش هالحكي اللي ماخوذ خيره ، بلا صالون بلا طاعون ،
احجزلنا في حمله من اللي شعارها (( تمتع بالحج ودع المشقه علينا ))
ابو حديجان : اجل ماهنا حج , انا ما عندي استعداد ادفع عن كل واحد منكم 5000 ريال
ام حديجان : الله اكبر ، هلحين غلت الفلوس ، هماك ناوي ( تسيحنا ) حول العالم و تتدفع عن كل واحد تذاكر دبل
ابو حديجان : في الحقيقة ، واصلاً ، ولكن ، وووو
ام حديجان : خل عنك بس ، نحج مع حمله يعني نحج مع حمله
ابو حديجان : اجل نحج مع حملة ابو شدوق ، هذا من الجماعه ومضمون
ام حديجان : عسى مهوب اللي يحجج الشغالات
ابو حديجان : اللى بلى ، وش فيه
ام حديجان : حسبي الله على بليسك ، هذا ياخذ الشغاله مربربه ويرجعها جلد على عظم ، هذا اذا رجعت ، وتبينا نحجج شغالتنا ونرافق معها
ابو حديجان : اجل نروح مع حملة رصيف الصالحين
ام حديجان : وش ذي بعد
ابو حديجان : هذي حمله يحبه قلبك واذا كلفت مره تكلف 500 ريال على الراس
ام حديجان : هذي ارخص من حملة ابو شدوق ، لكن وش السر
ابو حديجان : ابد ، حرامك والجبل ياحاج ، وفراش بلاستيك ومخده نفخ ، واسفط على اي رصيف
ام حديجان : والصعود الى عرفات والنفره ، وش لون تصير
ابو حديجان : ابد ، نتعلق في الباصات
ام حديجان : بس اخاف تطيح عباتي . شف عاد خل عنك الخنبقه واللف والدوران ، عطنا الدراهم وإنا اللي بنحجز
في مكتب احد الحملات
حديجان : ممكن تكرم وتشرح لي مميزات حملتكم
الموظف : شوف ياخوي ، اولاً نحن لا نهدف للربح ، نحن نهدف لكسبك وبس ، انت المكسب بتعنا
ثانياً : شعارنا (( نم واحنا نحج عنك ))
ثالثاً التفاصيل :
باصات 2002 مكيفه قزاز وقير تماتيك فتحه في الأرض
او طائرات وطنية مع برشوت لكل حاج
خيام ضد الشخير والنخير وحمام لكل حاج
بوفيه مفتوح على الآخر مكون من الشاي والقهوة والتمر المعتّق
حديجان : وش بعد موقعكم عن الجمرات
الموطف : ايوه ، دي الحاقه اللي تميزنا عن الحملات الأخرى ، موقعنا محاط بالجمار من كل جانب ، اشرب وقدع والقط واجدع وخلك اقدع
في الباص
ام حديجان ( تخاطب جارتها في الكرسي ) : لو تكرمتي سكري الدريشة ذبحنا البرد
الجارة : مكسورة يا خيتي حسبي الله عليهم
المشرف على الرحله : نعتذر عن نوعية الباص والسبب ان النقل الجماعي اعطانا زمبه واستأجر لنا باصات صفراء من الباصات اياها
ابو حديجان : ايه يجي خير
في الميقات
المشرف : اي واحد يتأخر عن نصف ساعة يحصلنا في الحرم عند زمزم
ابو حديجان : بسرعه يا مره انتي وعيالك
ام حديجان : وانا اقول ليه زمزم دايم مزحومه
حديجان للمشرف : يأخي
المشرف : ارقوك ، انا مليش ذنب ، وفر كلامك وقلل ملامك وعش احلامك ، انا منزوع الصلاحيات , بسرعه لحسن حنمشي وترقع تلومني
يمشي الباص ناقص لبضعة امتار ويتصدى للسائق بعض الركاب ويوقفونه قسراً
السائق : واللهِ تلاته ماني سايق تاني
المشرف : معلش يا حق هريدي عشان خاطري سامحهم
احد الركاب : الله لا يسامحكم و يغضب عليكم انتم واللي ولاكم علينا
السائق : لا ... دي ماينسكتش عليها ، انا لزم اطلب البوليس
الراكب : انا اللي باطلب الشرطه والجوازات
السائق : الا الجوازات الله يسترك ، وينور طريقك
حديجان : لازم نسلمك للجوازات
يهرب السائق ويختفي بين الناس ويتولى المشرف القيادة
في مكه
ابو حديجان : العمره مقبوله
ام حديجان : الله يقبل منا ومنك ، عساكم اتصلتوا على الحمله
حديجان : ايه يمه اتصلت وطلعت الأرقام الثابته خطأ ، والجوال مشغوله شبكتهم
ابو حديجان : وش السواه
ام حديجان : انا طاحت رجولي ومعاد اقوى على المشي
حديجان : اجلسي يا اميمتي وانا بروح ابحث عن سكن
ابو حديجان : ذكرت ابو سراج ، خلني اتصل عليه
ابو حديجان : سلام عليكم
ابو سراج : مرحبا
ابو حديجان : انا ابو حديجان يابوسراج
ابو سراج : انا مشغول الآن اي خدمه
ابو حديجان : ابد ، مع السلامه
ام حديجان : وش السالفه
ابو حديجان : الرجال مشغول
ام حديجان : مشغول عن اعز ظيوفه
ابو حديجان : ايه يا ام حديجان ، هذا مايعرف ظيوف وتظيف ، هذا بزنس مان ، الله يخلف علي كل ما لفى على ذبحت له وكرمته
ام حديجان : الزبدة
ابو حديجان :
من لقلب مايبي شوف ( الملاوي )<<>> ما يريد ( الشعِب ) واللي يدهلونه
ديرة هلها يبيعـون القهاوي <<>> والتتن والفول فيها يجلبونه
ام حديجان : هو ، هذا التكبير والتلبيه
ابو حديجان : حلالاه يا الصالون والخيمه
في منى
حديجان لرجل امن : من فضلك وين حملة الصدق والأمانه
رجل الأمن : وما قد سمعنا بها ، لكن اسأل الكشافه
حديجان للكشاف : من فضلك وين حملة الصدق والأمانه
الكشاف ( بعد النظر في الخارطه ) : هذي في مزدلفه
حديجان : مزدلفه ؟؟
ابو حديجان : آه ، حلالاه يا الصالون والخيمه
في المخيم
المشرف : معليش يا اخوان تفسحوا في المجالس يفس الله لكم ، الأخ ابو حديجان واسرته كانوا تايهن والحمدالله على سلامتهم
احد الحجاج : متى ينتهي هالموال ، كل شوي جايب لنا زيادة ناس وتدعي انهم من الحمله
المشرف : والله انهم من الحمله بس تاهو
ابو حديجان : عمى عمى عمى ، لوترمي ابره طاحت على راس رجال ، وين الوعود ياحملة الصدق
المشرف : ارقوك ، انا مليش ذنب ، وفر كلامك وقلل ملامك وعش احلامك ، انا منزوع الصلاحيات , بسرعه شفلك مكان ابل مايقوا بقية التيهين وترقع تلومني
حديجان : بس هذا خداع
المشرف : ولا جدال في الحج يا اخي
في عرفه
ابوحديجان و اسرته يحملون بعض امتعتهم ويسيرون في اتجاه عرفه لأن المخيم خارج نطاق عرفه
ابو حديجان : هلحين وش فرق حملتنا عن حملة رصيف الصالحين يا ام حديجان
ام حديجان : 4500 ريال ، حسبي الله عليهم حسيب كافي
حديجان : اليوم يوم فضيل يوم مغفرة الذنوب ومن عفى واصلح فأجره على الله
ام حديجان : الله لا يسامحهم ، الله لا يحلهم و لا يبيحهم ، الله لا يوفقهم
ابو حديجان : الحكي النفره ، وشلون ننفر ، ومع من
ام حديجان : قطعت حيلي ، تكفى لا تذكرني ، كلمه اخرى و ابرك مكاني ، يا الله انتقم لنا منهم
حديجان : طيب وش السواه يبه
النفره
اصوات التلبية تختلط مع مكبرات الصوت مع هدير المركبات وزعيق البواري
ام حديجان : هاه يا بو حديجان وش السواه
ابو حديجان : خلونا ننصا المخيم ونشوف وش عندهم بس لازم ننتطر غروب الشمس
حديجان : بس هم قايلين النفره بعد غروب الشمس بربع ساعة ، وانا استهلكنا في الطريق اكثر من ساعة ، يعني بيطلعونا تايهين
ام حديجان : يا الله لا توفقهم في هالساعة المباركة يا الله عساهم يتيهون ولا يلقاهم احد
في مخيم عرفه مره اخرى
يصل ابو حديجان واسرته بعد اكثر من ساعتين
ابو حديجان : اشوف اخويانا واقفين في وجه المخيم
حديجان : لا باص ولا يحزنون
المشرف : اهل يا بوحديقان ، سبحان الله كل تأخيره وفيها خيره ، الباص تاه لكن زمانه قي
ام حديجان : حسبي الله عليك
المشرف : حرام ياوليه تكلمي الرقاله
حديجان : حرمت عيشتك يا
المشرف : ارقوك ، انا مليش ذنب ، وفر كلامك وقلل ملامك وعش احلامك ، انا منزوع الصلاحيات ، هدي اعصابك و حوش امك بسرعه لحسن يبوز حجها وترقع تلومني
في مزدلفه
المشرف : ارقوكم ، انا مليش ذنب ، وفروا كلامكم وقللوا ملامكم وعيشوا احلامكم ، انا منزوع الصلاحيات ، القطوا الجمار قبل متخلص وترقعوا تلوموني
عند الجمره الكبرى
المشرف : ارقوكم ، انا مليش ذنب ، وفروا كلامكم وقلل ملامكم وعيشوا احلامكم ، انا منزوع الصلاحيات ، استعدوا للهجوم وما فيش يمه ارحميني ، واي واحد يقف اصادكم اطحنوه قبل ما يطحنكم وترقعوا تلوموني
في سيارة الإسعاف
الممرض : مسكين هالحاج راح وطي
الممرض الثاني : يا حاج قل لا اله الا الله
المشرف : ارقوكم ، انا مليش ذنب ، وفروا كلامكم وقلل ملامكم وعيشوا احلامكم ، انا منزوع الصلاحيات ، انا منزوع الضمير ، انا منزوع الجلد ، انا منزوع الروح ، انا منزوع الروح ، انا منزوع الروح ، انا منزوع الروح ، انا منزوع الروح ، انا منزوع الروح
الممرض : قل لا اله الا الله
المشرف : منّك لله يكفيلي ، منّك لله
-------------------------------
مأساة تتجدد كل عام وينكوي بنارها من الأمة فئام
يكره بسببها الحج و يتحول العج والثج الى السباب و الضرب و الشج
من المسؤل عن هذه التجاوزات وكيف تحل هذه المعضلات
شارك في الحل
:p :p :p
نقلا عن الساحات] نقلا عن الساحات[/U]
منقول : قصة أبو حديجان بالحج 
الوضع العادي
