السلام عليكم ورحمه الله وبركاته

كيفكم ان شاء الله طيبين

يا جماعه الخير

انتم جمهور الهلال اكيد ولا تشجيع بس اخاف تشجيع بس

ماعلينا المهم كلكم هلاليين

يا جماعه يا جماعه يا جماعه

اذا انت هلالي ليش تسب لاعبك عشانه ضيع هجمه عشانه اخطأ

لا احد يقولي اخطائه لا احد يقولي ضيع هجمات كثيره

ابي اسالكم سؤال صريح لكل مشجع هلالي يعشق الزعيم وبتمنى الخير

ياسر ابدع وامتع وسوا ومدحتوا فيه الى ما قلتوا ولا الضالين يوم ضيع البلنتي قدام الوحده قمتوا سب وشتم وماخليتوه بحاله تقول بس حاشرن له فار بزاويه

يا جماعه والله عيب انت تكت كذا من ورا النت يعني لو تسب وتشتم ما احد يعرفك

يا ناس والله عيب

طيب اذا انت عندكم عشاء وانت الي تصب قهوه وصبيت لواحد وجاء ضيف وسلم وقام الي صبيت له القهوه وابوك قال صب القهوه هنا يا ولد وانت تدوره ما يضحكون عليك يقولون عليك مزحات وتنحرج صح ووقتها تتعلم الدرس هذا وتقول ما راح اكررها والعشاء الثاني جيت تصب القهوه وانت مركز وقاموا يمدحونك يقولون لا والله اليوم رجال ما ضيع وعينه على الفناجيل


واذا ضيع الرجال الي تصب له قهوه وانت تدوره وابوك يقول لك يا " حمار ما تشوفه وراك " وش تسوي وقتها تنحرج وتتحطم تحطيم عماير البنتاغون يا شيخ وش تسوي ودك تترك الدله وتمشي ولا عشان ابوك ما ودك تترك الدله اذا طلعوا زعلت ورحت لغرفتك

فكروا فيها للعقول الراجحه


تحياااااااتي لكم