نادي الهلال السعودي - شبكة الزعيم - الموقع الرسمي

محششين يغازلون بعض

----------------------------------
اول شي المحشش
----------------------------------

حبيبتي ... يامصيبتي ... ياسعبولتي

مالي اراك دوما بالحوش منسدحه ..

والبساسه من حولك منبطحه ..

؟؟؟

؟؟؟

ما أجملك وانتي بالزنوبات تركضين ..

إنتي بين الفتيات ..

هم حبوب الكيرم وانتي الخمسين ..

هم الجحه و انتي الــســكين ..

إنتي الفلته .... وهم مستدلخين..

حبيبتي .. إنتي عسيب نخله.. بل انتي ركبة نمله ..

إنتي لينا وانا عدنان ..

أنا سوق الخضرة .. وانتي صندوق بردقان

حبيبتي .. تراي جوعان ..!!

ياصندوق البردقان ... ياغطا جالون .. يادعاية صابون ... ياسيارة بلا طبلون .... ياقمله لازقه بشطرطون...

حبيبتي انا بدونك ..

زي طلعة شباب بدون القطه ..

زي الغدا بدون سلطه ..

زي الشاورما بدون شطه ..

زي الكوريلا ... بدون شنطه ..

حبيبتي ...انتي السكه وانا القطار ...

إنتي المطرقة..وانا المسمار ...

إنتي المنقله وانا الفرجار ...

حبيبتي ..

فيه احد ياكل سلطة بدون خيار ...!!

ياخيارة حياتي ...
يابويبينة لمباتي ...

بالأخير ... بسألك سؤال صريح ...

هذي سيقانك ... والا مراجيح ...!!

* ياحـبيـبتي ترى حـبـك رجـنـي رج الـلـبـن **

بديت مافـرق هو الكيري قـشطه والا جـبـن...!!

----------------------------------
الحين دور المحششه
----------------------------------

البنت ... وبعد ان اضناها الشوق ... وتحركت مشاعرها بعد قراءتها لخاطرته ,,

حبيبي ...

ماذا تبي ... ؟

ياكثرك... ياحبي ...

أشتق لك شوق مهوب بسيط ... حبي ينقط بقلبي تنقيط ...؟

يابعد براميل شارع التفحيط ...؟

حبيبي ...

خذني الى الحوش ... لكي نلهو ... ونلعب ... مصاقيل ...

ونسمع اخبار بوش..واركض قدامك ..وتطلع العصاقيل...

حبيبي ... ياشلختن من تسبدي ...

حبيبي ... أنا غيرك مابــــدي ...

حبيبي ...

إنت الجنوط ... وأنا الكفرات ...

إنت راس المعسل ... وانا الجمرات ...

إنت الددسن وأنا الصندوق ...

إنت اللحمه وانا المرقوق ...

ياحبيبي ...

يادفتري المشقوق ...

أحبك كثر البيض المسلوق ...

حياتي بدونك حوسة ... والخشة معفوسه ...

وشعري شوشة... والكشة منفوشه ...

وبالحوش تلقاني

يابوشقة مفروشة ... ترى نبي كيلو كوسة ...

أتذكرك وانا آكل سليق ... كتبت اسمك على غطا بريق ...

إنت بدنيتي زي ريموت الــتلـفزيون ... ومثل الغطا لــلقوطي ...؟

وبدون شوفك اصير باب بدون كيلون ... وزي النكته بلا حوطي ...؟

حبيبي..اذلف انت ووجهك....؟

وتفــــارق الحبـــيبين لأســــــباب مجهــوله لايعلمهـــا أحــد ..!!

الله الله بالردود اللي تبرد القلب

تراني متحمس وابيكم تزيدون من حماسي بردودكم لا تحطموني

ابحث عن سعادتكم وابتسامتكم فعبروا عنها بردودكم وانتظروا المزيد