منصور الاحمد لشبكة الزعيم : الاتفاق احرجنا والمفرج نجم المباراة ( تصريح خاص )
 

http://vb.alhilal.com/news/Untitled-13.gif

http://vb.alhilal.com/news/loogo.gif

متابعة : عاشق بويعقوب

http://vb.alhilal.com/news/Fa9l-2.gif

رأيك بالمباراة وبالمستوى الهلالي خاصةً ؟

اول شيء نقول الحمد لله رب العالمين المباراة انتهت بالتعادل وهي نتيجه عادله لكل الفريقين ، الشوط الاول الهلال مسيطر على مجرى المباراة واستطاع تسجيل هدف مبكر كان بجمله تكتيكيه رائعه ، والشوط الثاني للاتفاق بحكم انه خاسر واكيد يبحث عن التعادل كون المباراة على أرضه والنتيجه بالنسبه لنا كهلاليين مقنعه بحكم ان المباراة خارج أرضنا وان شاء الله بمباراة الرياض راح نتأهل جميعاً ، مافيه خاسر اكيد والاهم ان النهائي فيه طرف سعودي

فتره طويله تقارب الشهر بين لقاء الذهاب والإياب هل فيه تخطيط او متطلعات للفريق ؟

بالتأكيد عندنا متسع من الوقت الى مباراة العوده والمدرب لديه فتره كافيه لتفادي السلبيات التي حصلت بمباراة اليوم وان شاء الله التأهل يكون من نصيبنا ، الفريق الاتفاقي فريق كبير وعتيد واحرجنا كثير بمباراة اليوم ولكن ان شاء الله المرحله المقبله ستشاهدون فيها هلال مختلف بإذن الله

مامدى جاهزية اللاعبين لبقية المستحقات ؟

الحمد لله كل اللاعبين بأتم صحه وعافيه والجميع اليوم ادى جهد جبار في الملعب واحب ان اشيد بالدور الكبير النجم فهد المفرج اللي يعتبر نجم اللقاء بدون منازع وهذا مو غريب على الكابتن فهد
وبالنسبه للإصابات الحمد لله مافيه وبأذن الله الكل جاهز لمباراة الحزم ونتمنى التوفيق

كلمه خاصه لشبكة الزعيم وللجماهير الهلاليه .

الحقيقه انا عاجز عن الشكر لجمهورنا الكبير الوفي ومهما قلنا لن نوفي حقه اللي تواجد بأخلاص بكل مكان ومااقول الا الله يعطيهم الف عافيه وان شاء الله هالموسم بنسعدكم كماعودناكم في المواسم الماضيه ومانريد الا وقفتكم اللي بتدفعنا للأمام
وبالنسبه لشبكة الزعيم الحقيقه مهما قلنا عنها لن نوفي حقها لانها دائما تتابع الهلال بكل صغيره وكبيره وكل الشكر على القائمين عليها ونتمنى لهم الابداع والوقف بجانب الهلال في المرحله المقبله لاننا بحاجة وقوف الجمهور الوفي

http://vb.alhilal.com/news/Fa9l-2.gif

http://vb.alhilal.com/news/logoalzaeem.gif

يعطيكم العافيه ..
وبالتوفيق للزعيم ..

المفرج قدم مستوى حلو جداجدا

الله اكبر (المفرج) نجم المباراة !! :sick:

مشكوووووووووووووور

يعطيك العافية وماقصرت

وبالفعل المفرج اليوم نجم المباراه بلا منازع انشاء الله يستمر على هذا المستوى وينسينا تفاريس

بالتوووووووووووووفيق للهـــــــــــــــــلال

بــــــــــس أحــــــــــــــوال الهلال ماتأهله لكســـــــب بطـــــــوله واحدهـ..!!!!!!!

كبييييييييييييير المفرج

كعادته المفرج مبدع لاجديد

بالتوفيق للهلال

يعني انك جايب شي جديد الحين ؟!

ندري ان الاتفاق احرجنا

ياخوي اقلعوا الكديش و اولهم الياس من النادي حرام عليكم

بالتوفيق للزعيــــــــــــــــــــــــــم

نسقوا الياس والمفرج نجم المباراة

:) ,,

عــوافـــــي ..

كلام سليم من منصور الاحمد والمفرج ماقصر اليوم لعب بروح واخلاص ...

ولكن اختلف مع الاحمد في نقطه وهي قوله الاتفاق احرجنا !!! الصحيح هو أن

المدرب احرجنا بلعبه بمهاجم وحيد واعتماده على الدفاع !!!

يعطيه العافيه منصور الاحمد يقوم بجهد جبار وانا كنت اتابع سياسته والله يعافيه يارب ويعينه


وشكرا ادارة الاخبار على مجهوداتكم الكبيره

مشكوووووووووووورين

الأحمد اقسم بالله الشرهه مهب عليك على اللي مخليك في الأداره الى الأن اجل المفرج نجم المبارات الله ستر ولا حسب الحكم ضربة جزاء ولا الثانيه يوم انه يغير اتجه الكوره لولا الدعيع كان مشبكه الكوره في المرمى وش بقى قال نجم قال والله لو احنا مانشوف مالنا عيون

مشكورين ويعطيكم العافية

مشكووووووووورين ،،،

متابعة : عاشق بويعقوب


الله يعطيك العافية

والأحمد لايمكن ان ينسى ان يشيد بالمفرج

يا أستاذ منصور المشكلة من بداية الموسم وأنتم تبي تفادونها يا أخي المشكلة واضحة وضوح الشمس المشكلة (( الدفاع )) وللمعلومية يجب أن لا تمر التخبطات الدفاعية اليوم مرور الكرام والله القائم والعارضة وقفت مع الأزرق اليوم وهنا أنا لا أنتقد المفرج أو تفاريس بالعكس اللاعبين هذان تحملوا عبء الدفاع بالكامل وسلم لي على الأظهرة وخاصة إلياس !!

يالله المباراة عدت لكن المشكلة الدفاعية ما زالت مستمرة :upset: !!

هذي وجهة نظر مدير كرتنا لازم نحترمها والله يستر من اللي جاي

بالتوفيق للزعيم ومشكورين

المفرج ما قصر

بس الياس ؟؟

مشكورين

يعطيك العافية وماقصرت

وبالفعل المفرج اليوم نجم المباراه بلا منازع انشاء الله يستمر على هذا المستوى

ماقصر المفرج نجم المباره بلا مناازع


مشكور يالغالي

المفرج انت الافضل

الى الامام

المفرج ماقصرت لكن الحكم الله اعماة ولا فية سواهي

لو يفكنا الاحمد كان بخير

الحين تأكدت 1000000000000000% أن الأحمد هو واسطة المفرج

أجل نجم


تدرون وش اللي قاهرني من جد ويحز في خاطري


أن المفرج أنسان ملتزم و(( نصاااااااب ))


ماتجي والله ماتجي

ولا أوصيك يالأحمد حطم المرشدي عشان عديلك المفرج

------------عفوا يا منصور لا تكابر وقول الحقيقة النتيجة غير عادلة وكان ممكن الاتفاق يخلص المباراة بأكثر من اربعة اهداف غير ضربتي الجزاء اللي على المفرج وتفاريس وتغاضى عنها حكم المباراة لكن الحمدلله ربك ستر !!
----------- يعني معقولة نشوف حارس الاتفاق مرة وحدة بس في الشوط الثاني!!
---------- المفرج والدعيع هما نجما الهلال في المباراة واللي يقول غير كذا مافي راسه كورة !!
--------- الشلهوب نايم طول المباراة والمدرب مافهم الا بعد هدف التعادل !!
--------- الصويلح من بدري يلعب يامدرب يا كبير!!!!!!!!!!!!!!!!!!!!!!!!!!!!!!

المفرج كان جيد نوعا ما
بس الهفوه اللي ارتكبها وماشافها الحكم ... !
وياسر الياس انا ما الومه على مستواه .... لأن اللاعب اللي يلازم دكة البدلاء لازم يخيس (( فنيا ))
وسلامتكم

يعطيكم العافيه ..
وبالتوفيق للزعيم ..

لقاء اكثر من رائع من المبدع عاشق بويعقوب واتفق مع الاخ منصور الاحمد ان المفرج نجم المباراة واضيف اليه خالد عزيز بس انا عندي استفسار اذا قدرتوا توصلونه للاخ منصور الاحمد الدعيع اليوم كان مرتبك كثير ليه

لا انت ولا غيره يكحم على مستوى المفرج

وبعدين اي مجاملات اللى تقولون عنها انا ادري ان ماعندكم ماعند جدتي في الكوره


بعدين عيب على الاخ اللى حط منصور الاحمد عادل امام استح على وجهك خلك مكانه مضيع بيته واهله من اجل خدمت ناديكم
اللى ولا اداري ناجح غير ابو سلطان الله يجزاه خير تارك بيته واهله من اجلكم وتسبونه وش ذنبه اهو غير انه اداري وبعدين قرار ابعاد المفرج بيد المدرب لا رئيس النادي ولا غيره يتكلم وخرو عن هالمهزله انت وياه يفوز الفريق تمدحون يتعادل ويخسر تحطون اللوم على ناس مالهم دخل حط اللوم على لاعبين النص والهجوم ليش ماتقول ياسر ضيع المباراة ولا من شان شعبيته اكثر من المفرج ترى عيب عليكم المفروووض توقفووون مع ناديكم في الحلوة والمره مو تسبونه

وبعدين حبيت اقول لاي شخص ينتقد لاعب او اداري او مدرب اقول له بعااااااااااااالي الصوت خلك مكانه ونشوف وش تسوي

المفرج هو نجم المباراه بلا منازع


واللي يستهترون بالردود كلهم مندسين

بشهادتي انا

المدرب جبان ومن البدايه ليه ما لعب الصويلح والا بعد رفع الضغط والسكر ياجماعه الحل العاجل ولا يكون بعد خراب ما لطه والله انى اعتقد ان طموح المدرب الخروج بالتعادل وهذا كارثه للهلال الزعيم وينك يا بلا تشي ويييييينك التعادل طموح ويبغون بطوله بعد

مشكورين ماقصرتو

والله ان تدفعون ثمن مديحكم للمفرج والأيام جاية

هههههههههههههههههههههههههههههههه
اجل المفرج نجم المباراة
اشوى ان هناك بلنتي فاااضح جدااا للبرنس تاغو تسبب به مخرج 17 المفرج لكن يحمد ربه الفرج ان الحكم كان بعيد وتمركزه غير واضح والا كان تم احتسابها بدون تردد
وهي بصراحه ركلة جزاء لا غبار عليها بدون مجامله

والله كل الفريق داج

شرر البليه ان هذا تصريح مدير الكره الهلالي

يعني الهلال ماهمه اهم شيء المفرج يمدحه وهو النجم

بدل ما يواسيناا على المستوى السيء يحاول يرفع ضغطناا ويمدح المفرج

يعطيكم العافيه ..
وبالتوفيق للزعيم

واحب ان اشيد بالدور الكبير النجم فهد المفرج اللي يعتبر نجم اللقاء بدون منازع وهذا مو غريب على الكابتن فهد

8
8

8

هههههههههههههههههههههههههههه والله حرام فيك هالمنصب يا اخي اضحك على غيرنا

اجل مالديني نجم المباراه والله حاله وين ياسر وين تفاريس وين التايب


تكلم عدل والا لاتصرح ابد

:thumbup::thumbup::thumbup::thumbup:

صار المفرج نجم المباره يالاحمد والله مانكب الهلال الا انت وامثالك

ضحك على الدقون يالشاطر

تناقض نفسك يا منصور الأحمد نجم المباراة محمد الدعيع والباقي أجساد بلا روووووووووووح ياسر جالس كل دقيقة يناقش الحكم

خالد عزيز تكمله عدد والغامدي ولا كنه موجود التائب يطلع ويختفي والشلهوب ما يتحرك والياس(( لاعب كراتيه )) صاير قلب دفاع والبقيه

ما حولة أحد.............؟؟؟؟

بصراحة أستغرب أن يتم منح الأفضلية لفهد المفرج

أرجو أن لا ننظر من عين واحدة

وراء الاكمة ما وراءها يا منصور

الله يعطيك العافيه
والله يوفق الزعيم

المفرج أدى ماعليه كمدافع والله يعطيه العافية....ونقدر نقول إنه نجم الهلال في المباراة وليس نجم المباراة. لإن نجم المباراة بصراحة الاتفاق بضغطه الرهيب على الملعب والمرمى الهلالي...وتهديده أكثر من مرة...مقابل صمت هلالي رهيب وتفرج عجيب..!

الله يهديه بس


اي نجوميه وهو بغى يجيب العيد بالبلنتي اللي ما شافه الحكم

بالتوفيق للهلال