لا جديد::: مع 4- 5 -1 ... وداعاً بطولة الخليج !!! - نادي الهلال السعودي - شبكة الزعيم

زعيم الكواكب · #1 22/10/2007, 11:42 AM

مساء الزعماء

تقول الأخبار الواردة اليوم أن المدير الفني كوزمين سيلجأ للعب بطريق 4-5-1 ضد الاتفاق في نصف نهائي الخليج !!

وأنا أقول :

في ظل هذا الدفاع المتهالك أصبحت هذه الطريقة عقيمة جداً ولن تغني ولا تسمن من جوع فعدم تسجيلنا في مباراة الذهاب سيجعل الأمور صعبة جداً في الإياب وهو ما حصل أمام الوحدة الإماراتي، فإذا كان كوزمين لا يملك دفاعاً قوياً فهو يملك وسطاً وهجوماً خارقاً ، فاللعب بمفاتيح الفوز هو الأسلم ، أما أن تلعب مدافعاً أمام مهاجمين خطيرين جداً وهما البرنس تاغو وصالح بشير ودفاعك أخطاؤه كثيرة أمام مهاجمين عاديين فكيف بهؤلاء.

إذا كنا نبحث عن الفوز فلنبحث عن الهجوم فخير وسيلة للدفاع الهجوم، وإذا أصر كوزمين على طريقته فوداعاً بطولة الخليج وسترون !!

شكراً

تحسي بيا · #2 22/10/2007, 11:48 AM

ياخي لا تلومه ,,,, ما فيه اضهرة صح ,,, ولا قلب دفــاع يغطي .... والحارس بعد نازل مستواه
يعني هلالنا اللحين يلعب اكثر من 3 سنين 4-5-1 بسبب الضعف الواضح في الدفاع ,,, والمشكلة الادارة ما شافت حل في هذا الخط ؟؟؟؟؟؟

حمـ(الهلالي)ــد · #3 22/10/2007, 11:48 AM

عاش جمهور الهلال المنظر
\

ماشاءالله
كلكم مدربين واداريين وخبراء كرة قدم
يافرحة الهلال فيكم

اتركو هالتفاهات ولاتشوشو على الجماهير

ALMn3F6 · #4 22/10/2007, 11:49 AM

من متة الهلال يلعب بمهاجم واحد

الله يرجع ايام هلال زمان يلعب لعب مفتوح وبمهاجمين ويتلذذ في هزم الخصوم

طلال التميمي · #5 22/10/2007, 11:53 AM

كلامك في محله ..

انا من النوع اللي اكره الكره الدفاعيه رغم اني اشجع ايطاليا من 98
ولكن لكل مدرب اسلوبه وفلسفته الان الهلال مطالب بهذه البطوله ... وليعوض غليل الجمهور الهلالي
في البطوله اسيا ...
ولكن الظروف في الوقت الراهن لا تسمح للهلال بان يجاري الفرق رجل لرجل..خلنا شويه بس نكون واقعيين ..
بالله عليك الهلال يخرج من الوحده الاماراتي ... ماني مصدق ... شعندهم غير سمعه ...
والصراحه مستوى الهلال في المباريات اللي فاتت ما تبشر بالخير ولا تطمئننا كجمهور هلالي ....

نحن لا ننكر ما بذله الامير امير القلوب (( محمد بن فيصل )) ... لكن كما تقبلت المدح ... يجب ان تتقبل الذم .... وانت من وضعتنا الى هذه الحاله الميؤسه ..
وانت يجب ان تخرجنا منها .....

زعيم الكواكب · #6 22/10/2007, 11:54 AM

إقتباس

الرسالة الأصلية كتبت بواسطة حمـ(الهلالي)ــد


	عاش جمهور الهلال المنظر \ ماشاءالله كلكم مدربين واداريين وخبراء كرة قدم يافرحة الهلال فيكم اتركو هالتفاهات ولاتشوشو على الجماهير

معليش أخوي ...تراك الحين انت في عصر الديجيتال

يعني تشوف وتشوف الكثير ، وكل الناس تتابع كورة على مستوى العالم

فإذا واحد حط رأيه الفني مو شرط يكون مدرب لكن يكون متابع ولا تقدر أنت ولا غيرك وتقول تفاهات

الحضور بنحضر المباراة إن شاء الله ونسوي الي علينا !!!

أما إذا بعد ما تبون الرأي فخلهم يقفلون المنتدى ...علشان ما نشوش على أحد على قولتك

تحياتي

حمـ(الهلالي)ــد · #7 22/10/2007, 11:58 AM

خطة الهلال هذي من 4 سنوات وهو يلعب فيها وينكم مانشوفكم الا قبل المباريات المهمة وتكتبون هالمواضيع

اللي تهمه مصلحة الهلال لازم يسكت عن بعض الأمور لكي تمشي الأمور الأخرى

يعني كلامنا عن هالتشكيلة وانا ماني راضي عنها لكن المدرب مادرى عن هوانا
ولو مشى على هوانا كان الغو عقده

واسف على الاسلوب بس تنرفزت من مواضيع هالمنتدى

أحبك ياهلاااال · #8 22/10/2007, 12:02 PM

والله ماانقذنا الا 2 اللي هم خالد عزيز وعمر الغامدي و الله نضيع بدونهم
وبالنسبه للخطه الهلال عندهـ هجوم وسط مايقارن بأي هجوم ووسط على مستوى الخليج لكن وين اللي يفهم
بالله ياسر وش يبي يسوي قدام اربع مدافعين لحاله مافيه الا طارق في الوسط الهجومي والشلهوب ونواف انخفاض بالمستوى

طارق الابياتي · #9 22/10/2007, 12:03 PM

أقول وش رايك نحطك مدرب؟
كل واحد عنده خطه معينه وش بقيتو للمدرب
جمهور آخر زمن

ياخي لا تلومه ,,,, ما فيه اضهرة صح ,,, ولا قلب دفــاع يغطي .... والحارس بعد نازل مستواه
يعني هلالنا اللحين يلعب اكثر من 3 سنين 4-5-1 بسبب الضعف الواضح في الدفاع ,,, والمشكلة الادارة ما شافت حل في هذا الخط ؟؟؟؟؟؟

صاحب الرد رقم 1 قال اللي كنت بقوله