وش تبون ياجمهور هوساوي تبون محمد بن فيصل ياخذ رشاشه ويقول عطوني لاعبكم - نادي الهلال السعودي - شبكة الزعيم

امير نصف الأرض · #1 26/10/2007, 04:20 AM

ذبحتونا والله لاعب مايستاهل اكثر من 5 مليون ورغم كذا عارض عليهم 17 مليون

ومسوين فيها بعد رافضين عارفين حاجة الهلال للدفاع وقاعدين يساومون وماسكين الهلال

من اليد اللي توجعه ..... صفقه مبالغ فيها جدا هل هو افضل من عزيز او الشلهوب او عمر

او الدعيع او ياسر يوم انهم يطلبون مبلغ نجوم الهلال والمنتخب السعودي ماتعدوا 5 مليون

بإستثناء ياسر وكلنا نعرف السبب ....... هوساوي لم يصل لنصف نجومية لاعبينا المذكورين

على ايش يبغون 20 مليون ولا بيشاورون الله يازمن العجايب وش بقى ماظهر هوساوي

بسعر 20 مليون ويمكن يجي بعد على حسب رضى اهل مكه هههههههههههههههه

وش تبون يسوي محمد بن فيصل ياخذ رشاشه ويقول عطوني لاعبكم بالغصب ولا ايش

علمونا يمكن عندكم طريقه سحريه وانا غشمان مانعرف ....... دفع فيه هالمبلغ ورافضين

وش تبونه يسوي ترى ازعجتونا تخبط اداره تخبط مسخره والله انتم اللي ماعندكم سالفه وبس ..

جمهور الفوز والخساره والعاطفه والسب والتجريح والغمز واللمز هذا اللي شفناه منكم

ماشفنا يوم مدحتوا الاداره او اللاعبين مغير سب وتجريح ونبغى هاللاعب وفي وسط القمر هذا

لاعب مجنون وكل يوم حاطين لنا لاعب جيبوه بالغصب يامحمد بن فيصل وجودكم ضرر على

الهلال ....... وصارت الشبكه والمواقع الهلاليه تضيق الصدر من........... مانيب قايله ........

بلووو · #2 26/10/2007, 04:22 AM

فهدالمفرج وبس المشكله مو في الدفاع المشكله في الاظهره

هلالي119 · #3 26/10/2007, 04:25 AM

مشكووور

هلالي تندحاوي · #4 26/10/2007, 04:27 AM

مافيه في ذا البلد الا هالولد!!!!!!!!!!!!؟؟؟؟؟؟؟؟؟؟

9الذيب9الهلالي9 · #5 26/10/2007, 04:31 AM

كلام رائع جدا

ALMALAKY · #6 26/10/2007, 04:33 AM

طيب انا راح اقوولك !

إذا الرئيس مايقدر يحسم صفقات زي العالم .. ابسط حقوقه إنه يترك الرئاسة لغيره ويستقيل !

شمآلي هلآلي · #7 26/10/2007, 04:37 AM

بالفعل هو حاول والباقي على الله ..

بس إذا ما قدر يجيب هوساوي الافضل انه ما يجيب أحد ..

إلى الأمآم يآ رئيس الهلال..

امير نصف الأرض · #8 26/10/2007, 04:41 AM

إقتباس

الرسالة الأصلية كتبت بواسطة بلووو


	فهدالمفرج وبس المشكله مو في الدفاع المشكله في الاظهره

نعم اتفق معك المشكله مو بقلب الدفاع فقط ومعهم ظهيري الجنب

قناص بن ياسر القناص · #9 26/10/2007, 04:41 AM

كلامك سليم

هو حط العرض والوحده رافضيك

عاد كيفهم هم ولاعبهم

المهم نبي ظهير يمين

امير نصف الأرض · #10 26/10/2007, 04:44 AM

إقتباس

الرسالة الأصلية كتبت بواسطة ALMALAKY


	طيب انا راح اقوولك ! إذا الرئيس مايقدر يحسم صفقات زي العالم .. ابسط حقوقه إنه يترك الرئاسة لغيره ويستقيل !

تعرف معنى عرض وطلب ولا ماتعرف

الرجال دافع مبلغ جنوني ورغم كذا رافضين

وشفيكم مصرين الا غصب يجي الظاهر فعلا تبون ياخذ الرشاش

ويقول غصب عطوني لاعبكم وراي جمهور يبيه بالغصب سوى اللي عليه

وبمبلغ جنوني ورافضين بعد علمونا ياللي تفهمون وانا مانفهم !!!!

عزتي في سمو ذاتي · #11 26/10/2007, 04:50 AM

انا اشهد ان كلامك سليم 100 %
يعني الاخ هوساوي
مايستاهل اكثر من 5 مليون
ومع ذلك محمد ن فيصل
قدم له 18 او 17 مليون
واداره الوحده
تبينا ناخذها بـ 20 مليون
ابو سلطان ماقصر سو ا اللي عليه
والباقي عاد عند ادارة الوحده

امير نصف الأرض · #12 26/10/2007, 04:25 PM

نتفق على معاناة الهلال بالدفاع

ولكن انا مااحب الأستغلال وهو اللي

صاير للهلال وفيه بعض الناس تقول عادي

وهنا غلبت عاطفتها على مصلحة الهلال

لو دفعنا فقط لهوساوي 20 مليون

نيستا زمانه

وش بقى من ميزانية 40 مليون للسنه باقي لاعب

اجنبي وباقي اظهره يمين وشمال كم يبيلهم من مليون

لانفكر بس بجلب هوساوي ممكن نعطي المرشدي الفرصه

ونصبر عليه المرشدي كان اساسي بالوحده وهوساوي احتياط

والله ماذبح لعيبتنا الا انتم بنقدكم الجارح عطوا المرشدي الفرصه

وطالبو به وانسوا هوساوي وبتشوفون لاعب كبير بس اهم شي يلتزم

بالتدربات ويترك طبعه بالغياب ........

brad pitt · #13 26/10/2007, 04:42 PM

إقتباس

الرسالة الأصلية كتبت بواسطة امير نصف الأرض

تعرف معنى عرض وطلب ولا ماتعرف

الرجال دافع مبلغ جنوني ورغم كذا رافضين

وشفيكم مصرين الا غصب يجي الظاهر فعلا تبون ياخذ الرشاش

ويقول غصب عطوني لاعبكم وراي جمهور يبيه بالغصب سوى اللي عليه

وبمبلغ جنوني ورافضين بعد علمونا ياللي تفهمون وانا مانفهم !!!!

طيب إذا كنت صادق ورنا صوره من خطاب طلب هوساوي من إدارة الوحده.

محب عبادي الهذلول · #14 26/10/2007, 04:45 PM

لانريد هوساوي ولا غير هوساوي نريد صناعة فريق من شباب النادي وصغاره ويكون ذلك

بالتدريج والوقوف معهم وعدم سماع أصوات الجماهير العاطفيه الي كل يوم تطلب لاعب جاهز

ياأخي نريد أن يعود الهلال كما في عام 1405 اذا انت من القدامى ولست من الجيل الحالي

أنجب الهلال في ذلك العام الثنيان وسعد مبارك واليوسف وغيرهم وهم شباب النادي ولعلمك

لامانع لدي من جلب اللاعبين من خارج النادي ولكن في حدود ضيقه

Azzurri06 · #15 26/10/2007, 04:59 PM

مـــــــــــــــــــــــــــــــــــا نبـــــــــــــــــــــــــــــــــــــــــــــيه
المـــــــــــــــــــــــفرج احـــــــــــــسن منـــــــــــــــــــــــــــــــــــه