|
¤ّ,¸_¸,ّ¤ خمس الغاز شعرية تنتظر الجواب ¤ّ,¸_¸,ّ¤° السلام عليكم اليوم جايب لكم خمس الغاز شعرية وانتظر جوابها وين اهل الشعر وهواة الالغاز :d علماً بان الفائز والبطل اللي يجاوب عليها كلها مو بعضها بسم الله نبدأ اللغز الاول انشدك عن رجل كريه وله ثلاث سنون لاطاحت اسنونه جن لو مايدخله جني وكلا يكرهه ولكن وقت اللزمه له مضمون ورد ذكره بايات في كتاب الله يتلني http://www.al-wed.com/pic-vb/860.gif اللغز الثاني ياويش بنت مالها مذهب ولا مله بنت شهرها لك الله فعلها الرايع فرقت بين التشابه كيف بسم الله والي عشقها عن دروب السنع ضايع http://www.al-wed.com/pic-vb/860.gif اللغز الثالث اسمعوا يالي تحلون الالغاز لغز على شان النشامه نعده ياويش بنت دوم ماتشرب القاز والي طلع منها لهلها ترده في وسط ورع دوم هماز لماز ورع يكد البنت وهي تكده http://www.al-wed.com/pic-vb/860.gif اللغز الرابع انشدك الي يفهمون الامعاني الي لهم في حل الاغاز عاده عن اخوة لهم مقام وشاني ولهم في كل العروبه سياده ان غاب واحد يشغله مكاني وان زدتهم مايقبلون الزياده http://www.al-wed.com/pic-vb/860.gif اللغز الخامس انشدك عن ورع لبنت قديمه شايل على ظهره وريعا مسيكين البنت من دونه تراها عقيمه ياقف على ثنتين والناس دارين |
والله يا انا مدري ووش الطبخه بعد :d خلناا نسنتاانس وهاات موضوووع ونااسه ترا ورانا مدرااس :d |
بشوف لي شاعر فاضي اتصل عليه أساله وارد لك :d |
السلام عليكم ورحمة الله وبركاته الجواب الأول السجن له ثلاث سنون أي ثلاثة أحرف ،، لاطاحت اسنونه جن أي اذا سقط حرف السين أصبح الاسم جن ،، وذكر في سورة يوسف ( قال رب السجن أحب إلي .. الآية ) الجواب الثاني البوصلة فرقت بين التشابه كيف بسم الله والي عشقها عن دروب السنع ضايع البيت واضح ،، فرقت بين الجهات ومن خالفها ضل الطريق الجواب الثالث شريحة الجوال في وسط ورع دوم هماز لماز ورع يكد البنت وهي تكده :d بيت يشخص استعمال الـصغار للجوال بشكل خاطئ :d الجواب الرابع حروف الهجاء ،، فهي من تصير المعنى وحل الألغاز بها الجواب الخامس قوس الربابة فالربابة هي الفتاة ( مؤنث ) ،، الربابة دون القوس عقيمة فلا تصدر صوتا ولافائدة حقوق الطبع محفوظة فسرت إجابة كل لغز لألا يعتبر سرقة صارخة !! :rolleyes: دمـتـ بكل الـ ح ـب |
هلا كل الفن هلالي.. موضوعك حلو.. :D ويعطيك العافية نمر.. أقطع يدي لو إنه موب مغششك أحد :D |
منور كل الفن هلالي ألغاز حلوة..... النمر15 ماشاءالله عليك مابقيت لنا شي</******> |
إقتباس:
. خلنا نقول ماشاءالله بس للضمان :d . الله يعطيك العافية كل الفن :thumbup: |
يعطيك العافية موضوع حلو .. والأحلى الواحد يشغّل مخه شوي بس لو خليت كل يوم لغز.!! النمر 15 ماشاء الله تفسيرك منطقي.. دمت بطاعة الله :: أختك |
النمر 15 ما بقى لنا شي ما شاء الله :d يعطيك العافية يا فارس << مضيع هو اسمك فارس و لا لا :d |
نمر افضحك :D فارس والله مالي في الالغاز :D بس يمدحون قوقل اول ما حطيت البيت فيه طلع لي الجواب <<<< ترا ما يقصد النمر طارق الواصل :D |
من اسهل الاسئلة اللي مرت .. وسبق ان جاوبت عليها بيوزري الثاني :eek: .. الاجابات هي الموجودة في ردي رقم ثلاثة .. وبما اني فضحت نفسي .. وكشفت سري .. لذلك ارجوا من الادارة ان يوقفوا يوزري الثاني لأني بصراحة ما ابيه .. وكفاية تعذيب الضمير .. كفاية :d .. . <<< راح عليك اليوزر يا نمر 15 :d .. جرح يشكي .. من جدك فاقدهم انت ؟ :d .. يا رجال نصابين خذوا الجائزة كلها وهجوا .. وتركوني انا والبرنس :cry: .. قال ايش قال كابتن ومدرب :d |
{النمر15} 10/10 :thumbup: ماشاءالله تبارك الله وبارك الله فيك ومو مستغرب منك هذا الابداع البقية الهلالي النايم/مجنون الزعيم(9)/abo sager هلاليه كووول22/f*y*d/عالم الهلال أول العنقود/جرح يشكي/المـشـاكـس يا كُسالا مشكورين ويعطيكم الف عافية :) (وترى عذر البليد مسح السبورة) :d في أمان الله على أمل اللقاء بكم بعد ساعات قليلة بموضوع جديد بس موب ألغاز :wink: تقبلو تحياتي ،، |
انا كان ودي احلها بس سبقني بها الاخ |
| الوقت المعتمد في المنتدى بتوقيت جرينتش +3.
الوقت الان » 06:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd