طبعا انا غالبا اتكلم باللغة الفصحى لكن احس ان ان حلاوة هالموضوع بالعالميه ,,,
لا لا .. واضح تأثير منتدى العالميه
أما الموقف اللي اللي صار اتوقع ان راعي الســيارة اللي دق إشاره .. أجنبي .. بتقول ليه .. بقولك ربعنا الواحد يجيك مكيّم ماشي الطبلون تحسبه بيروح سيده الا وهو شاطفك ومخششها استفهام
طبعا مو الكل بس الغالبيه ... وأسالني انا قد خمّيت ثلاث سيارات بس الله ستر علي وماصار لي شيء اول شيء لاني مسرع <--- مسوي شوماخر وثانيا بسبت واحد طلع علي فجأة وأقشعه واهو قشع بسيارتين
بعدها صرت اذا قربت من تقاطع اوقف السيارة على جنب واروح رجليه اشوف فيه سيارات جايه والا لا اذا مافيه رجعت لسيارتي وقطعت الشارع <---- قوة مبالغه
يعطيك العافية يالغالي على الموضوع الخالي من الاخطاء الاملائية الشنيعه ..!!
والله وانا اخوك هالايام الواحد يدور السلامه بالطريق
شوارع الرياض صارت خيطي بيطي
لدرجة ماتدري من وين تبي تنصدم
ماتدري انت تركز بطريقك والا تشوف المطافيق اللي يسقطون من اليمين
والا تبي تنتبه للموزين اللي قدامك متى بيجدعها لدرجة انك تقز الشارع فيه احد يأشر له والا لا
اهم شي الواحد يمشي بالسليم ويطبق النظام على نفسه
ويتمنى انه يكون بذرة حسنه لبداية النظام<<<ماهقيت بيجي اليوم اللي فيه عندنا نظام
بصراحه اكثر شي ينرفزني واتمنى أن هـ العادة تنقرض وهي لما يجيك واحد ماسك لك مسار اليمين عند الإشارة ومايخلي أحد يلف يمين ، فـ بـ التالي لما تجي سيارة تبغى تلف يمين وتزعجه بـ البواري يقوم يسقط ع اللي فـ مسار الوسط يـ كثر ماتصير قدامي .
عوافي يا عيال ,, اظن مافيه بنات ,, منورين وقسم ,,, وياحبي لهالقسم ولكم والله
الاغلبيه اجمعوا على سباكه بعض الشعب بالسواقه ,, وانا مؤيد لكم ومابي ارد على كل واحد برد لحالة ,,,
dal3_uae : هذي المشكلة والله ,,, لاجا واحد عندنا بالسعودية وقسم بالله يتنرفز وياخذ افكار شينه على السعوديين .
إقتباس
بصراحه اكثر شي ينرفزني واتمنى أن هـ العادة تنقرض وهي لما يجيك واحد ماسك لك مسار اليمين عند الإشارة ومايخلي أحد يلف يمين ، فـ بـ التالي لما تجي سيارة تبغى تلف يمين وتزعجه بـ البواري يقوم يسقط ع اللي فـ مسار الوسط يـ كثر ماتصير قدامي
اوما هذي وقسم بالله صدقت فيها وياكثر من تصير ,,, كل واحد يبي يطلع بسرعة من الاشارة كن عنده مجلس العام اقصد مجلس الامه او مشاريع ,, وقسم بالله تلاقي ما وراه الا قيم قدم مع اخوياه !!!
يعني والله حرام تصير مثل هالاشياء عندنا والاسباب بايخه