السلام عليكم جميعا
اول شيء احب ابارك لكم حصول منتخبنا على كأس الخليج.
ثاني شيء أنا تصفحت مواضيع منتدى شبكة الزعيم التي تتعلق بمنتخبنا وكأس الخليج وانطباعات الجمهور الهلالي عن هذه البطولة .
حبيت اشوف ردة فعل الجماهير الأخرى وذهبت الى منتدى شبكة النصر ومنتدى الجماهير الأهلاوية وشفت مواضيع والله تموت من الضحك .
كل همهم حرام المنتخب يفوز لأن مستواه زفت ولاعبينه كلهم من الهلال .
وأي كلمة يقولونها لازم بعدها هلال الظاهر هالكلمة ما تفارقهم حتى وهم ياكلون .
بعضهم يستهزيء بمستوى الكابتن أحمد خليل ويقولون ان مستواه زفت .
مو مشكلة خلينا نقول ان مستواه زفت .
مين فيه غيره .
أحدهم يقول صالح الداوود والثاني يقول باسم اليامي وهو توه مسوي له فضيحة وغير كذا هو فضيحة خلقة . وبعدين أحمد خليل وخصوصا في آخر مباراة لعب مباراة كبيرة جدا وغير أدواره الدفاعية صار صانع ألعاب وصنع هدفين جابت لنا البطولة .
لا وفيه بعضهم يقولون ليش يلعب الجمعان ويا ليتهم يقولون يلعب المشعل كان اهون لكنهم يقولون حمزة ادريس
اللهم لا شماتة .
واحدهم يقول ليش خميس الزهراني ما يلعب في المنتخب .
ومشجع أهلاوي يقول عمر الغامدي ليش يلعب والقهوجي فيه ؟؟؟!!!!!! الظاهر انه ما يفقه في الكورة شيء هذا ......ما يدري ان القهوجي موقوف من قبل ادارة نادي الأهلي وشلون يلعب في المنتخب وهو ما لعب في ناديه .
وغير كذا بعضهم يفترض التشكيل المثالي ووالله يا انا ضحكت من قلبي على التشكيل المثالي على قولتهم .
طبعا الحراسة تمام ما يقدرون يقولون كلمة عنها .
يقولون في الدفاع يشيلون الدوخي ويحطون شلية !!!!!!! الدوخي لو يلعب وفي رجله جبيرة أفضل من شلية او غيره .
ويشيلون خليل وينزلون الداوود أو اليامي !!!!!!! والله مسخرة الله يرد لهم .....قولوا آمين .
وفي الوسط يبون اللي يلعب فيه قهوجي و وخميس الزهراني وبعد خرابيط قالوها ما ادري وش هي . بس والله ان تضحكون من قلوبكم على جهلهم وغبائهم .
ايه نسيت ابراهيم سويد يبونه يلعب بعد أساسي .
وفي الهجوم يبون بعضهم زعلان وضايق ويقول ليش ما ضموا الشيحان وناسين انه مصاب
:p
:p
او يبون حمزة ادريس يلعب في الهجوم .
نصيحة للي ضايق صدره ويبي يوسع صدره يروح لمنتدياتهم ويروح يوسع صدره .
في النهاية ما أقول الا الله يعافيهم ولا يبتلينا .
والسلام عليكم
الوضع العادي
