|
إقتباس:
وبعدين مصدق ذاا خوويك مبااركـ انهم بيجوونهـ!! يخوووي العاالم تسووي حوااادث وتمووت وهم تووهم ما جووو !! ما عندك احد من جد !! المهم ،، صرااحه اهنيك ع هيك خووي :d ومشكوور ع القصه الحلوووهـ :d :d |
هلا والله ابو طلال والله موضوعك اللي يقراه أول شي يقول: يلعن ام النصبة!! :D عشان كذا انصحك تكتب في نهايته.. اقسم بالله العظيم! :D والله أليمة سالفة خويك.. وهي أكيد توضح لنا أمورا كثيرة.. فكما تعرف امرأة دخلت النار في قطة وبغي دخلت الجنة في كلب! فكيف بفئات المجتمع المهمشة والمهملة؟ شكرا جزيلا لك أخي العزيز أبو طلال تحياتي لك |
هلا وغلا فيك اخوي ابو طلال .. نورت المجلس بطلتك .. واتوقع منت متعديه الا بعد 40 يوم .. اما عن مبارك .. صدق انه انسان بمعنى الكلمه .. هذي قطوه اجل لو انسان وش بيسوي .. اتوقع بيعترض الشارع بسيارته .. بس حسستني من القصه ان احنا مو في الرياض في نييورك .. لانه فعلاً مثل ماذكروا الاخوان حتى الكلب لو غرق او اصيب ماتدري الا الدفاع المدني والاسعاف سابقين ام الكلب وابوه .. كثر الله من امثاله .. ولو اني احس انه مبالغ في الاتصال .. ابو طلال .. سلم لي طلال وفارس .. وتقبل فائق احترامي .. دمت بخير |
إقتباس:
اقرى التوقيع ... لا يفوتك ...:D محجوز فارس هااا ...:D |
ياليل البعارين على الكذب :d والبثاره . يؤ يؤ أثاريه صقيقي أبو طلال الي كاتب الموضوع أجل صدق وصدق :d. أولا سلم لي على خويك ومبارك الاربعينيه يبو طلو :d. زمان امهاتنا تقضي الاربعين في بيت زوجها والحين حريمنا مدلعات <===شطح وشكل ام طلال بتدعي علي وتقول وش يبي هذا :d. والله قصتك الي بيفهما بيعرف وش مغزاك يبو طلال منها . أبو طلو ياخي ليه ما فيه جسر للمشاه خلني من القطاوه الحين حتى القطاوه لو تشوف جسر للمشاه بتمشي منه يخي بعطيك شارع انكاس مثلا من اشارة بنده حتى اشارة السدحان يتخللهم اشارتين كل محد يبي يقطع الشارع يجلس حتى يكره اليوم الي فكر يقطع فيه الشارع. أبو طلال الله لا يحرمني من خشتك ياغالي الغالي. برايفت ابو طلال. العذر يمكن مقدر اشوفك اليوم لاني أحتمال امشي الشرقيه العصر ولي عوده الويكند للرياض |
هلا بوفارس :d الله يهديك من ألحين بديت التفرقة بين عيالك :d الله يحفظهم ويوفقهم بالنسبة لسالفة القطوة خويك كان معاه حق يوم اتصل على الدفاع المدني مع إن مجتمعنا ما تعود على هالشي شوف أمريكا كيف يهتمون بحيواناتهم وينقذونها إذا صارلها شي لكن احنا أولى احنا مسلمين والرفق بالحيوان مطلوب لكن للأسف الحيوان صار آخر اهتماماتنا لكن مساعدة الشياب والمحتاجين موجودة عندنا ولله الحمد :) تحياتي s13s |
الف مبرووووك الولد يا بو فارس :D والله يجعله من عباده الصالحين البارين بـ والديهم تقبل مروري الشاطح :d ولي عودة متى ما سمحت الظروووف ابن المجلس العام جرح يشكي |
حياك يابو طلال .. ومبروك ماجاك :d << تهوى الجلسة مع جدتها والله يحفظهم إثنينهم ( طلال وفارس ) ويصلحهم لك ولأمهم .. نعود لقصة البسة .. في كل كبد رطبة أجر .. الله يجزاه كل خير مبارك ويكثر من أمثاله على الأقل حسن الصورة .. أنا من بعد ماشفت مقطعين لسعوديين وسوء تعاملهم مع الحيوانات وأنا غاسلة يدي منهم بكلوركس ولا فيه أحد في قلبه ذرة رحمة يكب على كلب بنزين ويولع فيه وثاني يرمي بلوكة على بسة صغنونة لا حول لها ولا قوة ويهشمها تهشيم .. لا ومن البشاعة يصورونهم أصحابهم ..! قلوب من فولاذ الله لا يبلانا .. شكراً لك أبو طلال والشكر موصول لمبارك دمت بكل الخير . |
هلا والله بحبيب القلب ابوطلال توه ما نور المنتدى :d :d ولا يهونون الأعضاء s13s _____________________ إذا كان على قطوا تهون ، طرق الملك عبدالعزيز اللي انت تداوم فيه :sick: جلست ربع ساعة علشان أقطع الشارع ما قدرت :sick: لا رأفة ولا رحمة بي من الناس :d ___________________ يا هلابك من جديد يا أبوطلال :d أقولك دامك عزوبي ما ودك نخت أنا وإياك قريب :d :d |
قصه رااااايقه يعطيك العافيه ابوطلال |
وووووويع ما لقيت الا اقطوة بس يعطيك العافية على القصصصصه وعساك ع القوة |
هلا وغلا اخوي الغالي ابو طلال ومنورنا ياباشا ... s13s ابارك لك مرة اخرى على قدوم فارس حفظه الله وجعله ذخراً لوالديه .. :) واما سالفة مبارك بصراحة تدل على الانسانية المتفتقه من جوانب الاخ مبارك ولو دروا عنه هيئة حقوق الانسان كان خلوه سفير عندهم مع سامي الجابر :wink: عاد لو ترجع لمواضيعي القديمة تلقى موضوع بعنوان انا قتلتها ..:thumbup: هذي بختصار قصة لقطوة دعستها من غير قصد وما زلت الى اليوم أتألم كل ما ذكرت قصتها ...:wink::wink: حقيقة احيي الاخ مبارك على شهامته ونبله وكرمه وشجاعته وجوده :d:d وبالفعل علينا ان نقدم المعونة بقدر استطاعتنا لكل من يحتاجها دون من ولا أذى ...:thumbup: وتسلم ابو فارس على الطلة الجميلة والموضوع المزركش ... >>> طلال لاتوخذنا الوالد هو الي سحب عليك اول ههههههههههه :pleased::pleased: دمتم بحفظ الله ورعايته ,,, :: ســـــــ لامــي :: |
يالله ان تحيي ابو الورعان الله يعظم اجرك في الـ40 يوم :d اما سالفة مبارك احس انها نصبه..! وإلى الآن وانا احسها كذا :rolleyes: إقتباس:
بجد أثر فيني هالمقطع حسيت انها تشبهني :d وبالنسبة للمبارك اتوقع ان مغزاه من السالفه الدوائر الحكوميه يعني بجد لو صار حادث مثلا تدق على الدفاع المدني يقولون مب شغلنا دق على الشرطه والشرطه مب شغلنا دق على المرور والمرور ردد ياليل مااطولك لين يجون واذا جوا مايشليون الناس الا لما يجي الاسعاف وذا جاء والا الناس قد ماتوا وكل شي انتهى :upset: ^ ^ خلاص اكتفي بهذا الرد ^ عصبت وشانت اخلاقي بس ياليت تسحب لنا مبارك وتجيبه فيذا يسولف لنا ويأرنب علينا :eek::d وبالنسبه للرفق بالإنسان والحيوان والنبات فهو شي مطلوب والله يصلح الحال...! بس سؤال يدور بدمجتي/ اذا وقعت ذبانه على صحن غداي وش اسويبها اتركها تاكل يمكن انها جايعه والا اتهور واهشها؟؟ :sick: |
إقتباس:
اهني نفسي على حضورك يالغالي لاتحرمني منه شكراااااااا إقتباس:
تصدق اليوم سألته كانه ودي يعترف لي بشي .:rolleyes:. ترى يمديه يتراجع .:wink:. حلف لي بالطلاق وبالثلاثه انه صادق .. ولو اني مااحب الحلف بالطلاق .:evil:. وعلى فكرة الرجال متزوج وله ثلاث حريم :rolleyes: يعني ماتسوى عليه وماالومك بصراحه ..انا نفسي مو مصدق او مو متوقع سعودي يطلع منه كل هذا الشعور .. بس لسى الدووونيا بخير ترى :d شكرا لحضورك الجميل وشاكر لك رسالتك الاجمل ياراعي الاوله إقتباس:
المجلس منور بوجودكم والله .. وفعلا القصه كنها غريبه شوي .. ولولا غرابتها مانزلتها بموضوع .. اعطي الاعضاء امل انه فيه مواطنين قلووبهم رهيفه مثلي ومثل اخوي الكبير مبارك :d الحين البنات اقسى قلووب من العيال ... :laugh: سلامك وصل ياكبتن والف شكر وشاكر لك حضورك ومرورك الكريم إقتباس:
اذا حلوه ومزيونه وكاش .. لفارس .:).. اذا مقبوله ونص رشيقه وعلى الله ثم على هالراتب لطلال .. واذا شينه وفقيره وعقلها ( لك عليه ) لابوهم <<<<<< محسوبك .. انا اشيل :d انتي لاحظي شكلها وجمالها وتصرفاتها واختاري بيننا يالثلاثه :d شاكر لك دلع شعورك وتهانيك وعقبال مانشاركك افراحك بعرس او بنجاح او بايقاف عضويتك :d يالله عاد هالمره امزح :laugh: إقتباس:
بغيتك تمرني اليوم بالعمل اعرفك عليه ..والله والسبع انعام ببو فهد وليتك مريت علي اليوم كان شفنا وش بلاك ولا ترد على موضوعي وانت مريض ... ياالمريض عقليا :upset: طمني عنك يالذيب وشاكر لك حضورك ومرورك والوعد قدام :d إقتباس:
فعلا ماتعودنا مو على الاتصال بس .. على الاتصال والاهتمام في مثل هالمواضيع .. حتى في قرائه مثل هالمواضيع نعتبرها فكاهيه وانا اولهم :d نعم والحمد الله موجوده بس مو مثل اول .. وللاسف :wink: شكرا يالغالي حضورك ومرورك |
إقتباس:
مرورك اسعدني رغم شطحته ويعلم الله اني لاكتبت موضوع اتفلت بالردود يمين ويسار ادور اسمك .. تراك غالي يالذيب اما ابن المجلس العام ؟؟ منتب عاقل :d بس حلوه منك .. احس اني مبطي ماشفتكم ومستحي اعلق :laugh: خلني اذا اخذت عليكم شوي شاكر لك محمد حضورك ومرورك ولاتبطي علينا يابعدي إقتباس:
الله يبارك فيك .. ويجزاك خير .. وعقبال مانبارك لك عودة الى قصة البسه او القطوه : سالفة انتشار مقاطع البلوتوث وتعذيب القطط والكلاب اعزكم الله .. او حتى اي حيوان وعرضه كمشهد مظحك ؟؟ قسى قلوب الشباب .. خصوصا الصغار منهم .. الله يهديهم .. هي البدايه في قطوه .. وصارت لكلب ..اعزكم الله .. لين ماوصلت لخدامه وبعدها بنت حموله يصورونها وهي في اذل شكل وصوره .. اصحاب البلوتوثات .. :upset: الله يهديكم بس شكرا اختي على حضورك ومرورك ودي اقول شكرا ياسيدتي الفاضله لقلمك المتناثر بين اروقة المتصفح .. دمتي بنقاء الثلج وهمم المدري وشو ؟؟ ( بس مااعرف ) :d <<<<<<<< اشوف دايم يقولون كذا إقتباس:
اخبارك ياولد العم ... لك وحشه والله .. عقب الوظيفه مالك حس ولا رس <<<<< ترجم :d المنتدى منور بوجودك والاعضاء اللى فيك تسلم والله .. الله يرجك اترك عنك الدوام والقطوه وموضوعي .. اول ماجت عيني على ( ماودك نخت .. علطول ناظرت التقويم ):d بس تذكرت اني مااقدر خصوصا هاليومين ...:cry: لنا لقاء ابو عابد .. وترى لك ملف عندنا علمني متى تبي اجازه بس :wink: والله للجين طفت الدوام ماراحت :d شكرا لك ابو عابد ولاتحرمني من حضورك إقتباس:
الرايق حضورك ومرورك شكرا لك هلاليه .. ربي يسعدك إقتباس:
الله يعافيك وشكرا للحضور إقتباس:
الله يبارك فيك يالغالي وعقبالك يارب .. اجل عندك عقده قديمه ... تدري شلون ترتاح ؟؟ حط حيلك بالفيران .. العن خيرهن :d ولاتحاول توقع بيني وبين ابو الطل ....... داهن سيره :d ويقول المثل .. البكر حبه فكر :rolleyes: شاكر لك ابو مقبل حضورك ومرورك ولاتحرمني منه .. ولا من شوفتك ... نبيهاااااا ( ن ب ي ه ا ) :d إقتباس:
اجرنا واجرك ... وبالنسبه للقصه لاتصدقينها بس اقري اخر سطرين :pleased: تعبت من كثر مااقولهم الرجال حلف لي :d وبعدين لا يالذهينه ..؟؟ راضعه مع المحقق كونان ماشالله عليك :d مهوب مغزاه الدوائر الحكوميه .. مبارك قصده القطوه .. بس القصه طلعت منها اكثر من نقطه .. اولا زحمة الرياض .. السعودي مايصدق السعودي خصوصا بالمواقف الانسانيه .. يستغربها منه يعني .. :eek: الدوائر الحكوميه زي ماتفضلتي واستنتجتي بنفسك .. الرأفه بالقطط معدوم .. والانسان شبه معدوم ايضا .. جواب سؤالك : اغير صحني .. من غير ماحد يحس من اللى معي بالسفره بموضوع الذبانه .. واستحي على دمي اكتب هالسؤال مره ثانيه في منتدى :rolleyes: شكرا للجميع حضوركم ومروركم الرائع وبانتظار المزيد من مشاركة الاعضاء شاكر لك حضورك ومرورك |
| الوقت المعتمد في المنتدى بتوقيت جرينتش +3.
الوقت الان » 01:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd