#1  
قديم 26/10/2007, 01:46 AM
زعيــم متواصــل
تاريخ التسجيل: 01/02/2005
مشاركات: 104
ياكوزمين... عندك وسط وهجوم يقلبون لك نتيجة أي مباراة ..(لمصلحة الهلاليين)

السلام عليكم ورحمة الله وبركاته

والله ياناس إني صرت محبط وبديت أمرض كلها بسبة كوزمين هذا اللي ضيع الهلال وراح يضيع عمرنا معه صرت زي جمهور النصر كل مباراة قدامي علاج الضغط والسكر لو المباراة مع نادي سدوس لأني بصراحة ما عاد صرت أثق ولا عاد أصدق عيوني هل هذا اللي أشوفه الهلال ولا نادي الانصار ....

ليـــــــــــــــــــه يا كوزمين تلعب 4-5-1 ليــــــــه شايفنا فريق ضعيف ولا نلعب مع برشلونه واي سي ميلان ؟؟ علشان

تلعب بالخطة هاذي ؟؟؟ علموني يا ناس طارق التائب ومحمد الشلهوب ونواف التمياط وعمر الغامدي وخالد عزيز

وقدامهم ياسر القحطاني واحمد الصويلح باللهي ياناس باللاعيبة هاذي العب دفااع ؟؟؟؟

والله شي يرفع الضغط وربي يشيب الراس وانت صغير...


لا تقولون لي هاذي خطة عالمية وما ادري ايش وهاذي خطة كنا نلعب فيها مع باكيتا

ولا توهومني ان دفاعنا سيئ وتقولون هاذي الخطة يلعب فيها علشان الدفاع سيئ

ليش دفاع الهلال سيئ وهو آخر اربع سنوات الاقوى في الدوري السعودي وارجعوا للنتائج علشان تشوفوا صحة كلامي

والله يا ناس مدربنا يسقط بنا في الهاوية والله تخبطاته واضحة في كل مباراة والدليل أمام الاتفاق دخول البرقان

واللي الله يخليه واسطته اللي مخليته يلعب في الهلال هو و ياسر الياس أبي أعرف الحين ليش عبدالعزيز عبدالسلام

ما يلعب أساسي وهو يلعب مع المنتخب الاولمبي يعني إلى هاذي الدرجة مدرب الهلال مايفكر ؟؟؟

==========================================

راحت مباراة الوحدة الاماراتي وانتهت لكن أبي ابين لكم كيف يفكر مدرب الهلال السيد كوزمين


أمام الوحدة الاماراتي بعد هدف اسماعيل مطر أدخل أحمد الصويلح ولعب الهلال كما أراد لأن الخطة تغيرت إلى 4-4-2

لكن الله ما أراد ان الهلال يسجل هدف أنتهت مباراة الوحدة وخلصت بخيرها وشرها ........... أتت مباراة نجران سجل

نجران هدفهم الاول كنا نلعب 4-5-1 وبعد الهدف أدخل الصويلح ولعب الهلال 4-4-2 وانتوا شفتوا كيف الهلال ضغط

وسوى اللي ما يتسوى لكن أراد الله وماشاء فعل بس انتهت مباراة نجران وانا وارجع اقول عن نفسي انا راضي عن

الاداء الهلال مع اني لي بعض التحفظات على المدرب مثل لعب المرشدي والزوري في تلك المباراة و انهم كانوا السبب

الرئيسي لأهداف نجران واللي مو مصدق يرجع يشوف الاهداف كلها من جهة اليسار خلصت مباراة نجران ........................

جينا لمباراة القادسية نفس الوضع مع المبارايات اللي قبلها يوم توهق السيد كوزمين دخل الصويلح ولعب الهلال بخطة

4-4-2 وانتوا عارفين في شوط واحد قلبنا المباراة فووق تحت .....


والله الهلال يبدع ويمتع اذا لعب 4-4-2 ليش اتعب ياسر القحطاني والوسط معه بسبة خطته الدفاعيه ...


الحين الهلال يلعب دفاعي اكثر من ماهو هجومي علشان كذا تشتكون انتوا من الدفاع ولا تشوفون الهجوم وش تبون الدفاع يسون كل الضغط طوال الـ90 دقيقة وهم يخلصون كور خطرة يعني ما تبون تعدي منهم اي كورة ؟؟؟؟


لأن المدرب خطته تريح اي فريق يلعب امامنا تخلي حتى دفاعه يتقدم ويسجل هدف لأن في الهجوم مافيه الا واحد ؟؟


وبصراااااااااااااااااحه 4-5-1 لا تصلح للهلال

في النهاية اتمنى تعذروني على هذا الكلام لأنه وربي مقهرو من الحال اللي وصل له زعيمنا >>> منغبن وده يبكي


واعذروني على الاطالة .......... سبحانك اللهم وبحمدك أشهد ان لا إله الا انت أستغفرك واتوب اليك

والسلام عليكم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:06 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube