ياخي الى متى نخلي كل انتقداتنا على المفرج
يعني في المباراة كل الأخطاء صايره من المفرج
المفرج هو اللي ناكبنا , لو ما كان المفرج فيه ما كان هذا حال المباراه و و و ...
علشانه أخطى في مباراة الوحده الأمارتي و كان هو السبب في دخول الهدف علينا
* أنا معك انها مباراة مهمه و الجمهور كان يبي الفوز فيها لكن ( هاذي هي كرة القدم )
مو كل يوم لك لازم يجي يوم عليك *
طيب " ياسر ضيع بلنتي كان هو العلامه الفارقه في المباراة لو جاء , و مع ذلك ما أحد انتقد أو قال شئ من الجمهور " طيب ليه ؟؟
شباب اذا نبي نحاسب لابد من محاسبة الجميع , مو بس لاعب واحد
و بعدين كل انسان يخطي و الخطأ وارد , فليه نخلي كل انتقادتنا على المفرج ...
و بعدين يأخي اذا بنتكلم على الواقع فيجب علينا قول الحقيقه
كم لاعب و لاعب " نكبو " الهلال في نهائيات و مباريات مهمه و مع ذلك ما صارلهم اللي صار للمفرج الحين
لأن فيه ( بعض ) المشجعين للهلال و بكل صراحه " ما يدرون وش السالفه "
يناظر الجرايد وش تكتب و يجي يقول نفس اللي مكتوب و هو ما يدري منهو الكاتب
و تلقاه ما يقرأ التفاصيل المقال بس يناظر العنوان و يقول اللاعب هذا هو اللي نكبنا اللاعب هذا هو اللي هزمنا و ما ادري ايش ووو الخ ...
شباب اللاعب تمر عليه ظروف تخليه يكره الدنيا و اللي فيها لو انه من يكون
علشان كذا لازم ننسى اللي راح و نفكر باللي جاي
نفكر بالبطولات الموسم هذا المحليه و الخارجيه
و على قولتهم " اللي فات مات " و الفريق البطل ما ينتهي من خساره وحده
يا ما خسر الهلال بطولات و نهائيات و مع ذلك يبقى هو الفريق الكبير صاحب الشعبيه الجماهيريه الكبرى في المملكه ...
على العموم أنا اّسف على اطالتي و لكن لكل منا وجهة رأي و يجب احترامها ....