نادي الهلال السعودي - شبكة الزعيم - الموقع الرسمي - اليكم الاخبار.....[مكان الرابطه,قيمة التذاكر,فتح بوابات الملعب,مرئيات للجمهور]

السلام عليكم ورحمة الله وبركاته

صبحك الله بالخير يا زعماء شخباركم عساكم بصحه وسلامه

بعطيكم المعلومات بالمختصر المفيد

مكان الرابطه راح يكون مقابل المنصه اللي عند الدرجه الاولى
قيمة التذاكر 20 ريال
تفتح البوابات الساعه الرابعه والنصف

لكن مرئياتي للجمهور :
1- يا شباب اتركو عنكم الهجوله داخل المدرجات ترى الوظع راح يكون زحمه واذكروا الله اذا دخلتوا عشان الشيطان ما يكون خويكم وتفكونا من المشاكل والهواش اللي ماله داعي .

2- بالنسبه للالعاب الناريه اللي يدخلون وياهم قنابل ام 15 ريال اللي تهز المدرجات هز احب اقولكم ترى هالمره راح تاكلونها خابور يعني انسو الموظوع انكم تهربونها لان اللي سمعته من ولد عمي انهم فرقة امن المنشئات هم اللي راح يستلمون التنظيم بدال الشرطه:eek:.

3-يرحم والديكم اللي يجلس بعيد عن الرابطه هذا مو معناه انه يجلس مثل الصنم ولا يشجع مثل مباراة القادسيه الله يفشلكم والله. اجل مباراة القادسيه احنا يلي جالسين مقابل الرابطه الجهه الجنوبيه من الملعب يعني وييييييييييييييينا ووين الرابطه قومنا الملعب وقعدناه وانتو اللي عند خقوي ساكتين .

4- بالله لما حقوي يقول 321 وتشوفون حركة الموج بالله كملوها لحد يخربها انا عندي لقطتها كنت مصورها من جوالي يوم مباراة القادسيه بس المشكله ما عرفت شلون ارفع الملف واجيبه لكم ولا هي ورب المصحف جاااااااااااااااااااااااااااااااااااامده مره .

لا تنسون الردود اللي يدخل وكل واحد يسرد وجهة نظره بكلامي .

اخوك ساسي هلالي

s13ss13ss13s