#1  
قديم 27/10/2007, 01:17 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
Talking مـــــــــبارك والقـــــــــــــطوه

اعضاء منتدانا الرائع تحية طيبه وبعد

بعد هالغياب والله اني اشتقت لكم ..

اربعين يوم برد على كل موضوع ... واشارك بكل مسابقه .. وبعلق على كل سالفه ... ( فاضي ) والفاضي يعمل قاضي

ورجعنا للعزوبيه

مبارك سلمكم الله واحد من زملاء العمل .... ( سولفجي ) حبيب ...( مزاح ) وحط شده على حرف الز

في مكتبنا وعندنا ( بريك ) عطانا كالعاده سالفه لكن غريبه حصلت له شخصيا مع قطوه

يقول مره من المرات كنت رايح لدوامي وبالطريق شفت ( قطوه ) على الرصيف اللى بين الشارعين ( الرايح والجاي ) وكان الشارع زحمه والسيارات ماتوقف ..

يقولي دققت في وجه القطوه لقيت في عيونها الصيحه .. تناظر السيارات وهي مسرعه يمين ويسار .. وشكلها تقول ( اعنبوو حيهم متى يخلصون ؟) ابقطع الشارع ؟!!

ماندري وش ظروف القطوه ... الرجال دق فلشر ووقف بالجانب الايمن وقعد يراقب القطوه .. يقول ودي اشوفها قطعت الشارع بسلام ...

لكن للاسف مااحد عطا هالمسكينه اي اهتمام .. يقول بغيت اروح واقطع الشارع واشيلها وقطعبها الشارع بس خفت على نفسي من السيارات

اتصلت على الدفاع المدني ... وبكل عفويه قال : ياجماعه فيه قطوه في شار ع كذا تبي تقطع الشارع ومهيب قادره وهذي نفس .. هذي روح .. ارسلوا احد يسنعها .. رد عليه الموظف اتصل على الدوريات

اتصل على الدوريات ورد عليه الدوريات : اخوي لو سمحت فيه قطوه في شارع ... وتبي تقطع الشارع وهي بالرصيف الوسطي .. تكفون ارسل فرقه او احد يساعدها ... قاله موظف الدوريات :.. هذا موضوع خاص بالمرور علشان يرتب عمليه السير ويخليها تقطع الشارع بسلام

اتصل على المرور .. السلام عليكم ... ونفس الكلام .. إلا ان موظف المرور جزاه الله خير اخذ منه معلومات عنه .. وعن الشارع .. وعن مواصفات القطوه ... يعني الموضوع كأنه جد هالمره .. تقريبا ارضى حماس مبارك ...

مبارك يقول بعد مااقفلت من المرور .. رحت لدوامي متاخر .. وانا في الدوام افكر في هالقطوه !! وش مصيرها ؟؟

يقول طلعت بدري من دوامي وامر بنفس الشارع ... الا وهذي قطوتنا ماتحركت والمسكينه رقبتها للحين رايحها جايه تناظر هالسيارات ومتى توقف ... شكلها ( تافلة العافيه ) من الظهر لين المغرب وهي ماتحركت من زحمة الرياض .. تبي تقطع الشارع وماقدرت ؟؟ الا انه لاحظ فيه ورمه بالظهر .. وبعد مادقق في النظر فيها اتضح انها تجرائت وقطعت الشارع ودعستها سياره على طرف الظهر .. يعني سلمت الا شوي بس بتعيش باقي حياتها معاقه

طبعا طريقة سرد القصه من مبارك مظحكه .. لكن في الأخير سألته ان كنت جاد يوم تتصل... وترجع وتدق فلشر ؟؟ يعني شارب شي ( شاني مثلا ) والا تستهبل عليهم ؟ انت يامبارك يطلع منك كل هالرأفه ! الغريبه انه حلف واقسم انه مانام ذيك الليله من التفكير فيها خصوصا بعد ماشافها مدعوسه وهي مازالت عايشه

أول سعودي اشوفه مهتم في قطوه .... يمكن تستغرب لما تلقى شخص يهتم في شخص .. انسان يهتم في انسان

تبغى تقطع شارع لازم تكون بنت ... شايب قلعتك ؟؟ عجوز بقريح ... ؟؟ لاانسى موقف قدامي حصل في احد شوارع الرياض .. شايب كان يبي يقطع شارع وهو اعمى .. للاسف ولاواحد من هالشباب حاول يساعده وينزل من احدى السيارات هندي معه عائلته ويمسك الشايب مع يده ويوصله للطرف الاخر من الشارع

مبارك في هالقصه .. رغم انه من وجة نظري بالغ في امور .. إلا ان تصرفاته انسانيه يشكر عليها ...

اتمنى تقديم المساعده والرأفه بالكبير والفقير .. والضرير ... والمعاق .. والنساء كبار السن .. والاطفال .. وكل من يحتاج الى المساعده ... وحتى الحيوان يحتاج منا المساعده والرأفه


تقبلوا تحيات اخوكم الصغير ابو فارس <<< سحب على طلال
اضافة رد مع اقتباس
  #2  
قديم 27/10/2007, 01:19 AM
زعيــم مميــز
تاريخ التسجيل: 04/11/2002
مشاركات: 2,768
Talking

إقتباس
بعد هالغياب والله اني اشتقت لكم ..

اربعين يوم برد على كل موضوع ... واشارك بكل مسابقه .. وبعلق على كل سالفه ... ( فاضي ) والفاضي يعمل قاضي

ورجعنا للعزوبيه

ياهلا ومسهلا بأبو طلال إشتقنا لعودتك


ويتربى فارس في عزك




إقتباس
يقولي دققت في وجه القطوه لقيت في عيونها الصيحه .. تناظر السيارات وهي مسرعه يمين ويسار .. وشكلها تقول ( اعنبوو حيهم متى يخلصون ؟) ابقطع الشارع ؟!!

ماتنلام المسكينة لأن (بعض) شبابنا الله يهديهم إذا مايدعس 150 مايرتاح وعلى فكرة أنا واحد منهم




إقتباس
الرجال دق فلشر ووقف بالجانب الايمن وقعد يراقب القطوه .. يقول ودي اشوفها قطعت الشارع بسلام ...

لكن للاسف مااحد عطا هالمسكينه اي اهتمام .. يقول بغيت اروح واقطع الشارع واشيلها وقطعبها الشارع بس خفت على نفسي من السيارات

اتصلت على الدفاع المدني ... وبكل عفويه قال : ياجماعه فيه قطوه في شار ع كذا تبي تقطع الشارع ومهيب قادره وهذي نفس .. هذي روح .. ارسلوا احد يسنعها .. رد عليه الموظف اتصل على الدوريات

خويك شكله حنووووووون



إقتباس
اتصل على الدوريات ورد عليه الدوريات : اخوي لو سمحت فيه قطوه في شارع ... وتبي تقطع الشارع وهي بالرصيف الوسطي .. تكفون ارسل فرقه او احد يساعدها ... قاله موظف الدوريات :.. هذا موضوع خاص بالمرور علشان يرتب عمليه السير ويخليها تقطع الشارع بسلام

خويك مصر إلا يتقذها بس مازال مسلسل التحويل من الدفاع إالى الدوريات والآن إلى المرور وإن شاء الله يلقى حل



إقتباس
طبعا طريقة سرد القصه من مبارك مظحكه ..

بالتأكيد الشخص الذي يحكي القصة له أسلوب جميل وأنا منسجم مع القصة وأحس إني أسمعها لأن إسلوبك في طرحها مثير



إقتباس
لكن في الأخير سألته ان كنت جاد يوم تتصل... وترجع وتدق فلشر ؟؟ يعني شارب شي ( شاني مثلا ) والا تستهبل عليهم ؟

تصدق إني بديت أشك مثلك إنه شارب بس مو ( شاني ) يمكن ( فيمتو )



إقتباس
انت يامبارك يطلع منك كل هالرأفه ! الغريبه انه حلف واقسم انه مانام ذيك الليله من التفكير فيها خصوصا بعد ماشافها مدعوسه وهي مازالت عايشه

قله عادي المفروض إنك تنام لأن القطو بسبع أرواح




إقتباس
تبغى تقطع شارع لازم تكون بنت ... شايب قلعتك ؟؟ عجوز بقريح ... ؟؟

بس يابو فارس مو كل الشباب هيك >>>كأني شطحت شوية على لهجة لبنان



إقتباس
لاانسى موقف قدامي حصل في احد شوارع الرياض .. شايب كان يبي يقطع شارع وهو اعمى .. للاسف ولاواحد من هالشباب حاول يساعده وينزل من احدى السيارات هندي معه عائلته ويمسك الشايب مع يده ويوصله للطرف الاخر من الشارع

المواقف التي تحصل من هذا النوع كثيرة ومتعددة وللأسف كلها أعمال خير ولكن أغلب الشباب يتجاهلونها ولا أزكي نفسي فقد كنت واحد منهم



إقتباس
اتمنى تقديم المساعده والرأفه بالكبير والفقير .. والضرير ... والمعاق .. والنساء كبار السن .. والاطفال .. وكل من يحتاج الى المساعده ... وحتى الحيوان يحتاج منا المساعده والرأفه

شكرا لك على هذه النصيحة والموضوع الجميل اللي يتكلم عن تقديم المساعدة للمحتاجين وأتمنى أن

نقدم المساعدة لمن يحتاجها قبل الغربا فنحن أبناء الوطن



إقتباس
تقبلوا تحيات اخوكم الصغير ابو فارس <<< سحب على طلال

الله يالدنيا مسرع ماسحبت على طلول

الله يحفظهم لك هم والولية

تقبل تحياتي

اخر تعديل كان بواسطة » الإمبراطور نواف في يوم » 27/10/2007 عند الساعة » 01:52 AM
اضافة رد مع اقتباس
  #3  
قديم 27/10/2007, 01:30 AM
زعيــم مميــز
تاريخ التسجيل: 15/07/2007
المكان: اي مكان !!
مشاركات: 2,292


حلوه القصه

بس مااتوقع في احد يتهم بقطوه لدرجه هذي

اماا اني ادق على الشرطه والمرور بعد قويه

اجل سحبت على طلولي لا حرام

عوافي ابو طلال على قصتك

<<<< ياشين هاللون
اضافة رد مع اقتباس
  #4  
قديم 27/10/2007, 01:37 AM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,231
هلا وغلا بابوطلو

إقتباس
اربعين يوم برد على كل موضوع ... واشارك بكل مسابقه .. وبعلق على كل سالفه ... ( فاضي ) والفاضي يعمل قاضي

ورجعنا للعزوبيه

يالله حيهم وانا معك خمسين يوم لو تبي ....والله يعينك على الاربعين شفت اخواني وشفت اوضاعهم قسم ان الواحد يرحمهم


والله نفس قصة خويك حصلت مع واحد من الشباب في المدينه المنوره وفي شارع قربان بالتحديد
هذا يا طويل العمر واحد منتهي ...شاف القطه تبي تقطع الشارع ولا قدرت والرجال توه نازل من شقته
جاء هو وجهه ونزل وسط الشارع ووقف السيارات وخل القطه تمشي ..والله ياانواع البواري واللي يلعنه ....والاخ يضحك ...طبعا ما عمل هذا الامر الا عباطه والا ما فكر في القطه


إقتباس
اتمنى تقديم المساعده والرأفه بالكبير والفقير .. والضرير ... والمعاق .. والنساء كبار السن .. والاطفال .. وكل من يحتاج الى المساعده ... وحتى الحيوان يحتاج منا المساعده والرأفه



الله يجزاك خير


إقتباس
تقبلوا تحيات اخوكم الصغير ابو فارس <<< سحب على طلال

الله يعطيك العافيه اخوي واسعدتنا عودتك ....ونصيحه من اخ لاخوه انتبه من غيرة طلال على اخوه الجديد...حاول تعامله بشكل الاعتيادي




تقبل مروري التحيف








سلااااااااااااااااااااااام

اخر تعديل كان بواسطة » abo_nasser في يوم » 27/10/2007 عند الساعة » 02:08 AM
اضافة رد مع اقتباس
  #5  
قديم 27/10/2007, 01:45 AM
زعيــم فعــال
تاريخ التسجيل: 11/05/2007
المكان: بين جدران اربع
مشاركات: 452
وش دعوه سوى هالازمه :

كان شالها وحطها بقرب اي زبالة حي (( والله بكذا سوى فيها جميل ما بتنساه له طول

العمر))
اضافة رد مع اقتباس
  #6  
قديم 27/10/2007, 01:46 AM
زعيــم نشيــط
تاريخ التسجيل: 05/05/2007
مشاركات: 864
هلا والله ابو طلال
منور المنتدى
يعطيك العافيه عالقصة
اضافة رد مع اقتباس
  #7  
قديم 27/10/2007, 01:49 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
هلا وغلا أبو فارس .. أسفرت وأنورت يا بعدي..!!

بالله لا هنت سلم لي على طلال وفارس .. ولا تنسى الإنسان مبارك

بالنسبة للي سواه مبارك .. فهو صح تهور بقوة يوم يدق على المرور والشرطة والجوازات ومكتب العمل

لكن أهم شي أنه أرضى ضميره ..!!

في أمريكا .. تجيك المطافي ماشية مليووون عشان قطوة .. هناك حتى الحيوان يقدرون قيمة حياته..!!

لكن هنا للأسف .. ما فكر اللي رد على التليفون أن هالقطوة ممكن هي اللي تدخله الجنة وهو ما يدري..!!

عموماً .. اللي سواه البطل مبارك شي يشكر عليه .. والله يجزاه خير ..!!

بخصوص الرفق بالكبير والضعيف .. أتذكر موقف حصل لي بالصيف الماضي بجزيرة المرجان بكورنيش الدمام..!!

كنا داخلين الجزيرة وطالعين مع الدرج .. وأشوف شايف كبير بالسن ومعاه زوجته عجوز .. نازلين من الدرج وحالة الشايب

تكسر الخاطر

تعبان من جد ويالله أنه ينزل درجة درجة وهو متمسك ..

الشباب طالعين نازلين ماحد فكر يساعده يوصله للسواق اللي ينتظره تحت ...!!!

المهم كسر خاطري وطلعنا الدرج .. كنت متردد أذب وجهي وأساعده مدري ليه..!!

بس لما تجاوزته تشجعت ورجعت أساعده.. نزلته الدرج وقال خلاص الله يعافيك .. وأصريت أوصله للسيارة ..!!

والله والله والله كنت في سعادة لا يعلم بها إلا الله لما سمعت هالشايب يدعي لي .. حسيتها من قلبه..!!

ما أقول هالكلام عشان أقول لكم قلبي طيب أو أتجمل قدام أحد .. بالعكس قلبي قاسي .. لكن أحياناً

الواحد يسوي خير ويحس بقيمته .. ويتمنى الكل يحس بهالإحساس عشان يسوون نفس الشي البسيط اللي أجره

عند الله كبير ...!!!


أبو طلال ومبارك .. تحياتي لكم..!!

اخر تعديل كان بواسطة » الـمـشـاغـب في يوم » 27/10/2007 عند الساعة » 02:29 AM
اضافة رد مع اقتباس
  #8  
قديم 27/10/2007, 01:50 AM
زعيــم متألــق
تاريخ التسجيل: 19/04/2006
المكان: ضاايعه
مشاركات: 1,028
محجووووووووووووووووووووز
<<مثلي مثلهم
&&&&&&&&&&&&&&&&&&&&&&&&&&&&&&&&
بااااااااااااااااااااااااااااااااااااااااك
عودة حميده ابو طلاااااال

إقتباس
الرسالة الأصلية كتبت بواسطة ابو طـــــلال
أول سعودي اشوفه مهتم في قطوه .... يمكن تستغرب لما تلقى شخص يهتم في شخص .. انسان يهتم في انسان



صادق


إقتباس
الرسالة الأصلية كتبت بواسطة ابو طـــــلال
تبغى تقطع شارع لازم تكون بنت ... شايب قلعتك ؟؟ عجوز بقريح ... ؟؟ لاانسى موقف قدامي حصل في احد شوارع الرياض .. شايب كان يبي يقطع شارع وهو اعمى .. للاسفولاواحد من هالشباب حاول يساعده وينزل من احدى السيارات هندي معه عائلته ويمسك الشايب مع يده ويوصله للطرف الاخر من الشارع



كفوووو والله ابو هنوووود ابو طلاااال هذاك اول قسم بالله الحين بنت ولا مو بنت
اتحداهم يخلونك تمر كاني اذا مريت باأخره مالت عليه الا عاد ان كانت بنت حاطه الزينه من الى <<يمكن بس مايمر مروور الكرام
مرة انا بالمحلات بطريق العليا العام ورحنا لمركز النمر بنصلي ونرجع للمحلات وانا طبعا ومعي 3 بنات وانا بنقطع واستنينا الين خفت السيارات واشتغلت الاشارات وتونا ماشين جاك واحد وطلع هذاك الصوت اللي اكره يروع بالسيارة ودعس وجاي متجه لنا وبعدين مسوي الاخ يستخف دمه ياهو دعيت عليه قلت خلاص متنا وهو بكل برود يضحك فما بالك قطوه بيطيرونها <<وش دخل

إقتباس
الرسالة الأصلية كتبت بواسطة ابو طـــــلال
مبارك في هالقصه .. رغم انه من وجة نظري بالغ في امور .. إلا ان تصرفاته انسانيه يشكر عليها ...




ايه يشكر وبقوة بعد

إقتباس
الرسالة الأصلية كتبت بواسطة ابو طـــــلال
اتمنى تقديم المساعده والرأفه بالكبير والفقير .. والضرير ... والمعاق .. والنساء كبار السن .. والاطفال .. وكل من يحتاج الى المساعده ... وحتى الحيوان يحتاج منا المساعده والرأفه



ان شاء الله
ياليتك تجي تشوف ان مرة عندنا قطوة وش نسوي <<ساعات احسها هي اللي تخاف من اللي نسويه
ويعطيك الف الف عافيه على القصة الظريفة والمفيده


إقتباس
الرسالة الأصلية كتبت بواسطة ابو طـــــلال
تقبلوا تحيات اخوكم الصغير ابو فارس <<< سحب على طلال



قبـــلت بعلم عليك طلااال ومالحب الا للحبيب الاولي

اخر تعديل كان بواسطة » && هلااااااليه && في يوم » 27/10/2007 عند الساعة » 02:21 AM
اضافة رد مع اقتباس
  #9  
قديم 27/10/2007, 01:53 AM
الصورة الرمزية الخاصة بـ حتى ظلالي هلالي
زعيــم مميــز
تاريخ التسجيل: 03/01/2007
المكان: { .. مسآفر في سما النسيان ~
مشاركات: 2,500
أهلا بك ابو طلال ولمدة 40 يوما .. << الله يعينك على العزوبية..

والله ياخويك ذا فلللللللللللللللللللللللللللللله..مانام ليلة كامله علشان قطوة..

وما اعتقد ان فيه شاب سعودي فيه هالرحمه القويه..
لو بنت قلنا ممكن..
لكن شكله من عجائب السعودية..<<مدري من وين طلعت..

ومشكور على هالقصة التحيفه ..هع
اضافة رد مع اقتباس
  #10  
قديم 27/10/2007, 01:57 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,849
::
السلام عليكم ورحمة الله ..
::
حياك الله ومرحباً بعودتك
ابو طلال و فارس
الله يخليهم لك ولميمتهم ..
الله يعينك على الوحدة بعد ما رجعت للعزوبية ..
اجل نهديلك بهالمناسبة انشودة رجعنا للعزوبية ..
::
مبارك والقطوة ..
قصة رائعة ومؤلمة نهاية هذه القطة ..
ماشاء الله سبحان من القى في قلب مبارك الرحمة الله لايحرمه اجر تفكيره بمساعدة القطة ..
مشكلتنا لانفكر الا بانفسنا والالو وضعنا انفسنا في مكان صاحب الحاجة لأسرعنا بمساعدته ..
::

ابو طلال وفارس
الله يعطيك العافية على الموضوع المهم والرائع ..
واعذرنا على المرور السريع ..
::
في امان الله ..
اضافة رد مع اقتباس
  #11  
قديم 27/10/2007, 02:02 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة الإمبراطور نواف
ياهلا ومسهلا بأبو طلال إشتقنا لعودتك


ويتربى فارس في عزك






ماتنلام المسكينة لأن (بعض) شبابنا الله يهديهم إذا مايدعس 150 مايرتاح وعلى فكرة أنا واحد منهم






خويك شكله حنووووووون





خويك مصر إلا يتقذها بس مازال مسلسل التحويل من الدفاع إالى الدوريات والآن إلى المرور وإن شاء الله يلقى حل





بالتأكيد الشخص الذي يحكي القصة له أسلوب جميل وأنا منسجم مع القصة وأحس إني أسمعها لأن إسلوبك في طرحها مثير





تصدق إني بديت أشك مثلك إنه شارب بس مو ( شاني ) يمكن ( فيمتو )





قله عادي المفروض إنك تنام لأن القطو بسبع أرواح






بس يابو فارس مو كل الشباب هيك >>>كأني شطحت شوية على لهجة لبنان





المواقف التي تحصل من هذا النوع كثيرة ومتعددة وللأسف كلها أعمال خير ولكن أغلب الشباب يتجاهلونها ولا أزكي نفسي فقد كنت واحد منهم





شكرا لك على هذه النصيحة والموضوع الجميل اللي يتكلم عن تقديم المساعدة للمحتاجين وأتمنى أن

نقدم المساعدة لمن يحتاجها قبل الغربا فنحن أبناء الوطن





الله يالدنيا مسرع ماسحبت على طلول

الله يحفظهم لك هم والولية

تقبل تحياتي

هلااااااا وغلا نواف .... شرفني مرورك ... وحضورك ... وربي يسعدك ... سعيد جدا بمشاعرك الجميله

الشكر لك ولاتحرمني من حضورك
اضافة رد مع اقتباس
  #12  
قديم 27/10/2007, 02:08 AM
زعيــم مميــز
تاريخ التسجيل: 16/07/2007
المكان: حالمـه وأبعاد تفكيري خيال ..
مشاركات: 2,106
هلا أخوي أبو( طلارس)

مبروك ماجاك .. الله يخليهم لكم ..

بالنسبه للقطاوه.. والله ماعاد أحد يهتم فيهن ..

القطه : حيوان اليف يمشي على 4 أقدام لا يهنش ولا ينش ويسكن الشارع والخرابات

ومبارك ماشاء الله عليه توقعه يمزح طلع جاد ومسوي اتصالات وقلقان

أجل لو هو شايف أدمي وش بيسوي

والله فعلاً لزوم الرفق بالحيوان .. مثله مثل الانسان ..

أذكر مره شفت لي بزر ماسك له قطه ويدور به يدور ويصبخه بالجدار من القراده >> هالبزران جن وهجن >لايصير ولدك طلال منهم

يعطيك العافيه أبو طلارس على الموزوع

اخر تعديل كان بواسطة » كاريزمـا في يوم » 27/10/2007 عند الساعة » 02:15 AM السبب: بنعدل طلفارس الى طلارس
اضافة رد مع اقتباس
  #13  
قديم 27/10/2007, 02:08 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة ^ العنود ^


حلوه القصه

بس مااتوقع في احد يتهم بقطوه لدرجه هذي

اماا اني ادق على الشرطه والمرور بعد قويه

اجل سحبت على طلولي لا حرام

عوافي ابو طلال على قصتك

<<<< ياشين هاللون


تحلى دنياااك يالعنود .. ربي يسعدك ويوفقك ماقصرتي

حتى انا ماكنت اتوقع بس مبارك فاجئني ؟!! كل شي جايز

الله يعافيك يالعنود ومشكور على هالحضور



إقتباس
abo_nasser الله يقطع سواليفك يابوفارس

انا مبطي قايل منتدى مافيه ابو ناصر مهوب منتدى .... ياحبيل هالخشيشه يابو ناصر والله اني ولهت عليك
شاكر لك حضورك ياقلبي والف شكر على كل شي يالغالي .. بيض الله وجهك




إقتباس
محبة الزعامه وش دعوه سوى هالازمه :

كان شالها وحطها بقرب اي زبالة حي (( والله بكذا سوى فيها جميل ما بتنساه له طول

العمر))

انت ماقريت القصه ( بتمعن ) <<< يمديك على هالكلمه

لانه فكر يقطع الشارع بس خاف على نفسه من السياراة .. وفعلا كلامك صحيح .. خصوصا الزباله اعزكم الله اجمل الاماكن عند القطط خصوصا لاصار فيها بروستد مفتوح كيسه وعليه شويه حمص
شاكر لك حضورك ومرورك


إقتباس
هلاليه كووول22 هلا والله ابو طلال
منور المنتدى
يعطيك العافيه عالقصة

هلابك والله هلاليه .. منور فيكم والله
الف شكر على حضورك ومرورك الجميل
اضافة رد مع اقتباس
  #14  
قديم 27/10/2007, 02:19 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة الـمـشـاغـب
هلا وغلا أبو فارس .. أسفرت وأنورت يا بعدي..!!

خل عنك ياسلطان .. فارس كله بركه اللى رجعك للمنتدى وشفناك .!! يالقاطع

عسى المانع خير .. يقولون دراسه ..عموما نتمنى ان المانع خير وترجع لسابق عهدك ...

وحشتنا يالذيب ومشكور على مشاعرك الاخويه االغير مستغربه منك يالغالي



إقتباس
حتى ظلالي هلالي أهلا بك ابو طلال ولمدة 40 يوما .. << الله يعينك على العزوبية..

والله ياخويك ذا فلللللللللللللللللللللللللللللله..مانام ليلة كامله علشان قطوة..

وما اعتقد ان فيه شاب سعودي فيه هالرحمه القويه..
لو بنت قلنا ممكن..
لكن شكله من عجائب السعودية..<<مدري من وين طلعت..

ومشكور على هالقصة التحيفه ..هع

الله يعين .. شكلي بشتري دفتر ابو اربعين ورقه وكل يوم اقطع ورقه .. واكتب مذكراتي .. ناسي العزوبيه من يذكرني فيها وله اجر ..........

مشكور وماقصرت اخوي



إقتباس
nor alshams ::
السلام عليكم ورحمة الله ..
::
حياك الله ومرحباً بعودتك
ابو طلال و فارس
الله يخليهم لك ولميمتهم ..
الله يعينك على الوحدة بعد ما رجعت للعزوبية ..
اجل نهديلك بهالمناسبة انشودة رجعنا للعزوبية ..
::
مبارك والقطوة ..
قصة رائعة ومؤلمة نهاية هذه القطة ..
ماشاء الله سبحان من القى في قلب مبارك الرحمة الله لايحرمه اجر تفكيره بمساعدة القطة ..
مشكلتنا لانفكر الا بانفسنا والالو وضعنا انفسنا في مكان صاحب الحاجة لأسرعنا بمساعدته ..
::


ابو طلال وفارس
الله يعطيك العافية على الموضوع المهم والرائع ..
واعذرنا على المرور السريع ..
::
في امان الله ..

اهلين وسهلين نور الشمس ... الله يجزاك خير وعقبالك .. هذا اولا ....
والله يعين بطني على الشكشوكه
وبالنسبه للموضوع فعلا لازم نفكر بمساعدة من يحتاج المساعده واحتساب الاجر من عند الله ..
شاكر لك حضورك ومرورك


إقتباس
ريري هكتور
هلا أخوي أبو( طلفارس)

مبروك ماجاك .. الله يخليهم لكم ..

بالنسبه للقطاوه.. والله ماعاد أحد يهتم فيهن ..

القطه : حيوان اليف يمشي على 4 أقدام لا يهنش ولا ينش ويسكن الشارع والخرابات

ومبارك ماشاء الله عليه توقعه يمزح طلع جاد ومسوي اتصالات وقلقان

أجل لو هو شايف أدمي وش بيسوي

والله فعلاً لزوم الرفق بالحيوان .. مثله مثل الانسان ..

أذكر مره شفت لي بزر ماسك له قطه ويدور به يدور ويصبخه بالجدار من القراده >> هالبزران جن وهجن >لايصير ولدك طلال منهم

يعطيك العافيه أبو طلفارس على الموزوع

طلفارس
هلابك والله ريما .. الله يبارك فيك وعقبالك يارب
انا استغربت من اهتمام مبارك الكبير بالحيوان في زمن اصبح الانسان لايهتم بالانسان !!
شاكر لك حضورك ومرورك تحيات ابو (فالال)
اضافة رد مع اقتباس
  #15  
قديم 27/10/2007, 02:37 AM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
أبو طلال .. يقولون فيه واحد اسمه سولتان توه يفضى ويعدل رده

يا حبذا لو تتكرم وتشوفه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:03 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube