*بدايتي في التشجيع** ابي من كل عضو يكتب بدايته مع التشجيع عامه للكره وخاصه كيف اصبح يشجع الزعيم ........ طبعا انا كنت اكره المباريات بذات اصوات المعلقين ((( لانها تذكرني بالمدرسه وانا اكرها )) هذا طبعا في الابتدائي وانا رابع ابتدائي بدأت اشجع ومن بدأت اشوف الكوره وانا اشجع الزعيم والسبب يرجع لاخوي اللي بيني وبينه 10 سنين كان مشجع للزعيم متعصب بقوه وكان وحيد ولد بالاسره ومن طبعه يجلس يتكلم هذا اللاعب الفلاني شوفوا الهدف والخطاء من ذا الكلام وما كان عنده احد يتكلم معه الا انا واختي اللي بسادس ابتدائي ما خلصت رابع الا وانا مشجعه للزعيم واصبح هو اذا كان بالدوام يسألني وش النتيجه وكيف المباراه ومن ذا الا سئله وما كنا نجتمع نسولف الا في الكوره حتى نتكلم في الانديه الاوربيه ومن بعد زواجه قلت متابعه حتى مانتكلم معه بالكوره لان زوجته ماتبيه يتكلم فيها وحتى اصبح يقول لنا حاولوا تخففون في الكوره وصرنا نكره نشوفها معه عشان ما ينتقدنا على شيء هذا وسلامتكم ....................... ننتظر نسمع قصص بدايتكم............ |
برب محجوز |
من اول ماعرفت نفسي وانا احب الكوره!! قريبي سامي هو كان من الناس الي زادوني عشقا بها (( طبعا مو سامي الجابر )) |
شكرا هلالي مدريدي وهلال فن على الرد |
من صف ثاني عماني علموني وصرت احسن منهم والله |
كان عمري تقريبا 4 سنوات وما اعرف في الكوره شي وفيه اثنين من عيال عمي اخوان و كبار الكبير يشجع الهلال والي اصغر منه يشجع النصر ودايم هواش وتحدي وانواع الاكشن عندهم طبعا الهلالي بحكم انه الكبير كان دايم ( يفقع وجه النصراوي ) وانا استانس على شان الهواش ما اعرف التشجيع ولا افهم في الكوره اعجبني القوي وانرسم في بالي ان كل واحد يشجع الهلال يصير قوي والحمد لله حبيت الهلال من كان عمري 4 سنوات إلى هذا اليوم |
والله أنا من يوم ما جيت أعيش في المملكة قبل سنتين تقريبا (لظروف عمل والدي) أول كنت عايشة في الإمارات فلما يلتقي نادي سعودي مع إماراتي تبدى النغزات وحركات النذالة وبعدين جيت أسكن في السعودية وكل أهلنا كانوا هلاليين فصرت زيهم |
الفارس -5 شكرا على المرور SKY ههههههه حركات صرت قوي بني حارث والله زين ما اخترتي |
انا الي مستغربه وش لووون بديت يعني ماكان عندي خوااان اكبر مني والي اصغر يوم كبروا وصاروا يشجعون صرت انا مشجعه قبلهم ^ــ^ بس اذكر اني كنت كل ماسالني احد وش تشجعين اقول السعوديه حتى ولو كانت مباراة الهلال والنصر بس اهم شي السعوديه يوم كبرت وصرت افرق صرت اطلع مباريات السعوديه فقط وعرفت ان نص النجوم هلاليين وصرت افرق بين الي يلعب والي مايلعب ومن هنا بديت اشجع الهلال.. |
((غلاهم وماخذه حلاهم)) هلا فيك ذكرتيني بوحده من بنات عمي شافت معنا مباراه الهلال والنصر وكانت كل شوي تسأل في المباراه واحنا مورايقين لها كان الهلال خسران بهدف و كانت متفاعله معنا ومسويه تشجع وبعد المباراه سألتنا تقول وين مرمى الهلال .. ههههههههههههه.. ملاحظه......... صارت الحين تشجع اي نادي يلعب ضد الهلال سواء سعودي اوغيره |
الوقت المعتمد في المنتدى بتوقيت جرينتش +3.
الوقت الان » 12:38 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd