اعتقد ان عمر ئيس الهلال لايناسبه لادارة نادي الهلال وبلاش تطبيل

الله يسمع مني مالقصد

انشالله الهلال راح يرجع احسن من اول وهذا حال الكوره بس انت كتبت كلام مايدخل العقل

انا ضد رئيس الهلال واطالب بان يرحل وانت مع رئيس الهلا وتخالفني الراي وش المشكلة كل ورايه العلماء اختلفوا وكل الناس تختلف ولولا اختلاف الاذواق لابارت السلع لاتزعل وش مزعلك من حقك تزعل اذا انا غلطت او سبيت او شتمت انا كل اللي قلته انه يجب ان يرحل رشيس الهلال

يا اخي ( جيت كلك شموخ ) ..
انتقادك للرئيس بغض النظر عن صحة النقد من عدمه ، لا اشكال فيه ، لكن انت الان عضو في منتدي محترم ، له وزنه وقيمته في الشبكة العنكبوتية ، لذلك ياليت منك تحاول تنتقد بشكل افضل ولائق بعيد عن التجريح ،،
وبالنسبة لسمو رئيس الهلال ؛ فاعتقد ان ايجابياته اكثر من السلبيات ،
بس تدري وش المشكلة اخوي (جيت كلك شموخ ) ان الجماهير الهلالية ، ماترضى الا ان الهلال ياخذ بطولة او بطولتين في كل سنة ، وغير هذا الشيء ماتتقبله ابد ،
اخوي ابقولك على حاجه مهمة ،، ترى الانديه كلها تتعب وتشتغل عشان تقدم اداء في الدوري ، والمنافسة شديدة ، عشان كذا مو شرط الهلال ياخذ بطولة ، اهم شيء ان الادارة تقدم مافي وسعها والباقي على الله ، وسمو الرئيس اعتقد انه يقدم لنا نموذج للرئيس
الناجح ، ،،
واقدر لك حبك وتعصبك للهلال منذ زمن طويل ، وارجو لك التوفيق

ملاحظه هامة :
اخوي (جيت كلك شموخ ) ان مسجل في هذا المنتدى من عام 2005م ، يعني من مدة طويلة ، واستغرب ان مشاركاتك فقط ما تتجاوز (20) مشاركة ، طيب كيف تتواصل مع الجماهير ، وينك طيله المدة السابقة عن المنتدى ، اشلون تعرف حس الجمهور وطلباته ، اللي المنتدى هذا هو افضل مكان يتم فيه نقاش اوضاع الهلال ،،
علامة استفهام ، ارجو ان تتقبلها وتجيب عليها ..