20/10/2007, 12:59 PM
|
زعيــم متألــق | | تاريخ التسجيل: 07/12/2000 المكان: alzaeem.net
مشاركات: 1,496
| |
مذكرات حشااااااش معيــّـد ...!!! أهلاً بالجميع
في البداية اقولكم اني ما سكه معي اكتب موضوع بس وش عنه ما ادري
قلت ياولد ( مسوي صغير ) انت افتح على صفحة موضوع جديد ويجيك الالهام ملوي
والله وانا اللي اطاوع نفسي واتكل على الله
المهم اني فتحت الصفحه والى والله ما حولك احد ,, الدميجه ميح <<< لا تضحك يا سهل
قلت لنفسي عاد ما ابي اكتب موضوع اي كلام ,, يا اجيب شي عليه العلم ومنه فايده
يا اسكر الجهاز واقضب ارضي
ويوم جيت اضغط على الاكس والله ويجيك الالهام وتبدأ الكشره تتوسع
قلت ياولد بما ان اليوم اول يوم دراسه وراه ما اكتب عن الموضوع
اكيد انه مقلق العالم ومشغل كثير من الطلاب +
خاصه ان النفسية تصير حلوه والصدر يصير واسع
وخل اقولكم سالفه من سوالفي ايام الاربعينات يوم كنت ادرس بالثانوية <<<< توي طفل
كان اول يوم دراسه عندي زيه زي يوم العيد ,, يعني سلام وتكشخ <<<< امحق
خاصه اذا صار بنطلون بدلة الرياضه طالعه من تحت الثوب
مع ان ما فيه حصة رياضه بس هذي سلوم الكشخه عندنا
علشان تدحرمك ويقولون عنك الناس انك ولد نعمه
والكل يجي يسلم عليك ...
المهم ان الحصه الاولى هذي تروح وحنا ما دخلنا المدرسه اصلاً ..
واحيانا يروح اليوم الدراسي بأكمله وحنا برا
شوي تسدح وشوي تبطح والشويات الباقيات كلها نوووووم
وطبعا اذا قرب وقت الطلعه ( ياقدم هالكلمه )
تحصل زوايا سور المدرسه مليان
ندخل ( منداخل ) علشان اذا جا اللي يضفنا ويحصلنا طالعين زينا زي الطلاب الاوادم
عاد يستمر الوضع يومين ثلاثه على حسب المزاج
وبعد كذا تبدأ البزوطه داخل اسوار المدرسة
يوم عند المدير ويوم عند الوكيل لين الله يفرجه
كل هذا تحصله يا علشان تاخر عن الحصه والا تسكع بالاسياب حاملاً العذر المعروف
( المدرس مرسلني اجيب مساحه )
النكبه اذا اخذني عن المدرس وسأله ,, هذي سالفه ثانيه بحد ذاته ..
وعلى هالسالفه لين ما جت فكرة الليلي <<<<<< ( انبسط منها )
لكن انا لقيت حل مناسب للنجاح
وهو
وكذا انا ابصم بالعشره انك راح تكون اول الناجحين
وراح تكون الدراسه عندك حلوه وسهله
الا تدرون
خلوكم من الخرابيط اللي فوق كلها
وتعالوا قولولي
كل واحد منكم وين عيد ومتى عيده ..؟
ويالله انا اولكم
انا عيدت بالقصيم وعيدنا الساعه 7.30 الصباح اول ايام العيد ..
منها نعرف من وين انتم ؟؟ ومتى عيدكم ؟؟ <<<<<<<< ياحبه للشراااااااااااااافه
وقبل لا اضغط اعتماد الموضوع ابي اسأل سؤال بالله ..!!
وش فايدة المقدمه العريضه اللي فوق هذي ؟؟؟ ووش دخل الدراسه بوين تتعيدون ؟؟
بلاوي بس ..
ختامـــــــــــــــــــــــــــــــاً
امووووت واعرف انا وش ابي من الموضوع |