2 لاعبين قاهريني في الهلال السلام عليكم ورحمة الله وبركاته فيه اثنين من اللعيبة في الهلال مالهم فائدة واحد يمكن يفيدك شوي اما الثاني مالك امل يفيدك وحتى لو يجيب كور من وراء الباب -----الاول خالد عزيز اللي يعطيك في المباراة بحماسة وقوته وبعدين مافيه سد للدفاع الا في القليل من الكور وفي الاخير يتحملها المفرج المسكين والدعيع -------- اما الثاني اللي مايفيدك ابدا ولا مرة شفته فاد الهلال واساسي في كل مباراة ماتحصل منه شي اللي هو الغامدي لا تقطيع كور ولا اي شي يذكر في المباراة حتى انه لوغاب عن الفريق الهلال يفوز بنتيجة كبيرة في اغلب المباريات --------- اما عزيز الغامدي فيجتمعون في حاجة عمركم شفتوا عزيز والغامدي يمررون او يصلحون هدف للهجوم ابي واحد يرد علي ويقول الا قد صلحوا هدف اوصنعوا هدف ولا في الاحلام -حتى في المحور مايفيدون بشي ابدا وهذا هو اللي دهور الهلال ذا اللاعبين الاثنين حتى المنتخب متضرر منهم علة على الفريق ------- انا ابي محور رايق وممتع ومهاري ويقطع بفن ويمرر تمريرة هدف او يفيد باي حاجة ابي محور مثل ----- بيرلو واكسافي و اكسافي لونسو والعديد من اللعيبة عالميا اما محليا فهناك الله يذكره بالخير فيصل ابو ثنين تلقى منه كل حاجة يقطع ويمرر تمريرة هدف وكابتن ويسجل فاولات واوفرات ممتازة والكثير من المزايا اما في الوقت الحالي فيه في الهلال البرقان اللي مظلوم مظلوم من الجمهور وهو ماخذا ماخذاه الغامدي وعزيز ومبارياتها تعد على الاصابع ولين لعب صنع لك هجمة او هدف ويقطع ومهارة ورايق في المحور هذا اللي انا ابيه ----- وعندك عبده حكمي واحمد عطيف وتيسير الجاسم وصاحب العبدالله وعبدالله الواكد والكثير الكثير من اللاعبين ------- |
مع احترمي لك للعلم فقط أن سر تألق الهلال إذا كان عزيز والغامدي بمستواهم وإذا شفت في أي مباراة الهلال والتايب وياسر والشلهوب يبدعون اعرف ان عزيز والغامدي قاموا بدورهم كامل أما المباراة الاخيره كان عليهم أخطاء اولها وأهمها تراجعهم للخلف كثير وعدم الظغط على لاعبي الاتفاق في وسط الملعب هالشي خلاهم يضغطون علينا طول المباراة ومن ناحيتي مألوم عزيز على هبوط مستواه في مباراة الاتفاق تفكيره بعقوبة التوقيف اللي عليه علاوة على تجديد عقده مع الفريق |
وش رايك تقول ولا مره صارو حراس وصدو كوره !! موضوعك أضمه لقائمة المواضيع اللي (ماتشوف شر) |
انا اول مره في حياتي اشوف شخص يشتكي من الغامدي وعزيز افضل المحاور في المملكه وكل الجماهير اشادت فيهم وفي مستواهم وغير كذا شفت كيف لما خلصت عقودهم رؤساء الانديــه يسابقون بعض للتعاقد معهم .. صح في المباراه الاخيره هبط مستواهم وكل نجم طبيعي ان مستواه يهبط فتره ويرجع .. والمدرب ادرى منك لو ان شايف عليهم شي ولا شي ماشركم بالمباراه اساسيين ! بعدين ارتاح عزيز مارح تشوفه في الدوري عشان العقوبه .. المهم تراهم احسن الموجودين والمحور مو محط تفكيرنا الحين .. حنا الحين نبي ظهييييييير لان هالكلام ماينفع دلوأتي . |
طيب من البديل برايك؟؟ وشكرا لك |
لا أفضل محاور واللي متفاهمين الواكد والزهراني يا مندس |
معليش والله ما انتبهت لاسم عبد الله الواكد دوبي انتبهت له فحبيت اعبر عن استغرابي الشديد |
اسمح لي رايك غير صحيح تتكلم عن افضل لاعبين بالمملكه وين عقلك وانت تكتب الموضوع ، صحيح عليهم اخطاء بس مااقول عليهم انهم سيئين لهالدرجه...تكفووون فكروووا الف مره قبل محد يكتب كلمممه ،،، شكرا |
السلام عليكم ورحمة الله وبركاته أخي الفراس قد تكون محقا قي كلامك عن المحاور المميزين الذين لا يتواجدون في الدوري السعودي. أما بالنسبة للاعب خالد عزيز فلابد من أن يكون هناك محور دفاعي بحت والثاني يساند الهجمات في الحقيقة رأينا في الأعوام الماضية بعض من المحاور الجيدين ولكن لا نعلم الاسباب التي تدفع المدربين أن يلعب بهم أمثال الغنام و مازن الفرج . |
كيف الحال أنت مجنون أحمد ربك أن عندك أبوعزيز والغامدي الظاهرأنك ؟؟؟؟؟؟؟؟؟؟؟؟؟؟؟؟؟؟؟ |
عندك عقليه كرويه ممتازه:d وين الفيفا عنك .. |
خالد عزيز عمر الغامدي ياسر القحطاني سبب النكبه السلام عليكم ورحمة الله وبركاته بدون مقدمات يا أعضاء و اسمحولي إن غلطت في جملة أو كلمة لأني أكتب و أنا مقهور إلى ذي الدرجة وصل تفكير أعضاءنا أتوقع ليس من جمهور الهلال بل من جمهور آخر ليس يكره الهلال بل أكثر من ذلك سبب نكبة الهلال عمر الغامدي اللي ما يعرف يمرر ولا كورة وخالد عزيز اللي يمشي ولا يدري وين يروح وياسر اللي قاعد يتفرج على مدافعي الفرق أجل وش باقي على التايب و الشلهوب . الثلاثي هذا هم من أعمدة المنتخب ويكفي مدرب منتخبنا لا يستغني عن عزيز و ياسر لا تعليق لأنه لا يحتاج أن أعلق ، أما عمر فنعم يا عمر أنت الجندي المجهول و أنت في غير مركزك ألم تسمع تصريح المدربين عن هذا اللاعب أنه يلعب في أي مركز يريدونه . لا أقول إلا لا حول ولا قوة إلا بالله . |
قايلها انا من زمان مشكله الهلال في بعض جماهيره يااخي عليك عقليه انا ماادري وش تبي الحين الغامدي وعزيز مايلعبون زين اجل من اللي يلعب البرقان وانت ؟؟ |
انتم ما احد عاجبك في الفريق؟؟؟؟؟؟؟؟؟؟؟؟؟؟؟؟ |
والله ضلمت اللاعبين اللاعبين من افضل محاور التغطية في السعودية وانا اتفق معك ان في قصور في الدعم الهجومي بس حتى الان مافي مثلهم بالسعودية في التغطية |
الوقت المعتمد في المنتدى بتوقيت جرينتش +3.
الوقت الان » 02:23 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd